Էկոլոգիական համակարգ: Սննդային կապերը օրգանիզմների միջև

9-րդ դասարան Էկոլոգիական համակարգ : Սննդային կապերը օրգանիզմների միջև:Էկոլոգիական բուրգ դաս`33-34

Էկոհամակարգը  կամ  էկոլոգիական համակարգը `կենսաբանական համակարգ է, որը կազմված է կենդանի օրգանիզմներից` կենսացենոզից, նրանց բնակության միջավայրից՝ կենսատոպից,որում մշտապես տեղի է ունենում էներգիայի և նյութի շրջապտույտ:

Էկոհամակարգում նյութերի շրջապտույտը պայմանավորված է կենսածին տարրերի բավարար քանակով և հետևայլ գործառական բաղադրիչներով`

Էկոհամակարգի կայունության հիմնական պայմանն է էներգիայի հոսքը և նյութերի շրջապտույտը

Էներգիայի հոսքը իրականանում է սննդային շղթաներում

Արոտային սննդային շղթա`էներգիայի հոսքը կատարվում է պրոդուցենտներից` կանաչ բույսերից դեպի կոնսումենտներ

Դետրիտային սննդային շղթա`էներգիայի հոսքը սկսում է անկենդան օրգանական նյութից և անցնում է տարբեր տեսակի քայքայող օրգանիզմներով

Սննդային կապերը գրաֆիկորեն արտահայտում է էկոլոգիական բուրգը: Հայտնի է`թվաքանակի բուրգ, կենսազանգվածի բուրգ, էներգիայի բուրգ: Իմացեք`ստորին սննդային մակարդակից դեպի վերին մակարդակները անցնելիս յուրաքանչյուր օղակում կորչում է էներգիայի 90 %

Լուծեք խնդիրը:

• Սնման շղթան կազմված է հետևյալ օղակներից` ջրիմուռներ-ջրային մանր անողնաշարավորներ- մանր ձկներ- խոշոր ձկներ: Որքա ՞ն սկզբնական կենսազանգված է անհրաժեշտ խոշոր ձկան զանգվածը 1կգ-ով ավելանալու համար, եթե կենդանու զանգված է անցնում կերած սսնդի 10%: