"Эрэ хүнэй нэрэ соло"

САГААЛГАН –2022

«Эрэ хүнэй нэрэ соло»

Хүтэлбэрилэгшэ 1: Лхасаран

Дээрэһээ бууһан саһан

Дэлхэйе хушаад һайхан даа.

Буряад зонойм Сагаалган

Бусажа ерээд һайхан даа.

Амар мэндээ!

Хүтэлбэрилэгшэ 2: Тимур

Амар сайн, хүндэтэ айлшад!

Сагаалганаар, сагаан hараар!

Сарюун заншалта hайндэрнай,

Салюун дайдадаа ерэбэл даа.

Хада мэтэ баатарнууд

Хадаг дэлгэн уринал даа.

Сэбэр залуу, зулгы дангина басагад

Сагаан эдеэ баринал даа! (хадаг, сагаан эдеэ хүндэтэ айлшадтаа барюулха)

Хүтэлбэрилэгшэ 1: Мүнөөдэрэй манай Сагаалганай сэдэб: «Эрэ хүнэй нэрэ соло». Буряад-монгол угсаатан болон мүн бусадшье арадуудта эрэ хүндөө тусхай хүндэ ямба мэдүүлдэг байһаниинь эли. Эрэ хүн гээшэ гэр бүлын гол шухала хангагша.

Хүтэлбэрилэгшэ 2:

Мүнөө тайзан дээрээ 9 «а» ангиин һурагшадые уринабди.

- Эрын гурбан наадан (АЮР)

- Эрэ хүнэй хубсаһа хунар, бүһэ, хуяг дуулга (ЦЫРЕН-ДОРЖО)

- Арадтаа хүндэтэй эрэшүүл: ЛХАСАРАН, ИМИН, ИРИНЧЕЙ,

Хүтэлбэрилэгшэ 1:

Баян буряад нютагтамнай

Баатар хүбүүд байха лэ,

Уужам буряад нютагтамнай

Уян нугархай басагад байха лэ. (Хатар Лиджиева Имин)

Хүтэлбэрилэгшэ 2:

9 «б» ангиин һурагшадые тайзан дээрээ уринабди:

- Эрэ хүнэй хүмүүжэл, ажал хүдэлмэри, уялга, харюусалга.

- Домогто ороһон эрэшүүл.

Хүтэлбэрилэгшэ 1:

Номойн ёһоор нарин ябаха,

Эрын ёһоор эрдэм эдлэхэ- гэһэн арадай мэргэн үгэнүүд эрхим хүниие гэршэлнэ, тиимэһээ хүбүүд, «Эрын 9 эрдэм» мэдэхэ, шудалха ёһотойбди.

Эрын юhэн эрдэм

1. Нарин урлал

2. Агнуури

3. hур харбалга

4. Моришо хаба

Хүтэлбэрилэгшэ 2:

5.Ташуур

6. Шүдэр

7. hээр шаалга

8. Дархалга

9. Барилдаан

Хүтэлбэрилэгшэ 2:

Буряад hайхан заншалнай

Бугэдэ зоноо нэгэдүүлжэ байг!

Буряад аялга дунууднай

Бусад холуур зэдэлжэ байг! (Дуун: ХҮБҮҮД «Уужам, уужам Буряадайм»)

Хүтэлбэрилэгшэ 1: (Викторина)

1. «Үбгэн эсэгэ» гэжэ үгэ хэдэн ондоогоор нэрлэдэг, тоологты (үбгэн баабай, үбгэн аба, таабай, төө баабай..)

2. Балданович гэжэ алдартай хүнэй эсэгэ хэн бэ? (Балдан)

3. Эсэгэ тухай оньһон үгэ хэлэгты (Хүбүүгээ һургажа, эсэгэ боло.. Эсэгын үгэ эрид, эритын үзүүр хурса. Эхэ- газар, эсэгэ-тэнгэри)

4. Эсэгынгээ уг үргэлжэлүүлэгшэ гэжэ хэниие хэлэдэг бэ? (хүбүүень)

5. Элинсэг абаһаа та хэдыдэхи үедэ ябаһан болонот? (3-дахи үе)

Хүтэлбэрилэгшэ 2: (Викторина)

1. Хэнэйнгээ үхибүүдтэ нагаса аба гүүлэхэб? (басаганайнгаа)

2. Эсэгын талаһаа аха дүүнэр (абгатан тала)

3. Өөрын хүбүүнэй гү, али дүү хүбүүнэй һамган (бэри)

4. Дэгэлээ үмдэхэдөө, эрэ хүн түрүүн ямар гараа хамсылдаг бэ? (зүүн гараа)

5. Эрэ хүн баруун гар дороо бүһэдөө юу зүүдэг бэ? (мүнгэн хутага)

Хүтэлбэрилэгшэ 1

Түмэн хүнэй hур дараха,

Түхэреэн улаан шарайтай,

Мянган хүнэй hур дараха,

мандаhан улаан шарайтай

Эрхэтэндэ диилдэхэгүй

Амитанда абтахагүй.

Эрын юhэн эрдэм түгэсэhэн

эрын hайн хүбүүд болооройт.

ҮРЕЭЛНҮҮД (Алина, Арина, Сарана).

Хүтэлбэрилэгшэ 2:

Сарюун, дорюун хүбүүд, басагад,

Сагаан hарын ёхор наадая!

Сасуу олон үеын нүхэд,

Сагаалганай ёхорто  сугларая! (ЁХОР)

Хүтэлбэрилэгшэ 1

Зай, иигээд лэ найр наадамнайи түгэсэхэнь. Аба эжынгээ, элинсэг хулинсагуудайнгаа һургаал заабари, еһо гуримуудыень мартангүй, үшөө дээшэнь үргэжэ, сахижа ябаха уялгатай гээшэбди.

Дахин уулзатараа, баяртай.