Ֆունկցիայի հետազոտում և գրաֆիկի կառուցում

Բ Ա Ց Դ Ա Ս Ի Պ Լ Ա Ն

(Դաս` համակարգչային տեխնիկայի կիրառմամբ)

Ուսուցիչ՝ Աննա Բաղդասարյան Ամսաթիվը՝ 26.02.2020թ.

Առարկան՝ Հանրահաշիվ և մաթ. անալիզի տարրեր Դասարանը՝ 10-րդ բ1

Դասի թեման՝ Ֆունկցիայի հետազոտում և գրաֆիկի կառուցում

Դասի բնույթը՝ ամրապնդման դաս՝ ԽԻԿ համակարգով, խմբային աշխատանքի միջոցով

Դասի նպատակը՝

 գաղափար ունենան ֆունկցիայի և դրանց ներկայացման եղանակների մասին

÷ գիտենան ֆունկցիայի հատկությունները և կարողանան պարզել տրված ֆունկցիայի համար

• իմանան ֆունկցիայի գրաֆիկի ձևափոխությունները և կարողանան կիրառել ֆունկցիայի գրաֆիկի կառուցման ընթացքում

÷ ձևավորել ֆունկցիաների ուսումնասիրության ընթացքում նրանց գրաֆիկների ներգրավման կարողություններ,

 զարգացնել առաջադրանքերը կատարելիս ձեռք բերած գիտելիքները կիրառելու հմտություններ:

Սովորողի ուսումնական ակնկալիքները՝

Գիտենալ ֆունկցիաների հիմնական հատկությունները և դրանց ապացուցումները (որոշման և արժեքների տիրույթներ, սահմանափակություն, զույգություն, պարբերականություն, զրոներ, նշանապահպանում, մոնոտոնություն):

Կարողանալ մեկնաբանել տրված ֆունկցիաների հիմնական հատկությունները և կառուցել դրանց գրաֆիկներ :

Վերջնարդյունքում՝ մեկ անգամ ևս կրկնել ֆունկցիայի հատկությունները, 1 դասաժամի ընթացքում հետազոտել 4 տարբեր ֆունկցիաներ և կառուցել գրաֆիկները։

Դասի կահավորումը՝ համակարգիչ, պրոյեկտոր և մեծ էկրան, առաջադրանքների թերթիկներ,նաև՝

օգտվել հետևյալ կայքերից և ծրագրերից.

mindmup.com, quizizz.com, desmos.com, youtube, word

Դասի ընթացքը. (նախապես դասարանը բաժանել 4 խմբի) (5ր)

Խթանման փուլ՝ բանավոր հարցերի միջոցով կազմել ֆունկցիայի հետազոտման ուրվագիծը

հայտորոշիչ թեստ՝ quizizz ծրագրով (ձևավորող գնահատում) (10ր)

լիցքաթափող վարժություն (1ր)

Իմաստի ընկալում՝ Առաջադրանքների կատարում ՝ տրված ֆունկցիաների հետազոտում և գրաֆիկի կազմում (գնահատումը՝ խմբերով մյուս խմբերի կողմից) (22ր= 6ր + 4·4ր)

Կշռադատման փուլ՝ խմբային աշխատանքների վերլուծություն, սխալների ուղղում,

ամփոփում (5ր) Տնային աշխատանքի հանձնարարում (2ր)

Դ Ա Ս Ի Ը Ն Թ Ա Ց Ք Ի Ն Կ Ա Ր Ա Գ Ր ՈՒ Թ Յ ՈՒ Ն Ը

Խթանման փուլ

1. Տրվում են հարցեր, որոնց պատասխանները հնարավորություն են տալիս կրկնել և ընդհանրացնել արդեն ունեցած այն գիտելիքները, որոնք անհրաժեշտ են ֆունկցիաների հետազոտման համար: Հարցերը հետևյալն են՝

Ի՞նչ է ֆունկցիան, որո՞նք են նրա որոշման և արժեքների տիրույթները:

Ի՞նչ է ֆունկցիայի պարբերականությունը:

Ո՞ր ֆունկցիան է կոչվում զույգ, որը՝ կենտ:

Ո՞ր ֆունկցիաներն են կոչվում մոնոտոն ֆունկցիաներ:

Որո՞նք են ֆունկցիայի էքստրեմումի կետերն ու էքստրեմումները։

Ո՞ր կետերն են կոչվում ֆունկցիայի զրոներ:

Ինչպես ենք գտնում ֆունկցիայի հատման կետերը կոորդինատային առանցքների հետ։

Որո՞նք են կոչվում ֆունկցիայի նշանապահպան միջակայքեր։

Ո՞րն է կոչվում ֆունկցիայի գրաֆիկ և ինչպե՞ս կառուցել ֆունկցիայի գրաֆիկը:

2. Առաջադրանքների կատարում՝ հայտորոշիչ թեստ quizizz ծրագրով

Էկրանին հերթով ցուցադրվում են առաջադրանքները: Յուրաքանչյուր առաջադրանքի կատարման համար աշակերտներին ժամանակ է տրվում: Վերջում հնարավորություն ունենք տեսնելու արդյունքները. թե՛ անհատական, թե՛ ընդհանուր։

Ուսուցիչը ընդհանրացնում է և կատարում ձևավորող գնահատում։

3.Լիցքաթափող վարժություն՝ մաթեմատիկական պար

ֆունկցիայի գրաֆիկների տեսքը մարդուկի ձեռքերի շարժումների միջոցով, աշակերտները կրկնում են նրա հետ։

2.Իմաստի ընկալում՝

Խմբային աշխատանք՝ տրված ֆունկցիաների հետազոտում և գրաֆիկի կազմում.

Յուրաքանչյուր խմբին կտրվի ֆունկցիա,նրանք պետք է հետազոտեն այդ ֆունկցիան և կազմեն նրա գրաֆիկը։ Ժամանակը լրանալուց հետո խմբերը կներկայացնեն իրենց աշխատանքները, մյուս խմբերը կգնահատեն նրանց։

3. Կշռադատման փուլ՝

ուսուցիչը կխոսի բացթողումների մասին, կկատարի վերլուծություն, կամփոփի խմբերի աշխատանքները ։

4. ՏՆԱՅԻՆ ԱՇԽԱՏԱՆՔԻ ՀԱՆՁՆԱՐԱՐՈՒՄ

հետազոտել տրված ֆունկցիաները և կառուցել դրանց գրաֆիկները՝

դասագիրք, էջ 137, վարժություն 418բ, 419բ, լրացուցիչ՝ 420բ

Գրականություն

1. Գ. Գ. Գևորգյան, Ա. Ա. Սահակյան, «Հանրահաշիվ և մաթեմատիկական անալիզի տարրեր 10», դասագիրք հանրակրթական դպրոցի բնագիտամաթեմատիկական հոսքի 10-րդ դասարանի համար, «Էդիթ Պրինտ» հրատարակչություն, Երևան 2009:

2. Է. Ի. Այվազյան « Հանրահաշիվ և մաթեմատիկական անալիզի տարրեր 10-12: Ուսուցչի մեթոդական ձեռնարկ», հանրակրթական դպրոցի բնագիտամաթեմատի-կական հոսքի համար, «Էդիթ Պրինտ» հրատարակչություն, Երևան 2009:

3. Մաթեմատիկա: Հանրակրթական ավագ դպրոցի առարկայական չափորոշիչ և ծրագիր

4