Г1уллакхан къамелан дакъош (таблица).

Г1уллакхан къамелан дакъоша дар я хилар а ца гойту, х1ума билгал  а ца йо, х1уманан билгало а ца гойту, масалла я рог1алла а ца гойту, предложенин меженаш а ца хуьлу.

Г1уллакхан къамелан дакъош

Бакъо

Масала

Дешт1аьхье

(Предлог)

Ц1ердешан,билгалдешан,тарахьдешан,ц1ерметдешан кхечу дашца йолу юкъаметтиг гойтучу къамелан декъах дешт1аьхье олу.

дитта т1ехь,класса чохь, Теркал дехьа ,берашна хьалха, цул т1аьхьа, цуьнан дуьхьа,юьртара дуьйна.

Хуттург

(Союз)

Предложенин меженаш я чолхечу предложенин дакъош вовшахтосучу г1уллакхан къамелан декъах хуттург олу.

Цхьалхенаш цхьана дашах лаьтташ хуьлу: а ,я, амма, ткъа.

Чолхенаш шина-кхаа декъах лаьтташ хуьлу: х1унда аьлча, иштта делахь а, нагахь санна.

Хуттургаш екъало кхин а шина декъе:

1) Цхьаьнакхетаран хуттургаш : а, я, амма, делахь а, бакъду, т1аккха, цул т1аьхьа, х1етте а. 2)Карара хуттургаш : х1унда аьлча, цундела, иштта, делахь, хьама, дуьхьа, нагахь санна.

Я со вахийта цига, я хьуо г1ой вала.

Султана мохь беттара, амма цхьа а гучу волуш вацара.

Дакъалг

(частица)

Преложенина я цуьнан меженашна тайп-тайпана маь1на лучу г1уллакхан къамелан декъах дакъалгаш олу.

Вахарий техьа Супьян эсий дажо?

Иза ца веара тхоьга.

Айдардош
(междометие)

Х1уманан я г1уллакхан хаадалар хазахетарца, инзарваларца, азтардарца, кхайкхарца билгалдечу дешнех айдардош олу.

Эх1, ма тамашийна г1уллакх ду-кх х1ара! Ой, х1инца баккъал дешна а ваьлла, ц1а веана-кх хьо!