Иярчен вакыт җөмлә

Иярчен вакыт җөмлә

Кагыйдәсе:

• Иярчен вакыт җөмлә баш җөмләдәге эш яки хәлнең үтәлү вакытын белдерә һәм кайчан? кайчаннан бирле? кайчанга чаклы? дигән сорауларга җавап бирә.

Аналитик төре:

• 1.Ялгызак мөнәсәбәтле сүзләр : шул чакта, ул чагында, шул вакытта, шунда, шуннан соң, шуның алдыннан, аңа кадәр, шул арада, аннары, шуннан бирле, ул да булмады.

• 2.Парлы мөнәсәбәтле сүзләр: кайчан- шунда , кайчан- шул вакытта .

Синтетик төре:

• 1.Хәл фигыль формасы: -гач, -гәч, -кач, -кәч;

-ганчы, -гәнче, -канчы,

-кәнче .

• 2.Урын-вакыт килеше кушымчасы : -да, -дә, -та, -тә.

• 3.Үткән заман сыйфат фигыль формасы : -ган, -гән, -кан, -кән + -да, -дә урын-вакыт килеше кушымчасы.

• 4.Исем фигыль формасы : -у,-ү + -га, -гә юнәлеш килеше кушымчасы .

• 5.Бәйлек һәм бәйлек сүзләр : вакытта, чакта, җитәрәк, мәлдә, бирле, белән, арада, алдыннан, соң, дигәндә.