Конспект урока по крымскотатарскому языку на тему: "Фииль заманлары"

7 сыныф Къырымтатар тили

Мевзу: Фииль заманлары

Макъсат: фииль заманлары акъкъында умумий малюмат берюв, оларны огренюв, догъру бельгилев, мевзуны пекитюв; талебелернинъ сёз ве лугъат байлыгъыны зенгинлештирюв, нутукъта догъру къулланув; ана тилине севги ве окъувгъа меракъ ашлав.

Универсаль окъув фаалиети (УОФ):
Регулятив: Дёнеме ишлер беджерилюви. Фикирлерни козетюв эсасында сёйлеви. Дерснинъ мевзу ве меселесини ифаде этмек. 
Коммуникатив: Къыйын вазиетлерни мустакъиль чезюв. Озюни ве бир-бирини тешкерюв
Бильги алув: Талиль этюв, тенъиштирюв, умумийлештирюв, нетидже чыкъармакъ арекет вастасы иле чалышув

Дерснинъ типи: янъы бильги берюв

Дерснинъ кетишаты:

I Тешкилий къысым:

1.Селямлашув.

2.Субет: Балалар, азбарда къыш, Янъы йыл байрамы якъынлаша, амма авасы йымшакъ,къар даа ягъмай.Сизлер къышны насыл тасавур этесинъиз? Къышта табиатта насыл денъишмелер ола? Балалар къышта насыл оюнлар ойнайлар? Сизлер Янъы йылдан нелер беклейсинъиз? (арзу ве ниетлер)

3.Тапмаджа:

Менсиз предметнинъ тек ады бар,

Мен къошулсам арекет башлар.

Къушлар уча,балалар къувана,

Багълар гуллей, джанлана эр шей. (фииль)

II Талебелернинъ бильгилерини актуаллештирюв:

1.Суаль -джевап отькерюв:

-Фииль дегенде биз нени анълаймыз?

-Фииль нени бильдире?

-Фииль насыл суаллерге джевап бере?

2. «4-юнджи арткъач» оюны: оюн шартынен таныштырув(4 сёз арасында:3 фииль ве 1-башкъа сёз чешити)

1.Окъуй, иш, ашай, беклей.

2.Отурды, язды, темиз, кельди.

3.Биз, чападжакъ, кетиреджек, сувараджакъ.

4.Ойнай, йырлай, бегене, секиз.

3. Ресимлер боюнджа иш (Ресимлерде тасвирленген адиселернинъ бильдирген арекетлерини айтынъыз)

Ель эсе. Ягъмур ягъа. Кунеш къыздыра. Балыкъ ялдай. Къуш уча.Чегертки секире. (нетидже)

4. «Ким не япа?» оюны: зенаатны бильдирген сёзлерге арекетни бильдирген сёзлерни багъланъыз.

Ашчы----- Йырлай

Эким----- Къура

Йырджы----- Пишире

Оюнджы----- Айдай

Айдавджы----- Окъута

Къуруджы----- Ойнай

Оджа-----Тедавийлей

Тербиевий дакъкъа: «Эр бир зенаат озюне коре муимдир»(субет)

-Балалар, келеджекте сиз ким олмагъа истейсинъиз?Не ичюн?

Бельки, кимдир йырджы олмагъа истей? Земаневий йырджылардан кимлерни билесинъиз?

Яхшы зенаатнынъ саиби олмакъ ичюн-яхшы окъумакъ керек.

Мотивация:

Яза язды язаджакъ

Иш- арекет олаята иш-арекет олды иш-арект оладжакъ

III Дерснинъ мевзусы ве макъсадларынен таныштырув.

IV Янъы мевзу:

Иш-арекетнинъ япылгъаны,япылаяткъаны ве япыладжагъына коре

Фииллернинъ учь заманы бардыр:

1.Кечкен заман фииллери (иш-арекет олып кечти)-Не япты? Не олды?Не япкъан? Неолгъан?

Окъуды, турды,ашагъан,эшиткен,корьди,бильген…

2.Шимдики заман фииллери (иш-арекет олаята)- Не япа?Не ола?

Окъуй, тура, ашай, эшите,коре, биле…

3.Келеджек заман фииллери (иш-арекет энди оладжакъ)- Не япаджакъ? Не оладжакъ?

Окъуйджакъ, тураджакъ, ашайджакъ, эшитеджек, кореджек, биледжек…

3.Лугъат иши:

Кечкен-прошедший, шимдики-настоящий,

келеджек-будущий, заман-время

4.Раатлыкъ дакъкъасы (козьлер ичюн гимнастика).

V Пекитюв:

1.Айырма диктанты (фииллерни заманларына коре, учь устюнге айырып язмакъ): унутты, беджере, бакъаджакъ, коре, донатты, чезеджек, къойды, биле, келеджек.

2. «Корректор» оюны: (группаларда чалышув)-фииллерни догъру къулланув

1-группа 1.Тюневин сыныфымыз музейге (бара, барды, бараджакъ). 2.Келеджек афта бизге мусафирлер (кельди, келеджек, келе).3.Кунеш къыздырса,къарлар (иридии, ирий, ирийджек).4.Эдебият фени ярын биринджи дерсте ( ола, оладжакъ, олды).

2-группа 1.Тюневин сыныфымыз музейге (бара, барды, бараджакъ). 2.Келеджек афта бизге мусафирлер (кельди, келеджек,келе).3.Кунеш къыздырса,къарлар (иридии, ирий,ирийджек).4.Эдебият фени ярын биринджи дерсте ( ола, оладжакъ, олды).

3.Карточкаларнен иш (аталар сёзлерининъ маналарыны анълатув,фииллерни косьтерюв,заманыны бельгилев)

4.Дерсликнен чалышув: 50 с. (сонъки метин)-язмакъ, фиильнинъ заманларыны бельгилев .

5.Тестирлев:

1.Фииль нени бильдире?

а) предметни б) иш-арекетни в) аляметни

2.Фиильни тапынъыз?

а)далгъа б)далгъаланды в)далгъалы

3.Фиильнинъ къач заманы бар?

а)2 б)3 в)1?

4.Кечкен заман фиилини бельгиленъиз?

а)сорай б)юкълагъан в)кетти

5.Шимдики заман фиилини бельгиленъиз?

а) сараджакъ б)больди в)отура

6.Келеджек заман фиилини бельгиленъиз?

а) йырлайджакъ б)анълады в)динълей

VI Дерснинъ нетиджеси:

-Балалар, бугунь биз къайсы мевзуны текрараладыкъ?

-Насыл янъы мевзуны огрендик?

-Фиильнинъ къач заманы бар? Мисаллер кетиринъиз.

VII Рефлексия: -Балалар, дерсни бегендинъизми? Дерсте нелер сизге къолай я да къыйын корюнди?

VIII Эв иши: 123-иш 51с.

IX Баалав.