Масдар оал-тесташ 7 класс.

ТЕСТАШ

1. Масдар оал :

а) Ший тайтарча хандеша формах,цо хьахьокх х1амано деча дарагеи цун хьалагеи хьежжа йола белгалонаш ;

б) Предложенена юкъе сказуеми а кхы хандош кхета а дайташ,мишта?фу деш?фу даь?фу дергдолаш?маца?х1ана? яхача хаттарашта жоп а луш йолча хандеша фор-мах

в) Хандеша белгалзача формах хьахинна,къамаьла юкъе ц1ердош санна лелаш долча къамаьла даькъах ;

г) Даран е кхыча белгалон белгало хьахьокхача къамаьла даькъах .

2. Масдар хандош санна :

а) хьахьокх х1аман дари цун хьали ;

б) дожарашца хувцалу ;

в) классашца хувцалу ;

г) таьрахьашца хувцалу .

3. Масдар ц1ердош санна :

а) хьахьокх х1аман дари цун хьали ;

б) дожарашца хувцалу ;

в) классашца хувцалу ;

г) таьрахьашца хувцалу .

4. Масдар хандеша белгалза формана ер суффикс т1акхетарца хьахул :

а) - ш ; б) - аш ; в) -р ; г) - лаш ; д) - ув .

5. Масдарий легар укх легара чудоаг1ача ц1ердешай санна да :

а) кхоалаг1ча ; б) цхьоалаг1ча; в) диълаг1ча;

г) шоллаг1ча; д) пхелаг1ча; е) ялхлаг1ча .

6. Масдарашца дацардош ца язду :

а) массаза къаьста ; б) массаза цхьана ; в) цхьана а къаьста а .

7. Масдарца из белгалдеш дола дешаш хилча цунах хул :

а) деепричасте корчам ; б) причасте корчам ;

в) дистара корчам ; г) масдара корчам .

1. Предложенешта юкъера хьалаха масдараш :

Бераш шоай ханнахьа деша дахийтар а царга дешийтар а даьи наьнеи декхар

да . Нахаца барттайна хилар,хьехархочо шийга яхар дар,ц1аг1а бе аьнна болх кхоачашбар дикача дешархочун г1улакх да .

2.Укх хандешаех масдараш хьаде :язде,ала,вода,лела,саца,мала,кхета,ваг1а,ада .

3.Укх предложенена юкъе масдар дац :

а) Дешар цахар х1анз вайна юкъера д1адаьккхад .

б) Дешар сердало я .

в) Хьаьна даар овсаре хул .

г) Хан -ханнахьа х1ама даар дег1а пайданна да .

4 Укх предложенешка эшшача дожаре оттаде эцар яха масдар :

Йишийна коч ............ т1адиллар сона нанас.Коч ... раьза яр Мадина.

Йишийна из . . . . . раьза вацар тха з1амига вошилг .Шийна коч . . . . . .

дог г1оздаьнна яр йиша .Коч . . . . . . гелцца лакхъеннаяр ,из . . . . . . .ч1оаг1а г1адъяха хьувзар йи1иг.Цо сатийсадар шийна хоза хета коч . . . . . . .Из шийна . . . . . . доккхаг1а дика дацар йи1ига хила .

5. Предложенешта юкъера хьаязде дацардош ца дола масдараш,къовларгаш хьа а елаш : Дешар - сердало,(ца)дешар - боадо.Ахьмад ч1оаг1а раьза вацар аз шийга каьхат (ца)яздар бахьан долаш,1урре кораш а дийла фо чу(ца)дайтар дика дац.Ший ханнахьа бане (ца)вахар,барзкъа (ца)хувцар дег1а дика дац .Къахьегамхой дийша (ца)хилар ч1оаг1а дезаш хиннав паччахьа .Тхьовра паччахьа волча хана лораши больницаши (ца)хилар бахьан долаш дукха лазараш хулар наха .