Мектепалды даярлық тобындағы ұйымдастырылған оқу қызметінің конспектісі" Тақырыбы: Мен көмекшімін

Мектепалды даярлық тобындағы ұйымдастырылған оқу қызметінің конспектісі

Өткізу күні: 05.02.20

Тәрбиеші: Жәкіш Г.А

Білім беру саласы: «Әлеуметтік орта»

Пән: Өзін-өзі тану

Өтпелі тақырып: «Қыстың керемет шағы»

Тақырыбы: «Мен көмекшімін»

Мақсаттары:

1.Тәрбиелік: Бір-біріне көмектесе білуге тәрбиелеу

2.Дамытушылық: Бір-біріне көмектесе білу дағдыларын қалыптастыру.

3.Оқыту: Көмек, көмектесу ұғымдары туралы түсінік беру.

Педагогикалық технологиялар: Ойын технологиясы

Ресурстармен қамтамасыз ету: дәптер,түрлі түсті қарындаштар,сюжеттік суреттер.

Сөздік жұмыс: Қолғанат

Үштілділік: Көмектесу-помочь-to help

Ұйымдастырылған оқу қызметінің барысы:

І.Ұйымдастырушылық кезеңі

1.Шаттық шеңбері:

-Тәрбиеші балалармен бірге шеңбер құрып,бір-бірімен амандасады.Бәрі бірге төмендегі өлең жолдарын қайталайды.

Бақшамызға барғанда,

Жолыққан бар жандарға.

Ертемен ақ пейілмен,

«Қайырлы таң!» деймін мен.

ІІ. Негізгі бөлімі.

1.Әңгімелесу

-Балалар, «өзін-өзі тану» әлеміне саяхат барысында адамдардың бір-біріне мейірімділікпен, қамқорлықпен қарап, шыншыл бала болу қажеттігін түсіндік.Енді бүгінгі сабақта «көмектесу» туралы әңгімелесеміз.

- Көмектесу дегенді қалай түсінесіңдер?

«Қолғанат»

- Жанар анасына қандай көмек корсеткісі келді?

- Анасы Жанардың бұл ісін қалай бағалады?

- Сендер ата-аналарыңа қандай көмек көрсете аласыңдар?.

Сөздік жұмыс: Қолғанат

Үштілділік: Көмектесу-помочь-to help

Дәйекөз

Тәрбиеші «Бала - ата-ананың қолғанаты» нақыл сөзін сабақтың дәйексөзі ретінде түсіндіреді.

Ойын – жаттығу. «Топтасып көрейік...».

Шеңбер бойындағы балалар бір-біріне төмендегі белгілері бойынша топтасады:

• - кімнің мысығы бар...

• - ақ көйлектілер ...

• - тәттіні жақсы көретіндер...

• - футболды жақсы көретіндер...

Балалар топтасқаннан соң, жүргізушінің нұсқауы бойынша үнсіз қимылмен төмндегі тапсырмаларды орындайды:

- ағаш аралау;

- алма жинау;

- суға түсу;

- әткеншек тебу;

- сурет салу;

- би билеу.

ІІІ. Қорытынды

- Балалар, бүгінгі сабағымызға үлкендерге, өзімізден кішілерге, бір-бірімізге қалай көмектесетініміз туралы әңгімелестік. Сендер кішкентай болсаңдар да үлкендерге көмек беру, қолқанат болудың жақсы қасиет екенін білесіңдер. Көмектің үлкен-кішісі жоқ. Сендердің әрбір көмектерің үлкендерді, ата-аналарыңды қуантады.