Намсарайн Б-Б. "Алтаргана"_Методическа дурадхалнууд

Шойнжонова Д.Б.

Буряад литература_5 класс (2-дохи четверть)

Методическа дурадхалнууд

Үзэхэ зохёол: Б.-Б. Намсарайн “Алтаргана” (3 саг)

Зохёол үзэлгын хэшээлнүүдтэ табигдаха зорилгонууд: Б.-Б. Намсарайн зохёохы намтартай, “Алтаргана” гэжэ зохёолтойнь танилсуулха, хөөрөөн дээрэ уран зохёолой байгуулга тухай литературна ойлгосо үгэхэ. Һурагшадай үгын баялигые үргэдхэжэ, аман болон бэшэмэл хэлэлгыень хүгжөөхэ. Аба эжыгээ хайрлаха, хүндэлхэ, ашыень харюулха нигүүлэсхы сэдьхэлдэ һургаха, аха дүүнэр хоорондоо зохидоор хандаха г.м. шанартайгаар хүмүүжүүлхэ. Бүгэдэ Буряадай “Алтаргана” наадан тухай мэдэсэ үгэхэ.

Методическа дурадхалнууд:

1. Урмашуулан зоригжуулгын шатада “Алтаргана” арадай дуу хэрэглэжэ болоно. Дуунай удха дээрэ багахан хөөрэлдөө эмхидхэхэ, арадай дуунуудай онсо шэнжэнүүд тухай хэлсэхэ.

2. Оролто хэшээлдэ уран зохёолшо тухай презентаци хэрэглэхэдэ таарамжатай.

1. “Алтаргана” зохёол уншалгын ба тэрэнэй удха, байгуулга дээрэ хүдэлэлгын шатанууд. Эндэ уншалгын янза бүриин аргануудые хэрэглэхэ; уншажа байха үедөө, тогтожо, удхаарнь хөөрэлдэхэ; словарна хүдэлмэри үнгэргэхэ; зурагуудые хэрэглэжэ, когнитивнэ карта зураха (learningapps.org сервисэй арга боломжонуудые ашаглажа болохо); уран зохёолой сюжет дээрэ хүдэлхэдөө, түшэглэһэн хүсэнэгтэ харуулха; зохёолой сэдэб болон идей, нэрэ тайлбарилан хэлсэхэдээ, хүмүүжүүлгын зорилгонуудаа хүсэд бэелүүлхэ, арадайнгаа зүйр сэсэн үгэнүүдые жэшээ болгохо; һурагшадай урда шиидхэгдээгүй байдал тогтоожо, бодомжолуулха (Trello самбар хэлэглэхээр), аман хэлэлгыень хүгжөөхэ г.м. түсэблэжэ болохо.

2. Гэрэй даабари, һурагшадай бэеэ даагаад хүдэлмэри эмхидхэхэдээ, шэлэһэн даабаринуудые дурадхабал таарамжатай. Үгышье һаа бүлэг бүлэгөөр ажаллуулжа, бэе бэеэ хүндэлэн, хамтын хүдэлмэри дүүргэхэ шадабарииень үргэдхэхэ. Жэшээтэ даабаринууд: эжын һайндэртэ зорюулжа, инстаграм соо түүхэ (стори) хэблэхэ. Эндэ үреэл, дуун, шүлэг, зураг г.м. амаршалганууд байха зэргэтэй. “Алтаргана” гэжэ дуу сээжэлдүүлжэ болохо.

Үгышье һаа, бүлэг бүлэгөөр хубааржа, амаршалгын видео буулгуулха, тэрэнээ Интернет соо оруулха. “Баян талын аялга” дамжуулгада, Буряад ФМ радиодо амаршалгын бэшэг бэшүүлхэ. Һурагшадай өөһэдөө амаршалгынгаа үгэнүүдые найруулхыень дэмжэхэ.

Trellо гү, али padlet самбарнуудые хэрэглэжэ, проектнэ хүдэлмэри эмхидхэжэ болоно. Нэгэ гэбэл уран зохёолшын намтар болон зохёохы замаарнь (Б-Б.Намсарайн – уран зохёолшо, Б-Б.Намсарайн – габьяата багша, Б-Б. Намсарайн – хизаар ороноо шэнжэлэгшэ), үгы гэбэл “Эхын сагаан сэдьхэл гамная” гэжэ сэдэбээр. Жэшээнь:

1. Һурагшадай мэдэсэ, шадабаринуудые шалгахын шатануудта мүн лэ сахим хэрэгсэлнүүдые ашаглажа болоно. Online Test Pad, Mentimetr.com, Якласс г.м. сервис, хабсаргалтанууд таарамжатай байха. Мүн баһа һурагшад бэе бэеэ, өөрыгөө сэгнэхэ ажал ябуулха зэргэтэй.