Обряд крымскотатарской свадьбы

Селям алейкум! Хош кельдинъиз! Сайгъылы ве урьметли мусафирлер! Акъшам шерифинъиз хайырлы олсун!

Бугунь бизнинъ топлашувымызнынъ себеби – байрамдыр! Байрам , чюнки  янъы къоранта дюньягъа келе. Ве бу янъы къорантанынъ ады – Сеитибрам ве Эсма!!!

Сеитибрам ве Эсма!

Кокюнъизде бахт йылдызы

Ич бир вакъыт сёнмесин.

Юрегинъизде сыджакъ севги

Битмек недир бильмесин!!!

Эсма, джаным, гузель ханым,

Къыйметли киев , Сеитибрам!

Яхшы, мабет олманъызны

Джумле джемаат истер.

Барсын нурлу эвинъизде,

Севги ич де битмесин,

Урьмет, сайгъы оджагъы да

Алевленсин, сёнмесин.

Софранъызда ич бир вакъыт

Нимет битмек бильмесин!

Алла Яррабим сизге эвлятлар багъышласын!

Оларгъа да муляимлик,

Эбет, сизден ашласын!

Мавиле энге ве Джелял даи!!!

Ер юзюнде энъ татлы сёзлер – ана ве баба сёзлеридир!Бу сёзлер дюньяда эр бир халкънынъ тилинде сайгъы ве урьметнен айтыла.

Энъ назик, энъ чебер эллер – бу ана ве бабанынъ эллеридир.

Энъ догъру ве элял юреклер – ана ве бабанынъ юреклеридир.

Сиз аналарынъызны ве бабаларынъызны не къадар урьметлесенъиз, омюринъиз о къадар къуванчлы ве бахтлы олур.

Сиз бугунь байлаштынъыз , чюнки 2 аналы, 2 бабалы олдынъыз. Хайырлаыкъ сизлерни!!!

Сизлерге исе чокътан – чокъ тешшекюрлер бильдиремиз , бойле къыйын вакъытларда . бойле софраларны донаттынъыз!

Эйлигинъиз хайырлы олсун!!!

Чалгъы чала, йырлар янъгърай,

Мында энди той башлай.

Донатылгъан софраларгъа той саиби козь ташлай,

Келин – киев эеджанлы,

Бу оларнынъ тойлары.

Софраларнынъ башларында да севип – сайгъан сойлары,

Эвленелер яшларымыз, феракълана ана – бабалар,

Муаббетлик « АЛЛА ВЕРСИН», деп ялвара къартбаба – бабалар!!!

                               Акъшам шерифинъиз хайырлы олсун!

Эйлигинъиз хайырлы олсун! Хош сефа кельдинъиз!

Бардакъларны ачайыкъ, шербетлерни яшларымызнынъ бахтлы яшагъаны ичюн котерейик!

Чалгъыджыларымыз ДОЛУ чалсынлар!