Окуучулар жетишпеген сабагынан жетишүүсү үчүн эмне кылуусу керек, же бул абалды түзөтүү жолдору

Окуучулар жетишпеген сабагынан жетишүүсү үчүн эмне кылуусу керек, же бул абалды түзөтүү жолдору

• Сабактан жетишпей калуубуздун себебин анализ кылып үйрөнүү.
• Эч качан ошол предметтен жалпы жетишпей калуубуз мүмкүн эмес. Анын айрым бир тема, жолун билбешибиз мүмкүн. Ошол үчүн бири-бирине себеп болуп сабактан жетишпей калабыз. Демек, ошол сабактан кайсы теманы, эмнени түшүнбөгөнүбүз үчүн жетишпегендигибизди аныктоо керек.
• Жетишпөөбүздөгү кыйынчылыкты үйрөнүп, ошону чечүү, түзөтүү план-программасын түзүү.
• Сен үчүн кыйын болгон сабакты жакшы өздөштүрүүнүн өз алдыңа максат кылып коюп, ошого жетүүнүн планын түз жана ар күнү, жума, ай сайын өзгөрүүгө аракет кыл. Ошентип, өз эркиңди, жөндөмүңдү сынап көр.

5. Кемчиликтерди түзөтүүнүн жеке планын түзүү.

• Предметтик мугалимге кайрылып, жекече консультация алуу.
• Төмөнкү класстарда өтүлгөн, азыркы сабакка керек темаларды кайталап үйрөнүү.
• Класста ошол предметтен жакшы окуган окуучудан жардам алуу, көчүрүп албай, жолун үйрөнүү.
• Башында ошол сабактан жетишпей, кийин аракеттенип жетишкен окуучулардын тажырыйбасын,ой-пикирин угуу.
• Ата-эне, ага-эжеден жардам суроо.
• Ошол предметтин негизги түшүнүктөрүн, түшүнүктөр системасын өздөштүрүү.
• Түшүнүш кыйын болгон темалардан, маселе, мисал иштөөдөн коркпой, кайра ошолорду өздөштүрүүгө, «өжөрлөнүп», «тиштенип» киришүү.

• Ошол сабактан билим алуу үчүн зарыл ыкмаларды терең, ар тараптуу өздөштүрүү.
• Иштин көзүн билбей, сокур аракеттенбей, башкалардан кеп-кеңеш алып, жолун, ыгын үйрөнүп, аракеттен.
• Мугалимге кайра-кайра уялбай кайрыл. Эгер ал чыныгы мугалим болсо, ал сага туура жолун, методун үйрөтүүдөн тажабайт.
• Ошол сабакты өздөштүрүүнүн терең сырын билүүгө дилгирленип аракеттен.
• Алгач ийгиликке жетишпесең көңүлүн чөгүп, тез эле таштап койбо. Ийгилик кыйынчылык менен, аста-секин келишин унутпа.
• Алгач «4», «5» алып, анан аракетти токтотуп койбо. Баа үчүн эмес, билим үчүн оку.

• Ошол сабак боюнча кошумча адабият, энциклопедия, сөздүк, көркөм китеп окуу керек.
• Бир жол менен аракеттенип, жетише албасаң, башка жолун издеп, жакшы окууга жетишкенче жол издеп, сынактан өткөрө бер.
• Бул сабактан коркуп, уйкуң келбестен, тескерисинче акыл-эсиң, аракетиңди ушул сабактан жетишүүгө топтоштура бил. Эрктүүлүк менен өзүңө-өзүң буйрук берип оку. Өзүңө-өзүң дем берип, колдоп оку. Келечекке керектигин түшүнүп оку.

• Бул сабактан жетишип алгыча, башка иштерге ашыкча алагды болбо. (Мисалы: телевизор,көчө ж.б.).
• Ийгиликке жетишүүнүн оңой, тез, эффективдүү, туура, жеңил жолун изде.
• Жалкоолук, зеригүү-бул тоскоол экенин унутпа. Чымырканып, изденип окуп, жетиш.
• Китепкана, техникалык каражаттар, гезит, журналды пайдалан.
• Булардан тышкары да изденип, сабакка жетишүүнүн жаңы жолун өзүң ойлоп тап.