Омур баян......

Өмүр баян

Мен Каратаева Дамира Мыктаралиевна 1980-жылдын 24-майында Өрүк-Зарлуу Баткен областынын Баткен районуна караштуу Кыштут айылында, мугалимдин үй-бүлөсүндө туулганмын.

Мектеп жашына чейин ата-энемдин карамагында тарбия алганмын. 1987-жылдын 1-сентябрында Кыштут орто мектебинин ак босогосун аттап кирдим. Мектептин эң алдыңкы окуучуларынын катарын толуктап, бир канча жетишкендиктер менен аяктадым. 1997-жылы мектепти ийгиликтүү аяктап, сентябрь айында Бишкек шаарынын Ж.Баласагын атындагы Улуттук университетине, математика-информатика жана кибернетика факультетинин М-1 тайпасына бюджеттик негизинде окууга кабыл алынганмын. Жогорку окуу жайда өткөрүлгөн коомдук-маданий иш-чараларга активдүү катышып, ректордун бир канча сыйлыктарына ээ болдум. 2002-жылы Жогорку окуу жайды ийгиликтүү аяктап, ушул эле жылдын сентябрь айында Кыштут орто мектебинин математика мугалими деген статуска ээ болдум. Жаңы иш кадамымда класстан тышкаркы бир канча иш-чараларды өткөрдүм. 2003-жылдын март айында турмушка чыкканыма байланыштуу Кадамжай районуна караштуу Өрүк-Зар орто мектебинде мугалимдик кесибимди аркалай баштадым. Азыркы учурда 2 уул, 2 кыздын бактылуу энесимин.