"Пусть слово доброе душу разбудит"

Министерство образования и науки РД.

Ассоциация педагогов РД.

Международный методсовет по многоязычию и межкультурной коммуникации портала

http://bilingual-online.net

Международный творческий литературный конкурс.

«Пусть слово доброе душу разбудит…»

Номинация: поэзия

Возрастная категория: 16-20 лет

Название произведения

«Я для всех людей Земли…»

Автор: Арабиева Аида Ахмедовна

с. Новые Викри, Каякентский район

Республика Дагестан Российская Федерация

МБОУ «Нововикринская СОШ»

10 «А» класс [email protected]

Индекс 368550

РД Каякентский район с.Новые Викри

ул. Салихова 27

тел.

Работа представлена на даргинском языке

Ну Дунъяла инсунтас

Ну инсунтас Дунъяла

БегI халал гIузручира.

Гьар Дунъяла инсанна,

ГIузру чейсуси сайра.

Дунъяла инсунтала

Гьавкьяси зяхIматчира.

Яшавласи даража,

Ункъбарес узусира.

Ну дунъяла адамтас

Хъубзарра някъ къатавтар.

Цалра илдазивадли,

Гашази хIерцахъуси.

Гьарил инсан азихъли,

Дигулра наб лукъули.

Чи язихъли виалра,

Укахъис ну гушлира.

Лебил дунъяла гIялам

БучIахъусира гьаман.

ХIяя-дагьрила ахъдеш,

Чузи даим дихIяхъес.

Илдазибад чидиллис,

Къиян кьадарбиалра

ХIядурсира бархIилис,

ГIеббаахъес икьала.

Инсаниятла дагьри,

ДугадикIули диги.

Уббалтутас дагьрили,

Кумек бирули диги.

Тарих инсаниятла,

Хъумкартули хIейгулра.

Хъумкартутани тарих,

ХIебала чула хъарихъ.

Ванзаличив акIубси,

Майаб агарси хъарихъ.

Баргес хIейруси хъарихъ,

Сай игъбарли ватурси.

Лебил игъбарагартас,

Игъбар баргес умцIулра.

Хъарихъ баргес хIейрутас,

ИлигIирра къяйцIлира.

Гьар Ванзала адамлис,

Узидеш тIалабдирис,

Уржили хIербиахъес,

ХIемсус къараулбарес.

Ну инсунтас Дунъяла

МалхIямси мугIяллимра.

Вай, гIяхIла ургаб лебси,

ДекIардеш иргъахъуси.

Дунъяла гьарил инсайс

Ну пасихIкар шягIирра.

ШигIру-дагьри гIямрула,

Диахъуси гьариллис.

Ну адамтас Ванзала

МалхIямси тухтур сарра.

Гьарил изу-улкьуси,

Илдала сагъбируси.

Лебил инсаниятла

Гьаркьяси космонавтра.

ДигIяндеш гьаргбарили,

Къуллукъличи кайуси.

Ванзала мягIдунтазив-

ХIянчикар хIелухуси.

Лерил дигIян давлуми,

Инсунтас дузахъуси.

Даршудешла ярагъла

Уста сарра гьаркьяси.

Лебай уркIи бузули,

Даршудеш балтахъулра.

Инсаният балтахъул,

Саркъибси къараулра.

ГIяршлизибад акIалра,

Урехи гьарахъбирул.

Лебил инсаниятла

Къалагъуна къакъбяхъра.

Илдас дурар къалала

Даим къарауйчирра.

Инсаният калахъес

Саб чевкъули наб рургъес.

Инсунтала калахъес,

Чебуркъалра наб ребкIес.

МяштIдеш агу ребкIасра,

Инсаният калалли.

Ну агарси бархIира,

Инсунти гьигьбикIалли.