Сахалыы ырыа тыллара 1

Бар дьоммор.

Ыраас халлаан сыдьаайыттан

Тыгар күммүт сыламыттан

Сарыал кыыһар ча5ылыттан

Күндү дьонум бука бары

Ыраас сырдык кэрэ-нарын буолуо5уҥ

Таптал-үөрүү дьол аргыстаах сылдьыа5ыҥ

2)Сандал сааспыт күлүмүттэн

Күөх сайыммыт сирэмиттэн

Күһүн кыһын кэлэриттэн

Күндү дьонум бука бары

3)Чыычаах ыллыыр ырыатыттан

Хатыҥ чараҥ суугунуттан

Алаас хотун кустугуттан

Күндү дьонум бука бары

4)Ийэ а5а алгыһыттан

Күлбүт оҕо мичээриттэн

Олох мааны далбарыттан

Күндү дьонум бука бары.

Мин дойдум

Айыы сирин мааныта

Хоту күөлум мэндээрэр

Саҥа күнү уруйдаан

Кустук өҥун оонньотор

Дьоллоох кэми эргитэн

Yөрүү-көтүү үҥкүүлүүр

Сыдыбылым киэркэйэр

Yчүгэйин мин дойдум

Сибэккитэ тэтэрэр

Дьэдьэн үүнэр кырдаллаах

Ньургуhуна нуоҕайар

Көнө налыы хонуулаах

Манна таптал мичээрдиир

Эдэр саастыын сиэттиhэн

Манна үлэ ньиргийэр

Инникигэ дьулуhан

Чороон тутан күөрэтэн

Уохтаах кымыс иhиэҕиҥ

Истиҥ иэйии тылларын

Ырыа гынан ыллыаҕыҥ

Сибэкки.

Сибэккигэ таммахтар
Күн уотунуу оонньууллар
Тыыннаах сулус буоланнар
Тырымнаһа тыгаллар.

Сибэккигэ таммахтар
Сибэккигэ алмаастар
Сибэккигэ сулустар
Сибэккиттэн күн тахсар.

Тыһыынчанан сулустар
Сиргэ кэлэн түспүттэр
Ча5ылыйа сырдааннар
Алмаас тэҥэ кэрэлэр

Төгүрүччү сулус – күн,
Тула өттүм – тула күн
Күлүмүрдүүр көмүс күн
Кустук өҥүн көрөбүн.

Хорошо.

Солнышко светит – это хорошо,
Радуга сияет – это хорошо,
Облачко белое - это хорошо,

А я иду, иду, иду
И песенку пою.

Реченька чистая - это хорошо,
Травка зеленая - это хорошо,
Птички щебечут – это хорошо,

Мирное небо - это хорошо,
Дети смеются - это хорошо,
Мамочка милая - это хорошо.

Музыка льется - это хорошо,
Радость приносит - это хорошо,
Много друзей здесь - это хорошо,

А я иду, иду, иду
И песенку пою.
А я иду, пою, пою
И песню повторю.

Чугдаар чуораанчыгым.

Yгүс сыл кэнниттэн эргиллэн
Күөрэгэй эн күҥҥүн уруйдуур
Мин кэлэн турабын эйиэхэ
Кырдьа5ас оскуолам дорообо

Чугдаар, чугдаар, чуораанчыгым
Чугдаар, чуопчаар эн лыҥкыначчы
О5о сааспын эн санатаҥҥын
Кылаастаргар эн ыҥыра тур

Yүнэр, сайдар суолу тутуһан
Олоххо туһалаах дьон буолан
Куорсун кынат үүннэрэммит
Көппүппүт дии бу тиэргэнтэн

Ырыабар, хоһооммор холбооммун
Э5эрдэ тиэрдэбин бу күҥҥэ
Махталбыт, тапталбыт бастыҥа
Эйиэхэ ананар оскуолам.

Ыһыахха.

Уйгулаах сайыммыт ыһыаҕын
Тойуксут ырыата аспыта
Туус маҥан атынан хаамтаран
Уол кыыстыын сэргэҕэ кэлбитэ
Дьиэрэй-дьиэрэй
Чуордук дуорай
Оһуо-оһуокай
Эһиэ-эһиэкэй
Бу манна чороону көтөҕөн
Тойуксут уруйдуу тоһуйда
Υс сэргэ аттыгар көрсүһэн
Көлүөнэм илиитин тутуста

Кырдьаҕас алгыһын ытыктаан
Ыччатым көхтөөхтүк чуоҕуста
Түһүлгэ оонньуута тэнийдэ
Кылыыһыт сүүрүк да үксээтэ.