Биринджи чанъ байрамы 2019-2020 сенеси
Диана: Мына кене янъгъырай мектепнинъ чанъы
Китап-дефтерлер азыр, эписи янъы
Язнынъ сыджакъ куньлери тез кечип кетти
Мектеп къапысы ачыла, татиллер битти
Арзы: Селям алейкум севимли талебелер, оджалар, ана-бабалар, сайгъылы мусафирлер. Бугунь бизим мектебимизде буюк байрам - бильги куню, биз эпинъизни хайырлаймыз ве бу байрамны ачыкъ деп, илян этемиз.
Диана:
Сизге дерлер талебе,
Къолгъа берерлер элифбе,
Эр кес сизни алгъышласын,
Гульдестелер багъышласын.
Арзы: Бизим тантаналы байрамымыз мектеп талебелерине багъышлана. Айырыджа 1 сыныф талебелерине вакъыт кельди, оларнынъ омюринде биринджи кере бу «Биринджи чанъ» байрамы оладжакъ. 1 сыныфкъа 107 талебе кельди. Келинъиз, бу талебелерни къаршылайыкъ.
Диана: Кичкене, дюльбер, гузель къырымтатар халкъынынъ келеджеги, бизим несилимиз, озь тилини билип, авесликнен огренген,энъ акъикъий къырымтатар балачыкъларны давет этемиз. Келинъиз къаршылайыкъ!
Арзы: 1-А сыныфы – «Йыл оджасы» конкурсынынъ гъалибеси, 1 категориялы урьметли Эмиралиева Альбина Османовна, 29 талебе
(музыка…..
Диана: 1-Б сыныфы – джумхуриет семинарларнынъ иштиракчиси, 1 категориялы урьметли Зейтуллаева Зульмара Марленовна, 30 талебе
(музыка……)
1-В сыныфы – джумхуриет конкурсларнынъ гъалибеси,
1 категориялы урьметли Меметова Левиза Энверовна, 26 талебе
(музыка…)
1-Г сыныфы - яш, истидатлы мутехассыс , урьметли Аблаева Эльвина Велиевна, 22 талебе
(музыка…..)
Арзы: Мектеп! Дикъкъат! Гимнлер янъгъырай!
(гимн Рф,РК, Къырым по 1 куплету )
Арзы: Бугуньки бильги байрамына мусафирлер кельди:
Санагъа 1 сыныф талебеси Асанова Эсанна давет этиле. Сиз ичюн «Мектеп-меним кунешим» йыры.
(включаем песню)
Диана: Тебриклев сёз мектеп мудири, урьметли, севимли Куртаметова Диляра Фахриевнагъа бериле.
(музыка для награждения)
Арзы: Сёз мусафирлерге бериле.
Етекчи: Энди сез бу байрамда иштирак эткен энъ уфакъ талебелери, биринджи сыныф талебелерине бериле. Буюрынъыз:
(музыка Балалар хайтармасы)
(Биринджи сыныф талебе шиирлер окъуй)
1 талебе: Мектеп олсун багъчамыз,
Китап олсун акъчамыз.
Биз бу ерден чыкъкъан сонъ,
Бильги толсун богъчамыз.
2 талебе:
Мен окъумыш оладжам
Окъуп бильги аладжам.
Гъайрет этип, тырышып
Яхшы адам оладжам.
3 талебе: Башымда беяз бантым,
Дюльбер антер устюмде.
Тез мектебиме чаптым,
Къалмайым деп биревден.
4 талебе:
5 талебе:
6 талебе:
Тиль,эсап,эдебият,
Спорт,тарих ве табиат
Акъкъында
Мен мектепте бильги алырым.
Севимли Юртум,санъа
Файдалы олмакъ ичюн,
Огренирим, огренирим,огренерим
Етекчи: Бу биринджи чанъ байрамында 11 – джы сыныф талебелери, мезун оларакъ, биринджи сыныф талебелерине бахшышлар азырладылар. Буюрынъыз!
(музыка-11 класс дарит подарки)
Арзы : Бугунь мектебимизде тантаналы кунь! 20 йыл девамында мектебимиз озь талебелерни къаршылап, буюк аяткъа озгъарды.
Кимдир мектепте бугунь?
Джевап тута эр шейге?
Кимдир месулиетли,
Эмексевер,акъыллы?
О эм шаир, финансист,
Депутат, оджа,артист
Эр ерде о биринджи
Мудир акъкъында сёзлер
Алгъышлар, гульдестелер.
Эльбетте, бизим мудиримиз Диляра Фахриевна санагъа давет этиле. 10 йыл девамында Диляра оджа озюни аджимайып, олгъан кучь-такъатыны севимли мектепке багъышлады. Чокъ сагъ олунъыз! Алгъышлар!
Диана:
Бу ич битмеген битмиген ишлер,
Кимнинъ башына къала?
Достлар корьмей, тюкян корьмей,
Эвде беклей къоранта!
Мониторинг,договорлар,
Чешит тюрлю имтианлар,
Совещание,топлашувлар,
Педсоветлер,приказлар.
Эльбетте, бу бизим мудир муавинлеримиз Ибрагимова Алие Казимовна, Алиева Саида Музаффаровна, Катранжиева Ленура Ахтемовна, Кадырова Арзы Якубовна. Чокъ сагъ олунъыз! Алгъышлар!
Диана: Геджелери юкъламайып
Башында планлар тизе
Танъ аткъанда о мектепте
Кунь батса-къайта эвге.
Мектепнинъ ачылышындан берли 20 йыл девамында чалышкъан оджаларымызны давет этемиз.
Бу
башлангъыч сыныф оджасы Мустафаева Февзие Асановна
башлангъыч сыныф оджасы Абдуллаева Эльвина Мугаремовна
къырымтатар тили ве эдебияты оджасы Асанова Фатиме Мусаевна
биология оджасы Аметова Зелиха Ремзиевна
тарих оджасы Аметова Ленара Ислямовна
китапханеджи Аблязизова Эльмира Ибраимовна
къырымтатар тили ве эдебияты оджасы Халилова Гульфие Серверовна
Диана: Санагъа 15 йылдан зияде озь вакъытыны, дикъкъатыны,кучюни мектебимизге берген урьметли оджаларымыз давет этилелер:
физика оджасы Зиядинова Надиде Дарвиновна
тарих оджасы Сеит-Джелиль Леняра Абдураимовна
тешкилятчы, башлангъыч сыныф оджасы Сейтаблаева Эльмира Шевкетовна
химия оджасы Османова Асие Адиловна
Чокъ сагъ олунъыз!Алгъышлар!
Шимди исе, бизим мектеп мезунларны, эм де мектеп оджаларымызны теклиф этемиз! Мектебимизде къайтып кельгенинъиз ичюн, чокъ сагъ олунъыз!Биз сизнен гъурурлаанмыз!
Санагъа
башлангъыч сыныф оджасы ве мудир муавини Кадырова Арзы Якубовна давет этиле
башлангъыч сыныф оджасы Аблаева Эльвина Велиевна давет этиле
джогърафия оджасы Муртазаева Анифе Аблязисовна давет этиле
емек оджасы Аблякимова Эсанна Сейрановна давет этиле
башлангъыч сыныф оджасы Кубединова Сайде Сейрановна давет этиле
мектепнинъ кятиби Серверова Эльвина Наримановна давет этиле
Келинъиз,берабер бу гузель шарларны кокке учырайыкъ!
(музыка «выпускают шары»)
Урьметли оджалар, бу гузель гульдестелер сиз ичюн!
(ученики вручают цветы)
Вручается песня «Яша-меним халкъым» и под нее читается стих
Юбилейинъ хайырлы олсун, джаным мектебим!
Талебелеринъ даим оссюн меним мектебим!
Оджаларынъ бахтлы олсун, артсын къыйметинъ,
Шеэримде екянесинъ оссюн шуретинъ!
Сен халкъымнынъ келеджеги, умюди, шаны,
Миллетимни остюреджек сёнмез мешали,
Халкъым ичюн хызмет этип бинъ йыл яша мектебим!
Бильги, къазанч тертибинъле сёнмесин миллий оджагъын!!!
Яшасын 5 миллий мектеби! Яшасын!
(Мавиле подхватывает и анчинает петь 1 куплет)
(включается песня)
Арзы: Сиз ичюн бульбуль сесли Мавиле Мамбетова йыр иджра этти.
(1 куплет)
Бугунь 20-нджи сефер биринджи чанъ къакъыладжакъ.
Чанъны къакъмакъ ичюн мейдангъа 11 сыныф талебелери– Асанова Эмине, Татаров Ибраим, Ибрагимова Алие, Татаров Эскендер, Асанова Эльзара ве биринджи сыныф талебелери – Хайбуллаев Тамерлан, Юлдашева Севиля, Вейсова Эльмаз теклиф этиле.
(Чанъ къакъыла)
(включается фоновая)
Диана: Мектеп! Дикъкъат! Гимнлер янъгъырай!
(РВ,РК, Къырым 1 куплет)
Арзы: Шимди исе, кичкене талебелеримизни биринджи дерске озгъарайыкъ!
1-А сыныфы –Эмиралиева Альбина Османовна
Алла къолай кетирсин!
(музыка…..
Диана: 1-Б сыныфы –Зейтуллаева Зульмара Марленовна
Алла къолай кетирсин!
(музыка……)
Арзы: 1-В сыныфы – Меметова Левиза Энверовна
Алла къолай кетирсин!
(музыка…)
Диана: 1-Г сыныфы - Аблаева Эльвина Велиевна
Алла къолай кетирсин!
(музыка…..)
Арзы: Урьметли талебелер, рехберлеринъизнен берабер озь сыныфларынъызгъа биринджи дерске кечинъиз. Ана – бабалар ве мусафирлер, урьмет этип кельгенинъиз ичюн чокъ сагъ олунъыз!
789
72 370 
