Студенттік кез тамаша

БҚОӘББ «Орал газ, мұнай және салалық технологиялар колледжі» МКҚК

ашық тәрбие сағаты

СТ-632 топ жетекшісі:

Г.Т.Жумабаева

Орал қаласы – 2015

Тақырыбы: «Студенттік кез тамаша»

Мақсаты: Студенттердің арасында өзара ынтымақтастықты дамыту, таңдаған мамандықтарына деген көз-қарасты жетілдіру, тәрбиелік мақсатында ұядан ұшқалы отырған түлектерге ақ жол тілеу.

Өтетін орны: Колледж акт.залы

Өтетін күні: 11.12.2015ж

Көрнекіліктері: Слайдтар топтамасы, альбом

1. «Қазақ биі»

1-жүргізуші: Армысыздар, мұғалімдер, әз жандар,

Білім іздеп, инемен құдық қазғандар.

Құшақ жая қарсы аламыз сіздерді,

Би биленіп, ән де бүгін шырқалар.

2-жүргізуші: Қайда менің студенттік күндерім,

Жалындаған жастық шағым, күн керім.

Дауылдатып, думандатып жүретін,

Бақытты сәт, шалқып шығар күндерім – деп «Студенттік кез тамаша» атты кешімізді ашық деп жариялаймыз!

1-жүргізуші: Жас жүректің өмірлік құштары гүл,

Бағбан ұстаз баулыған құстары бұл.

Қоштасып бүгінгі күн ұясынан,

Сол құстардың бір тобы ұшқалы тұр.

2-жүргізуші: Нұрлы үмітін арқалаған арқаға,

Жан сәулесін тарататын баршаға.

Шын пейілмен құрметімізді көрсетіп,

Түлектерді шақырайық ортаға – деп колледжіміздің табалдырығынан үлкен өмірге ұшқалы тұрған түлектерімізді құрметпен ортаға шақырайық. Қарсы алыңыздар! ( түлектер залға кіреді)

1-жүргізуші: Жетекші деген ерекше тұлға дара шың,

Ұмытылмастай көңілде мәңгі қалатын.

Сарғайып кеткен альбомын алып қолына,

Шәкірттерін оңаша еске алатын – деп ортаға топ жетекшісі – Абдрахманова Дана Жұмашевнаны шақырамыз.

2-жүргізуші: Бізді үйреткен білімге жалықпастан,

Рахмет ұстазыма көзімді ашқан.

Біз – шәкірт, біз – Отанның болашағы,

Өмірдің басқышына қадам басқан – деп «Ұстазым» әніне кезек берейік.

1-жүргізуші: Талапкерміз – абитуриент, Келген алғаш ауылдан,

Түріміз де киген киім, Оқшау еді қауымнан.

Оқшау еді жүрісіміз, Қолымызда кітап бар.

Жастық асты толып кеткен, неше түрлі кітаптар.

2-жүргізуші: ертең сынақ деген күні, өтпей қойды түніміз.

Тест болатын сол бір сәтке, жетті әрең күніміз.

Періштенің құлағына ілініпті үніміз,

Бүгін біздің ең бақытты адам болған күніміз – деп студент сөздігі мен тарих намасына көз жүгіртейік.

1-жүргізуші: Студеттік өмір – соғыс пен бейбітшілік.

2-жүргізуші: Екілік – қырсызға қамшы.

1-жүргізуші: Үштік – үміт шоғы

2-жүргізуші: Төрттік – тәңір сыйы.

1-жүргізуші: Бестік – бақыт құсы.

2-жүргізуші: Куратор – студенттің екінші анасы

1-жүргізуші: Декан – жан құзыры

2-жүргізуші: пар – ұзақ уақыт қамтарылу.

1-жүргізуші: аудитория – ұйықтайтын орын

2-жүргізуші: Сессия – қияметтің қыл көпірі немесе қатерлі кезең

1-жүргізуші: Үзіліс – бармысың бауырым, іздеудегі жан құрбым

2-жүргізуші: Стипендия – аштық арашасы

1-жүргізуші: Диплом – тіршілік тірегі, өмірлік наның

2-жүргізуші: Кешіміз өтіп жатыр салтанатты,

Төгілген күн нұрының шапағаты.

Мың бұралып бишілер би билейді,

Халайық, аямайық шапалақты.

«Флешмоб»

1-жүргізуші: Сен жыладын, студент

Көп оқыдым деп лекцияның барлығын,

Қонбады деп, миыма ешбір сабағын,.

Сен жыладың , бір қатты соққы алдым деп,

Бақытсыз болып қалдым деп.

Жә-жә жарар! Өткен лекциян оралар ма?

Қарау керек студент саған алға.

2-жүргізуші: Оқудың барлық сәтсіздіктерін

Бақытсыздық деп кім айтты саған?

Кім айтты саған,

Бестік қойылмайды деп, Екілік жойылмайды деп,

Қате жазған лекцияң, штрихпен түзелмейді деп.

1-жүргізуші: Ән: «Куда уходит детство»

2-жүргізуші: Естіледі бүгін назды асыл ән,

Ешбір жан жоқ ойға түсіп жасыған.

Қиналса да, қабақ шыту білмеген,

Студенттер қуанышы тасыған.

1-жүргізуші: Жаса жарқын, жас білімгер ендеше,

Сендер үшін бүгінгі күн мереке.

Бәрі-бәрі саған ғана жарасар,

Ойын-сауық, әзіл – қалжын келеке.

2-жүргізуші: «Вальс»

1-жүргізуші: Өтер қыс та, өтер көктем, өтер күз,

Бір күндері тарап-тарап кетерміз.

Қанша алыс қиыр шетте жүрсек те,

Сағынысып еске алысар ма екенбіз.

2-жүргізуші: Қуаныңдар, жасымаңдар бұл күнде,

Жоқ қой сеннен бақытты жан өмірде.

Шаттық жолы студенттік кездер-ай,

Әр бір бұл күн, ыстық біздің жүректе.

Ән: «Сен де, Мен де»

1-жүргізуші: Рахмет, бұл кешке келгеніне достар!

Қатарыңнан алды бол көшті бастар.

Биіктерден әрдайым көріне бер,

Иесі болашақтың – сендер жастар!

2-жүргізуші: Өмірлерің студенттік мәнді болсын,

Қызыққа, әнге толсын, сәнді болсын.

Қайда барсаң жолдарың ашық болып,

Біліміңе бар әлем тәнті болсын! – дей келе бүгінгі студенттермен қоштасу кешімізді аяқтаймыз!