Тема урока: Мүйүздүү козу

Шүкүрбек Бейшеналиев «Мүйүздүү козу»

Мүйүздүү козу Азиз Азиз чабандын жалгыз уулу. Ал жайдыр-кыштыр асман мелжиген тоолордун арасындагы жайыттардан чыга элек. Азиздин атасынын кайтарганы килтейген ириктер. А апасы болсо, боз уйүнөн чыкпай күндузу тамак-аш даярдап, кийим-кечени жамап-жаскап уй-тиричилигине алек. Кечкисин койлордун астын акмалап тосуп, түнкү короонун күзөтүнө жардамдашат. Атасы жайытта жүргөндө, кечке дейре уулун аябай сагынып калат. Келер замат Азизин куржүйгөн алаканына куштай кондуруп, өйдо-төмөн тоголотуп, алкымынан удаа-удаа жыттагылайт, анан топтой тоголото ойноо өнөкөтү.

Азиз кой кайтара баштады. Баарысынан Азизге атасынын атка өңөрүп, кой кайтарганы жакты. Жерде кибиреп, апасынын жанында жүргөндө эч нерсени көрчү эмес тура. Эмичи... Эми атасынын ээгинен астынан, чапанын боорунан бодонодөй башын кылтыйтып, залкайган аттын үстүндөгү көрпөчөлүү жумшак ээрде көкөлөп бийик. Ат аны бешиктей термеп, канаттуу чымчыктай абада калкытып жүрөт. Тоонун өзүн кыркалай бастырганда таптакыр коркунучтуу эмес тура. Боору толо сеңселген чон-чоң жашылөсүмдүктөрдү карай Аззиз кубанычтуу колун сереңдетти. - Бак, бак, -ээ! Андагы ар кыл өсүмдүктөрдүн атын али ажыратып биле элек уулуна атасы:

-Карагай, кайың, арча, четин, табылгы, карагат, шилби – деп озу айтып, анан Азизин кайталатты. Күн сайын атасына өңөртүп жүрүп, Азиз айлана-чөйрөдөн көп нерсени көрүп, жаңы создөрдү үйрөнө, тилин, акыл-эсин байыта берди. Аны атасы кайдыгер нерсе катарында капарына албады.