Тесты по грамматике ингушского языка на тему:Деепричастие.7 класс.

1 Деепричасти оал :

а) Ший тайтарча хандеша формах,цо хьахьокх х1амано деча дарагеи цун хьалагеи хьежжа йола белгалонаш ;

б) Предложенена юкъе сказуеми а кхы хандош кхета а дайташ,мишта?фу деш?фу даь?фу дергдолаш?маца?х1ана? яхача хаттарашта жоп а луш йолча хандеша фор-мах

в) Хандеша белгалзача формах хьахинна,къамаьла юкъе ц1ердош санна лелаш долча къамаьла даькъах ;

г) Даран е кхыча белгалон белгало хьахьокхача къамаьла даькъах .

2. Деепричасте я белгалонаш:

а) хандешеи белгалдешеи;

б) хандешеи куцдешеи;

в) хандешеи ц1ердешеи .

3. Деепричасте хандеша яраш санна йола белгалонаш:

а) ханашца хувцалу;

б) предложенена юкъе лоаттам хул;

в) классашца хувцалу;

г) кертера доацаш т1акхеташ дола дар белгалду;

д) деепричасте яц цун белгалонаш .

4. Деепричасте куцдеша яраш санна йола белгалонаш:

а) ханашца хувцалу;

б) предложенена юкъе лоаттам хул;

в) классашца хувцалу;

г) кертера доацаш т1акхеташ дола дар белгалду;

д) деепричасте яц цун белгалонаш .

5. Деепричасте я:

а) ворх1 ха,хандеша санна;

б) кхо ха:йола яха, йоаг1а;

в) хьалхара шаккхе а жоп нийса дац .

6. Деепричастеш хувцалу:

а) классашца; б) таьрахьашца, в) дожарашца; г) ханашца.

7.Деепричасте предложенена юкъе хул:

а) къоастам, б) кхоачам, в) подлежащи, г) карардар;

д) ц1ера оттама сказуеме ц1ера дакъа е) лоаттам.

8. Ло1амзача причасте яхача хана форма :

а) массаза а ц1ердешаца бувзам болаши из белгалдеши хул;

б) массаза а хандешаца бувзам болаши из белгалдеши хул .

9 Деепричасте яхача хана форма :

а) массаза а ц1ердешаца бувзам болаши из белгалдеши хул;

б) массаза а хандешаца бувзам болаши из белгалдеши хул .

10. Дацардош ца йолчеи яхачеи хана деепричастешца :

а) хьалхеи цунах къаьстаи язду;

б) деепричастенеи суффиксаи юкъе язду ;

в) нагахьа санна дацардешаи деепричастенеи юкъе хоттарг а оттаде йиш йолаш хуле цхьана язду .

11. Дацардош ца йоаг1ача хана деепричастеца :

а) хьалхеи цунах къаьстаи язду;

б) деепричастенеи суффиксаи юкъе язду ;

в) нагахьа санна дацардешаи деепричастенеи юкъе хоттарг а оттаде йиш йолаш хуле цхьана язду .