Ліставыя дрэвы. Бяроза і клён

Тэма: «Ліставыя дрэвы. Бяроза і клён»

Мэта : канкрэтызацыя ведаў вучаніцы аб будове і асаблівасцях ліставых дрэў на прыкладзе бярозы і клёна

Задачы:

адукацыйныя:

- пашыраць прадстаўленні вучаніцы аб дрэвах і іх будове;

- фарміраваць уменні складаць расказ – апісанне па істотных прыкметах; каррэкцыйна-развіваючыя:

-развіваць памяць, увагу, дробную маторыку рукі.

выхаваўчыя:

- выхоўваць беражлівыя адносіны да прыроды.

Абсталяванне: падручнік, камп’ютар для прагляду прэзентацыі, магнітная дошка, нажніцы і клей для выкананння творчай работы.

Ход урока:

Ι. Арг. момант

- Добры дзень! Падкажы, калі ласка, якая зараз пара года? Назаві прыкметы зімы. Давай ўспомнім назвы месяцаў. Які зараз месяц? Чаму менавіта так ён называецца?

ΙΙ. Актуалізацыя ведаў

На дошцы запісаны ў рад словы. Табе патрэбна знайсці лішняе і падкрэсліць яго ( работа ля дошкі). Падбяры агульнае слова для астатніх у радку

Камар муха конік ( кузнечык) бяроза - ( насякомыя)

Груша мандарын рабіна ананас - ( фрукты)

Ліпа бурак капуста бульба - ( агародніна)

Аўтобус  клён  трактар веласіпед ь- ( транспарт )

ΙΙΙ. Новая тэма

- Як адным словам назвать тыя прадметы, якія аказаліся лішнімі? ( дрэвы). Давай з гэтых дрэў выдзелім першае і апошняе дрэва ( бяроза і клён). Менавіта аб гэтых дрэвах і пойдзе размова. Сёння мы разгледзім, чым падобныя і чым адрозніваюцца гэтыя дрэвы, параўнаем будову, галінкі, лісты па колеры і форме. Ітак, пачнём. І каб здагадацца, якое дрэва зараз будзем разглядаць, трэба адгадаць загадку.

- Гэта дрэва з белым ствалом з чорным рыскамі. Яно высокае, пышнае. Лісьы яго як маленькія трохвугольнікі. Кветкі звісаюць з галінак уніз як завушніцы. Вясной з гэтага дрэва людзі атрымліваюць сок. Гэта дрэва - …. (Звяртаем увагу яшчэ раз на прыкметы)

- Гэта дрэва шырока раскінула свае галіны. Лісты ў яго ўзорыстыя, прыгожыя. Яны падобныя на разгорнутыя далонькі. Летам лісты яго зяленыя, а восенню чырвоныя і залацістыя.Гэта дрэва - …( Звяртаем увагу на прыкметы).

V. Фізхвілінка.

Вецер ціха лес качае,

Управа, улева накланяе.

Раз – наклон, два – наклон,

Зашумеў лістотай ён.

ΙV. Замацаванне атрыманых ведаў

• Паглядзі, калі ласка, на слайды камп’ютара. Давай на гэтых малюнках знойдем, дзе якое дрэва ?

• Чым падобныя дрэвы, што ў іх аднолькавае? (будова - корань, ствол,крона) . Самая галоўная частка ў дрэва – корань. Праз яго яно атрымлівае харчаванне з зямлі . Калі корань пашкодзіць, то дрэва загіне. У прыродзе будзе менш кіслароду, а мы і жывёлы без чыстага паветра жыть не зможам. Таму кожны з нас павінен берагчы прыроду.

V. Практычная работа : Упрыгожыць дрэвы лістамі

Зараз на парце у цябе ляжаць пераблытаныя лісточкі.Табе трэба разабраць іх і наклеіць на дрэўца, якое гэтыя лісточкі згубіла.

• Малайчына! А зараз для замацавання адгадай загадку і суаднясі адгадку да ілюстрацыі на дошцы.

Загадка.

Руская прыгажуня

Стаіць на палянцы.

У зяленай кофтачцы,

У белым сарафане… (Бяроза)

Загадка.

Кожны год на ім з ахвотай

Вырастаюць верталёты.

Шкада, што кожны верталёт

Толькі на адзін палёт. (Клён)

VΙ. Вынік урока

• Што цікавага і новага ты атрымала на ўроку? З якімі дрэвамі сёння пазнаёмілася? Чым падобныя дрэвы? Чым адрозніваюцца?

VΙΙ. Рэфлексія ( нашым дрэўцам не хапае цяпла. Вазьмі, калі ласка , зараз сонейка з такім настроем , якое было у цябе на працягу ўрока і замацуй на лісце).

Дамашняе заданне : прачытаць артыкул на с.26 – 27

Дзяржаўная ўстанова адукацыі

« Мётчанскі вучэбна – педагагічны комплекс

дзіцячы сад – сярэдняя школа Барысаўскага раёна»

ПЛАН – КАНСПЕКТ УРОКА

ПА ПРАДМЕЦЕ «ЧАЛАВЕК І СВЕТ»

2 клас інтэграванага навучання і выхавання

Ліставыя дрэвы: Бяроза і клён

Падрыхтаваў

настаўнік – дэфектолаг

Л.В.Буяк

2018