Лоаттама т1атоха предложенеш

Тема: Лоаттама т1атоха предложенеш. Моттига т1атоха предложенеш.

Лоарх1ам: лоаттама т1атохача предложенеех бола кхетам балар, моттига т1атоха предложенеш йовзийтар;нравственни кхетам балар; нийса яздара навыкаш кхеяр .

Гойтара г1ирс: тесташ,карточкаш,перфокарточкаш

Урока никъ :

I Кийчо ю ха.

II Ц1аг1ара болх тахкар :1.Упр № 313.

2.§ § 46 - 54 ювцийт дешархошка .

III Харжара диктант: укх предложенешта юкъера хьа а лехаш д1аязде укх тайпара морфологически форма йола дешаш: ц1ердош+белгалдош . Селхан 1оккха йоачан хилар.Хьалхаг1а ч1оаг1а мух хьекхар.Сигала 1аьржа морхаш гулъелар,т1аккха дог1а доладелар.Боккха хотта баьлар.Хи тоатолаша харшаш даьхар улица т1а.

IV.Тохкамаш :1.с.:Цадийшар дийшачох массаза хьийгав. 2.м.:дийшачох. 3.ф.:хьийгав.

V.Урока темацара болх:

1) Урока тема ювц. ( Лоаттама т1атохача предложенеша белгалду кертерча предложене чухь дувцашдар мича,маца, мишта хулаш да. Цу т1атохача предложенех кертерча предложене баьржа лоаттам а хул,мича?маца? х1ана?сенна?фу дича? яхача а кхыча а хаттарашта жоп а лу. Шоай лоарх1амга а ма1анга а диллача лоаттама т1атоха предложенеш хул: 1.моттига т1атоха, 2.хана т1атоха, 3.дара-ку-ца т1атоха, 4.бахьана т1атоха, 5.дагалоацама т1атоха, 6.хулачун т1атоха, 7.бехкама т1атоха, 8.ду-хьалара т1атоха, 9.дистара т1атоха. Моттига т1атоха предложене кертерча предложенешцара сказуеме белгалдер мича ду, мичахьа д1адийрза е мичахьара хьадийрза да хьахьокх, мича? мичахьа? мичахьара? яхача хаттарашта жоп а лу. Моттига т1атохача предложене кертера предложени ювзалу т1атохача предложене сказуеми хулча -ча чаккхе йолча причасте формаца.Формага диллача,из тайпа причасти цхьалханеча предложене къоастам хила тарлу, из ц1ердешаца бувзам а болаш, цунна хьалха латташ хилча.Уж кертерча предложенех хьакъоастаю запятойца: Б1аьшерашка эри лаьтташ даьдача, тахан вай мехкахоша дукха а дика а г1ишлонаш хьалъяьй.

2) Упр № 317. 1одеша,хьалаха текста юкъера т1атоха предложенеш, дувца, малаг1ча тайпай я уж. Масала:1аьржача тоатолгаш т1а г1олла г1а а боахаш,хьавоаг1а воккха саг. (дара-куца) и.д1.

3) Упр № 322. Хьаязъе предложенеш, доаг1ача сецара хьаракаш а увттадеш, моттига т1атохача предложенешта к1ал така а хьокхаш: Хьалкхийттача малхо, лоа д1адаьккхача моттигашкара ,1ы хьалъухийтар. и.д1.

4) Цу текста юкъера хьаязде алапаши оазаши цхьатарра доаца дешаш.

5) Х1анз хьаязде деррига алапаш къора дола дешаш.

VI 1омадаьр ч1оаг1дар.

VII Ц1аг1ара болх : § § 55 - 56. Упр № 321.

VIII Урока корта бар :Рефлекси.