Майрамга бай май айы

          Май  айы - майрамга бай айлардын бири. Анткени 1 - Май эркин эмгекчилердин майрамы болсо, 9 - Май - улуу Жеңиш майрамы. Бул эки майрамды тең элибиз жакшы маанай менен майрамдашат.

         Май айында күн жылып, жер көктөйт. Теребелде түркүн гүлдөр жайнайт. Адамдар жазгы жумуштарын жасайт. Балдар жылуу, таза абада ойноп, көңүлдөрү көтөрүлөт. Бул да өзүнчө эле майрам сыяктуу.

                                     Биринчи май

  Желбиреп желге байрагы,

  Жергемде Майдын майрамы!

  Шаңкылдап күүсү комуздун,

  Жаш - кары жапырт жайдары.

  Беришип десе гүлдөрдү,

  Майрамдайт бүткүл дүйнө эли!

  Май!       

         Тынчтык!

                    Эмгек!

                               Достук! - деп,

  Жаңырып чыгат үндөрү,

  Күлкү,ырынан балдардын,

  Артылат шаңы майрамдын!

  Тынчтыктын көгүчкөндөрү,

  Жер шарын тынбай айлансын.