Мастер класс Этрафтаки алем

Мастер класс

1.Болюк Озь акъкъында малюмат (презентация)

2.Болюк Бизим мастер классымыз оюн технологиясынен багълы. Оюн арасында мен квест деген чешитини пек чокъ къулланам. Бу земаневий енелиш. Шимдики балаларнынъ дикъкъатыны джельп этмек ичюн оларгъа якъын олгъан тильде лаф этмек керекмиз. Квест – бу оюн. Оюннынъ баш къараманы олмакъ керек. Бу къараман оюннынъ сонъунда бир нетиджеге кельмек керек, амма башындан сиз насыл бир маниялар сизинъ огюнъизде олгъаныны айта билесиз. Бизим баш къараманымыз – Кобелек! Эльбет те, къараман фенге багълы олмалы. Кобелек чечеклерни пек севгени ичюн о чешит чечеклерге къонып, о чечекнинъ джевабыны тапып елунъы девам этеджек. Ел бою биз джевап тапып, о джевап джанлы яда джансыз олгъаныны къайд этеджекмиз. Бу предмет акъкъында сез юрсетеджекмиз. Ондан да гъайры чечеклернинъ адларыны огренеджемиз. Яни лугъат ишини де къошаджакъмыз.

Дерснинъ мевзусы: Джанлы ве джансыз табиат

Дерснинъ макъсады: Джанлы ве джансыз табиат акъкъында бильги алмакъ ве дюньябакъышыны артмакъ.

Меселелер:

а) тасиль- джанлы ве джансыз табиат акъкъында бильгилерини юксельтмек, оларнынъ фаркъ ве умумий чизгилерини бельгилемек. Лугъат байлыгъымызны котермек;

б)инкишаф- ана тилинде лаф этюв ве тюшюнмекни юксельтмек, актив олмагъа огретмеге. Озь нокътаий назарыны бильдирмек.

в) тербиевий- Табиаткъа севги ашламакъ. Мектепке, дерслерге меракъ догъурмакъ. Сыныфдашларымызгъа урьмет косьтермек.

г) сагълыкъ джеэти- физминутка- актив арекетлер сагълыгъымызны темеллештире. Осюмликлернинъ сагълыкъкъа олгъан файдасыны ачыкъламакъ.

Дерснинъ чешити: янъы мевзу

Дерсте къулланылгъан иш шекили: оюн, группа, фронталь.

Дерснинъ кетишаты:

1. Мевзуны ачыкъламакъ ве онынъ актуаллигини акс этмек. Музыка сеси эшитиле. Оджа:Балалар бу не? Талебелер:Бу табиат сеслери О: Догъру.Дикъкъатнен бакъынъыз тахтагъа ве джевап беринъ. Насылдыр предметлер сизге корюнди? Насыл бир фаркъ коресиз? Догъру! Табиат предметлери. Джаны олгъан ве джаны олмагъан предметлер! Келинъиз биз сизлернен оюн ойнайыкъ! Сиз тахтада джанлы табиат корьсенъиз –шапылдатынъ, джансыз исе –аякъларынен тапырдатынъ!

2. Фронталь иши (Арекет оюны)

3. Джанлы ве джансыз табиат акъкъында малюмат

4. Оюн-квест «Бахшыш тап» О:Эр бир квест (Оюн) баш къараманнен багълы. Бизде бугунь баш къараман- Кобелек. Кобелек сизлер ичюн чешит маниялар азырлагъан. Бу маниялардан кечип- бахшыш аладжакъсынъыз. Келинъиз биз оюнымызны башлайыкъ. Амма башта физминутканы кечирейик. Физминутка:

Корьдим сырлы кобелек Ачтым онъа мен чичек

Уча джаным кобелек

Бу кобелекке не керек?

Ава керек

Сув керек

Ярыкъ керек

Сыджакъ керек

Къанат къакъты кобелек

Учты кокке бу боджек!

Оджа: Энди кобелечик чичечиклерге отурып, сизлер ичюн тапмаджалар азырлагъан. Тапмаджаларнынъ джевабыны тапып джанлы яда джансыз олгъаныны айтаджакъсынъыз. Кобелек чешит чичеклер устюне къонаджакъ биз исе чечеклернинъ адларыны лугъатлар ичине язаджакъмыз.

1. Биринджи чечек- Гуль чечеги. (Роза)

Тапмаджа

Кокнинъ ичинде яшай,

Ярыкъ, сыджакъ бизге ташлай! (Кунеш- джансыз табиат)

2. Экинджи чечек – Сусам (Ирис)

Тапмаджа

Гедже олса корюнелер

Чешит группаларгъа бирлешелер! (Йылдызлар- джансыз табиат)

3.Учюнджи чечекнинъ ады – Занбакъ (Лилия)

Тапмаджа

Ягъмурдан сонъ корюне

Чешит ренкли бир перде! (Кок къушагъы- джансыз табиат)

4.Дертюнджи чечек- Наргиз- Нарцис

Тапмаджа

Эр бир азбарда осе

Мейва бизге кетире

Кузьде япракъларны о теке

Баарь олса ешере (терек – джанлы табиат)

5.Бешинджи чечек – Шакъайыкъ –Пион

Тапмаджа

Дагъларда о яшай

Буюк къоба озюне ясай

Къышта юкълай раатлана

Балдан татлы шей екъ онъа. (Аюв- джанлы табиат)

6.Алтынджы чечек- Куньайлан– Подсолнух

Тапмаджа

Гузель сеси бар бу къушнынъ

Йыр йырласа- северсинъ

Даа эшитмек истерсинъ (Бульбуль – джанлы табиат)

Оджа: Машалла балалар! Бахшышымызны таптыкъ!

Оджа: Сизинъ огюнъизде йыфачыкъ кобелечиклер бар. Алынъыз оларны къолунъызгъа! Эгер дерсте сизлер ичюн эр шей анънашылгъаны киби олса, дерсни бегенгениз киби олса – къырмызы кобелечикни бизим буюк гуль устюне такъынъыз. Эгер де анънашылмагъан шейлер олса- сары. Бакъынъыз не гузель чичек мейдангъа кельди.