Մայրենի երկրորդ դասարան

Դասի պլան

II դասարան` Մայրենի

Դասի տեսակը` Հաղորդման

Դասի թեման` Սուրեն Մուրադյան «Իմ դասագրքերը»

Դասի նպատակները`

• Ուսուցողական

• ձևավորել բանաստեղծությունն արտահայտիչ ընթերցելու կարողությունը,

• մշակել հարցերին ճիշտ պատասխանելու կարողությունը,

• խորացնել հնչյուն-տառի մասին ունեցած գիտելիքները,

• հարստացնել բառապաշարը:

• Զարգացնող

Զարգացնել`

• դիտողականությունը,

• ուշադրությունը,

• վերլուծելու, համադրելու, դատողություններ և եզրահանգումներ անելու կարողությունները:

• Դաստիարակչական

Աշակերտների մեջ դաստիարակել`

• ուրիշի արածը գնահատելու կարողությունը,

• համատեղ աշխատանք կատարելու կարողությունը:

Զննական պարագաներ`

• Անժելա Քյուրքչյան, Լիլիթ Տեր-Գրիգորյան «Մայրենի 2» դասագիրքը

• «Քառաբաժան» մեթոդի հարցաթերթիկներ

• Քարտեր

• Ցուցապաստառ` «Իմ առաջին դասագիրքը ինձ սովորեցրեց...»

Կիրառվող մեթոդներ` «Մտագրոհ», «Զրույց», «Ուղղորդված ընթերցանություն» «Հարց ու պատասխան», «Քառաբաժան»

Օգտագործվող տեխնոլոգիան`համագործակցային

Դասի ընթացքը` 1. Կազմակերպչական պահ

2. Դասը վարել ԽԻԿ համակարգով

3. Ամփոփել, ամրապնդել

Խթանման փուլ

Օգտագործել «Մտագրոհ» մեթոդը:

Գրատախտակին փակցնել հետևյալ անավարտ նախադասությամբ պաստառը. «Իմ առաջին դասագիրքը ինձ սովորեցրեց...»: Երեխաների արտահայտած միտքերը գրել գրատախտակին:

Այնուհետև օգտագործել «Զրույց» մեթոդը:

Զրույցի թեման գիրքն է: «Շա~տ-շա~տ գրքեր կան, որոնց օգնությամբ գիտելիքներ ենք ձեռք բերում: Դրանք մեր դասագրքերն են: Դասագիրքը դառնում է իմաստուն, օգտակար, խելացի խորհրդատու, երբ կարդում ես, երբ գնահատում ես: Դասագրքերում շատ խելացի բաներ կան գրված, սակայն կյանքում գրքերից բացի երեխաների համար կան նաև ուրիշ դասագրքեր, որոնք սովորեցնում են երեխաներին ճիշտ ապրել, գնահատել լավն ու արժեքավորը: Այսօրվա մեր դասը դասագրքերի մասին է, բայց այդ դասագրքերը սովորական գրքերը չեն»:

Իմաստավորման փուլ

Կիրառել «Ուղղորդված ընթերցանություն» մեթոդը:

Աշխատանք բնագրի շուրջ: Բարձրաձայն ընթերցել բանաստեղծությունը և յուրաքանչյուր հատվածի ընթերցումից հետո առաջադրել վերարտադրողական, վերլուծական, ստեղծագործական բնույթի հարցեր` պարզելու համար աշակերտների կողմից բանաստեղծության բովանդակության ընկալման մակարդակը:

Բանաստեղծությունը բաժանել երկու տրամաբանական հատվածների:

1-ին հատված

Ճի´շտ է, գրքերը Հողը, վար ու ցանք,

Գիտելիքներ են Սովորեցրել են

Ինձ տվել կյանքում, Գրքերի պես լավ

Թևեր պարգևել Հորս կոշտացած,

Իմ մտքին հոգուն, Հողոտ ձեռքերը,

Բայց թե ինչպե´ս եմ Որոնք դարձել են

Սիրել աշխատանք, Իմ ամենալավ

Սիրել բնություն, Դասագրքերը:

Հարցեր: 1. Ի՞նչ են տվել գրքերը փոքրիկին:

2. Ինչե՞րն են դարձել նրա ամենալավ դասագրքերը:

3. Ի՞նչ են սովորեցրել նրան հոր կոշտացած, հողոտ ձեռքերը:

4. Ինչո՞ւ են հոր կոշտացած, հողոտ ձեռքերը դարձել ամենալավ դասագրքերը:

2-րդ հատված

Ճի´շտ է, մանկության Օրհնանքով օծված

Հեքիաթներով եմ Բարի խոսքերը,

Բարությամբ սնվել, Ջերմությամբ լցված

Չարի դեմ կռվող Գորովանքները

Հերոսներն են ինձ Դարձել են կյանքում

Քաջություն տվել, Իմ առաջին սուրբ

Սակայն մայրական Դասագրքերը:

Քնքշանքն ու սերը,

Հարցեր: 1. Ի՞նչ են տվել մանկության հեքիաթները փոքրիկին:

2. Ովքե՞ր են քաջություն տվել նրան:

3. . Ինչե՞րն են դարձել նրա ամենասուրբ դասագրքերը:

4. Ինչո՞ւ են մայրական քնքշանքն ու սերը, բարի խոսքերը, գորովանքները

դարձել առաջին սուրբ դասագրքերը:

Աշխատանք նկարի շուրջ: Երեխաները պատասխանում են տրված հարցերին:

–Դասագրքում բանաստեղծության ո՞ր հատվածներն են նկարված: Կարդացե´ք այդ հատվածները:

–Ո՞ր հատվածի բովանդակությունը կուզեիք, որ նկարիչը նկարեր:

Բառային աշխատանք: Տալ օրհնանքով օծված, գորովանք բառերի բացատրությունը և հեքիաթ, հեքիաթային, հեքիաթասաց բառերի ուղղագրությունը: Առաջարկել երեխաներին բնագրից դուրս գրել գրությամբ և արտասանությամբ տարբերվող բառեր և դրանցով կազմել բառակապակցություններ:

Լեզվական աշխատանք: Խորացնել ձայնավորների մասին ունեցած գիտելիքները: Է(ե) և օ(ո) ձայնավորների գրությունը խորացնելու և ամրապնդելու համար աշակերտներին բաժանել համագործակցային խմբերի: Հանձնարարել լրացնել քարտերի վրա գրված բառերի բաց թողնված տառերը: Աշխատանքի ավարտից հետո կատարվում է քննարկում:

Հանելուկի ուսուցում: Բացատրել, որ սպիտակ տունը, որի մեջ զրուցում են թառած սև հավիկները` տառերը, գիրքն է:

Կշռադատման փուլ

Կիրառում ենք «Քառաբաժան» մեթոդը:

Համագործակցային խմբերին բաժանել հարցաթերթեր: Աշակերտները իրենց մտքերը համապատասխանաբար գրառում են չորս բաժիներից յուրաքանչյուրում, քանի որ այս մեթոդը հիմնականում գրավոր աշխատանքի ձև է:

Բ անաստեղծությունը կարդալիս

ի՞նչ էի տեսնում ի՞նչ ձայներ էի լսում

ի՞նչ էի զգում ի՞նչ մտքեր էին ծնվում

Վերջացնելուց հետո աշխատանքները փակցվում են գրատախտակին: Կատարված աշխատանքներին մասնակցեցին բոլոր երեխաները: Այնուհետև յուրաքանչյուր խմբի ավագ ներկայացնում է իրենց կատարած աշխատանքը` նշելով, թե որ աշակերտը աշխատանքի որ մասի վրա է աշխատել: Ընթացքում կատարվում են լրացումներ մյուս խմբերի կողմից: Գնահատվում են բոլոր աշակերտները:

Տնային հանձնարարություն: Հանձնարարել բանաստեղծությունը սովորել կարդալ, էջ 15-ի առաջադրանք գրել տետրում: