Мероприятие Сагаалган

Сагаан һарын һайндэр – сценарий

Амаршалгын хатар. (Приветственный танец –девочки 4а кл)

1 хутэлбэрилэгшэ: (Арюна)

Амар сайн, хүндэтэ багшанар, турэлхид, айлшад ба ухибууд! Сагаан hарада зорюулагдаhан hайндэртэ ерэhэндэтнай бидэ ехэ баяр хургэнэбди!

2 хутэлбэрилэгшэ: (Алдар)

Амар Мэндээ!

Эхэ газартам,

Эсэгэ дэлхэйдэм,

Буряад орондом

Бууса тоонтодом

Буужа ерэбэш даа

Сагаан hарамнай,

Сагаалгамнай.

Манай hургуулиин захиралда ----------, амаршалхыень угэ угэнэбди.

Манай hургуулин ахалагша-хуумужуулэгшэ -----------, амаршалхыень үгэ үгэнэбди.

1 хутэлбэрилэгшэ: (Арюна)

-Танай анхаралда 4-дахи «А» ангиин hурагша Имыхелова Оля «Сагаалганаа хүндэлжэ…» гэhэн шулэг уншахань:

Хүгшэн эжы тугшаранхай,

Хүл хүнгэдэн һабанданхай.

Сагаан һараяа угтажа,

Сагаалганаа хүндэлжэ,

Табан үнгын хадагаа

Табинал даа гунгарбаадаа.

Найман тахил табижа,

Наманшалнал даа бурхандаа.

Муу муухайе арюудхажа,

Адис санзайгаар утана.

Һайн һайханиие мүнхэлжэ,

Алтан зулаяа бадараана.

1 хутэлбэрилэгшэ: (Арюна) СЦЕНКА (Һэеы гэр соо Эжы аба хоёр һайндэртэ бэлдэнэ)

Буряад арадай hайндэр – Сагаалган эртэ урдын туухэтэй ааб даа. Буряад зон оройдоол ганса hайндэртэбди гэлсэдэг hэн. Энэ hайндэртэ арад зон ехэ бэлэдхэл хэдэг байгаа. Гэр байраяа, газаахияа аруюн сэбэр болгодог, шэнэ хубсаhа хунар оёжо умдэдэг, эдеэ хоолоо бэлдэдэг. Буряад айлнууд турихидоо, дутынгоо зониие айлшаар урижа, сэдьхэлэй hайхан угэнуудээр угтадаг, амар мэндэеэ хэлсэжэ, бэлэгээ абалсадаг, энхэ элуур ябахыень ута наhа наhалхыень, зол жаргалтай баян ажаhуухыень уреэлдэг гуримтай.

Диалог: (газаа нохой хусана, айлшад сагаалхаа орожо ерэнэ, малгайгаа абажа, бурхандань мургэнэ)

- Сайн байна, Сагаан hараар, Сагаалганаар!!!

- Гэртэ орогты, айлшан бологты! (Алдар)

- Хэр ондо оробот?(Мэргэн)

- Бараг, hайн даа.(Оля)

- Буруу булшантай, даагантнай далантай гу?(Саша)

- Булшантай, Далантай! (Оля)

( Айлшад бурханда мургэнэ- молитва бурхану)

- Хоймортомнай орожо hуугыт даа (Оля)

- Баярлаа .!!! Садаабди.(Мэргэн,Саша.Чимит)

-Наада наадахамнай гу?(Алдар)

- Малгай нюулга наадая! (Оля)

-Наадая! Ухибууд наадана.

- (Уреэл, дуугаа дуулана.)

4 «А» песня Сагаалгаан

1 хутэлбэрилэгшэ: (Арюна)

-Танай анхаралда 4-дахи «Б» ангиин hурагшад ??????? гэhэн шулэг уншахань:

2 хутэлбэрилэгшэ: (Алдар)

Шэнэ жэлээр,

Шэнын нэгэнээр,

Сагаан hараар,

Сагаалганаар

Амар мэндэ, амар мэндэ-э!

Сагаан hараар айлшадаа

Сагаан хадагаар золгожо,

Сагаан hанаагаар угтанабди.

-Танай анхаралда 3-дахи «А» ангиин hурагшад ????????????

1 хутэлбэрилэгшэ: (Арюна)

Нэгэ наhа нэмээжэ ерэбэш даа

Угай заншалаар угтахабди даа.

Арад зоноо амаршалнаб даа

Сагаан hараар, Сагаалганаар!

«Сагаан hараар» гэжэ дуугаар 3-дахи «Б» ангиин hурагшадые тайзан дээрэ уринабди

1 хутэлбэрилэгшэ: (Арюна)

Түби дэлхэйн хубихан,

Түрэhэн нютагни, мэндэ амар!

Түрэл дүтын угсаатан,

Түшэглэн байhан арадни, мэндэ амар!

Харыт, шагныт, хүлэг моридой түбэрөөн,

Хүнхинэмэ хүгжэмэй зэдэлээн.

Хүдэр шамбай хүбүүд

Хүлэгэй дээжын эзэд лэ!

Амгалан сагай гуримаар

Амар мэндээрээ золгожо,

Уян сэдьхэлээрээ амаршалжа,

Үнэн зүрхэнhөө мэндэшэлжэ,

Халуун альга ташалгаар угтаял даа!

Тайзан дээрэ 8-дахи урлалай hургуулиин шабинарай «hур харбалга» гэhэн хатар танай анхаралда. Угтагты!

1 хутэлбэрилэгшэ: (Алдар)

Бурхандаа бадаруулhан зулатнай

Наhыетнай нэмэжэ байг,

Бурхандаа утаhан санзайтнай

Сэдьхэлыетнай арюудхажа байг,

Бурхандаа табиhан далгатнай

Баян хэшэгтнай байг,

Бурхандаа үргэhэн сайтнай

Һанаhан хэрэгыетнай бүтээжэ байг!

Сагаан hараар!

«Сагаалган» гэжэ дуу 3-дахи «Б» ангиин hурагшад гуйсэдхэхэнь, угтагты

2 хутэлбэрилэгшэ: (Оля)

Ерыт наашаа ёохортоо,

Ёохор наадан хуушаарааа.

Хуушан наадаа шэнэлжэ,

Шэнэ ёохор хатарая!

Тойроод байhан залуушуул,

Ерыт наашаа наадандаа!

3-дахи «Б» ангиин Ёохор угтагты!

1 хутэлбэрилэгшэ: (Алдар)

Хамта бидэ бултадаа

Хатаралдан наадая!

Ханхинанал хүгжэмынь,

Хажуудахяа хүтэлыт!

Хани нүхэд, наашаагыт!

Ёохор наадаяа хатарыт!

3-дахи «А» ангиин Ёохор угтагты!

2 хутэлбэрилэгшэ: (Оля)

Бадарhан зулын гэрэл мэтэ,

Баглаа сэсэгүүдэй үнгэнүүд шэнги

Буряад арадайнгаа заншал сахин,

Бултадаа элүүр мэндэ,

Һуралсалдаа эрхим,

Ажалдаа амжалтатай,

Үнэр баян ажаhуугты!

СУГТАА: Дахин уулзатараа баяртай!