«Мен және менің денсаулығым»

Ұйымдасқан ашық оқу іс - әрекеті

Білім беру саласы: «Денсаулық», «Қатынас»,«Шығармашылық»

Бөлімі: Дене шынықтыру,Тіл дамыту,Музыка.

Тақырыбы: «Мен және менің денсаулығым»

Мақсаты: 1. Балаларға денсаулық туралы түсінік бере отырып,өз еркілерімен жаттығуларды жасауға дағдыландыру.

2. Әуенмен жаттығу орындауға қызығушылығын арттыру.

3. Гимнастикалық орындық үстімен тепе-теңдікті сақтап жүруді,Гимнастикалық орындыққа ішпен жатып жылжуға, еденде жатқан шығыршықтың үстінен қос аяқпен секіруді, үйрету.

Қажетті құралдар: Әр балаға екі жалаушадан, степ, гимнастикалық орындық,шығыршық,ойынға қажетті заттар,слайд т.б

Әдіс-тәсілдері: слайдтан суреттерді көрсете отырып түсіндіру,сұрақ-жауап,әңгімелесу,тақпақ,мақал-мәтелдер,мадақтау.

Ұйымдастыру кезеңі

Бір қатар сапқа тұрады

Сәлемдесу

 Біздің бүгінгі ашық оқу іс-әрекетіміздің тақырыбы «Мен және менің денсаулығым» -деп аталады.

-Балалар сендер қалай ойлайсыңдар?

-Адам үшін осы өмірде ең басты не қажет?

-Денсаулық

-Дұрыс айтасыңдар.

Олай болса көгілдір экранға назар аударайық.

-Егерде денің сау болсың десең не істеу керек?

-Ерте тұру керек.

-Егерде денің сау болсың десең не істеу керек?

-Шынығу керек.

-Егерде денің сау болсың десең не істеу керек?

-Күнде жаттығу жасау керек.

-Егерде денің сау болсың десең не істеу керек?

-Дұрыс тамақтануымыз керек.

-Егерде денің сау болсың десең не істеу керек?

-Таза ауада көп серуендеп жүру керек.

-Жарайсыңдар балалар ендеше денсаулық туралы тақпағымызды айтып жіберейік.

Денсаулық ол-шыныққан,

Барлық дене мүшесі.

Денсаулық ол-тыныққан,

Жүйке тамыр жүйесі.

Денсаулық ол-күлуің,

Көңіл күйің жадырай.

Денсаулық ол-жүруің,

Ешбір жерің ауырмай.

Ендеше балалар ЖДЖ музыка әуеніне қосылып степпен және жалаушалармен орындаймыз.

1. Жүру,аяқтың ұшымен,өкшемен

2. Жүгіру

3. Тоқтау,степті бір айналу

4. Аяқты кезек-кезек көтеріп жалаушаны алға созу

5. Жалауша төмен иықты қозғау

6. Жалаушамен қолды екі жаққа созып ортаға әкелу.

7. Жалаушаны степке тигізу

8. Жалаушаны степке мініп тура созу,жан-жаққа

9. Тізені көтеріп жалаушаны бір-біріне соғу.

10. Отырып тыныс алу

11.Жалаушаны екі жаққа созу бастан асырып

12.Оңға-солға бұрылу

13 Тыныс алу.

Негізгі қимыл-қозғалыс жаттығулары:

1.Гимнастикалық орындық үстінде тепе-теңдікті сақтап жүру.

2.Гимнастикалық орындыққа ішпен жатып жылжыу

3. Шығыршықтың ішінен қос аяқпен секіру.

Балалар денсаулық туралы қандай мақал-мәтел білесіңдер?

1.Денсаулық теңіз, 2.Ұйқы тынықтырады 3.Жарлының байлығы4.Шынықсан,шымыр боласың 5.Денсаулық зор байлық 6.Дені сау ұрпақ-ел болашағы 7.Дені сау адам-дәулетті адам 8.Денсаулықтың қадірін ауырғанда білерсің

Ойын: «Дұрыс ата»

Шарты: Суреттегі спорт түрлерінің атауларын дұрыс атау керек.

Штангист,бокс,күрес,футбол,волейбол,баскетбол т.б

Қимылды ойын: «Өз жұбыңды тап»

Ойын шарты:Балаларға екі түсті жалаушалар таратылады,әр бала бір жалаушадан,музыка ойналады,балалар алаңда жүгіреді,музыка тоқтап қалғанда бір түсті жалаушалары бар балалар жұптасып тұра қалады,жеке жұпсыз қалған балаға қарап ойыншылар.

Баланың атын атап , Аузыңды ашып құр қалма,

Серігіңді тез таңда-дейді.

Сұрақ-жауап,өлең шумақ арқылы қортындылау.

Жиналамыз сәтті күні бәрімізде,

Үлкен,кіші жасымыз кәрімізде

Дендеріңіз сау болсын қонақтарым,

Гүл-гүл жайнап жүріңіздер төрімізде

Күтілетін нәтиже:

Орындайды: жалаушалармен орындалатын жаттығуларды;

Түсінеді: ойынның шарттарын;

Қолданады: гимнастикалық орындық үстімен тепе-теңдік сақтап жүру,шығыршықтың үстінен қос аяқпен секіру,іздермен жүру дағдыларын