Наадан – мүрысөөн «Табан бэлигтэн»

Наадан – мүрысөөн «Табан бэлигтэн»

.

Мүрысөөнэй зорилго:

1. Аймагай үхибүүдэй дунда буряад хэлэн дээрээ харилсаха байдал түбхинүүлэн олгохо;

2. Һурагшадай бэлиг шадабарииень хүгжөөхэ;

3. Буряад хэлэндэ һонирхол татан, һурагшадые түрэл хэлэндэнь дурлуулха;

4. Буряад арадайнгаа сахин ябаһан урдын нөөсэ бэхижүүлэн, наринс ахижа ябахые ойлгуулха;

Хабаадагшад: 5,6,7,8,9 классууд

Хүтэлбэрилэгшэ:

Амар сайн, хүндэтэ багшанар, һурагшад! Түрэл буряад хэлэнэйнгээ һайндэрээр бүгэдые амаршалнаб! Түрэл хэлэеэ шадахаараал үргэжэ, уян нугархай хэлээ хурсадхажа, бэрхэнүүд ябахыетнай хүсэнэб. Мүрысөөндэ хабаадагшадта бултандатнай амжалта хүсэнэб. Мүнөөдэрэй найрнай мүрысөөнэй маягаар үнгэрхэ. Бүридэмэл бүлгэмүүд болохобди. Жээрэб татахаяа класс бүхэнһөө 1-1– рээ наашаа дүтэлэгты, ямар ТОО абанабта, тэрэ тоотой столдо ошожо, һуурияа эзэлэн һуугты. Зай, иигээдбүридэмэл команда болобо гээшэт, танилсажа, эбтэй нэгэ һайн команда болон ажаллахыетнай хүсэнэб.

Манай ажалнуудые сэгнэхэ жюри:

1)

2)

3)

Мүнөөдэрэй программада:

• Буряадаар нэрэ ба уряал һанаха;

• Викторина «Таагты, тайлбарилагты!»

• «Оньһон үгэ таагты» (Пантомимаар харуулха)

• «Эрхим хүбүүд ба басагадай мүрысөөн»

• «Оршуулга» «Даяндэлхэй»

• «Жороо үгэеэ жороолуулая»

• Үгтэһэн сэдэбээр һонирхол татама зүжэг –с ценкэнүүд.

• «Сахижа ябагты». Һонирхол -презентаци

1. Буряадаар нэрэ ба уряал һанаха. Жюри 5баллаар сэгнэнэ.

1. Викторина «Таагты, тайлбарилагты!»

1. Оньһон үгэ таагты» (Үгтэһэн оньһон үгэнүүдые пантомимаар харуулжа, таалгаха)

• «А» үзэг эрдэмэй дээжэ, аяга сай эдеэнэй дээжэ.

• Хэлэнэй ута хүзүү орёохо, хормойн ута хүл орёохо.

• Хүн болохо багаһаа, хүлэг болохо унаганһаа.

• Би гэһэн гансаараа, бидэ гэһэн хамтаараа.

• Ябахань биршоог, эдихэнь горшоог.

1. «Эрхим хүбүүд ба басагадай мүрысөөн» (Командаһаа 1 хүбүүн, 1 басаган гарана. Алхам бүхэндөө хүбүүн басаганай, басаган хүбүүнэй буряад нэрэ хэлэнэ, хэн олые хэлэнэб тэрэ шүүнэ.)

1. Оршуулга «Даян дэлхэй» (Даабаринууд үгтэнэ, һурагшад хамта дүүргэнэ, жюри сэгнэнэ.

1. «Жороо үгэеэ жороолуулая»

1. Буряадаар арба хүрэтэр тоо тооложо шадаха гүт? Тооложо шадаха хүнүүд гарагты.Нэгэ амяар хэн арбан шабар лонхо тоолоноб, тэрэ удаадахи даабарида орохо. Үгэеэ тодоор, һайнаар хэлэхэ хэрэгтэй.Шадаагүй хүн нааданһаа гарана. Зай, тоолоё!

“Нэгэ шабар лонхо, хоёр шабар лонхо..........арбан шабар лонхо”

1. Жороо үгэеэ жороолуулая!

• Барбаадай, батан туулай, тоохон тобшо, толи байса, бишыхан шэгшүүдэй. (Шадаагүй хүн гарана)

• Таб табгайн дуун,

Табан жэлэймэлхэйн дуун. (Шадаагүй хүн гарана)

• Тэрэ хойно,

Гэрэй хойно

Хори гаран

Хара галуун. (Шадаагүй хүн гарана)

• Тэмээн тэмээн тэбэрюухэй,

Тэмээнэй хүбүүн табарюухай. (Шадаагүй хүн гарана)

• Тээ баруун урда арбан табан тарган тарбаган байна.

Яагаа тарган арбан табан тарган тарбаган гээшэб!

(Шадаагүй хүн гарана)

• Жороо үгэеэ хурсаар жороолуулха, уран үгэеэ һайханаар урилдуулха бэрхэ басаган(хүбүүн) байнаш даа!!!

1. Үгтэһэн сэдэбээр һонирхол татама зүжэг – сценкэнүүд.

Командын түлөөлэгшэд, наашаа гарагты, жээрэб татая. Ямар сэдэб дайралдабаб?

1-дэхи бүлгэм

Поездын вагоной һуурида бэе бэеэ танихагүй 2 хүбүүд ба 2 басагад зэргэлэн дайралдашаба

2-дохи бүлгэм

Буряадаар мэдэхэгүй ород хэлэтэй ашань үбгөө эмгэйдээ хотоһоо айлшалан ерэбэ….

3-дахи бүлгэм

Пенсиеэ абаад, хүдөөһөө ерэһэн үбгэн хүгшэн хоёр аша басагаяа хубсалуулхаяа Сагаан морин гэһэн худалдаа наймаанай түб ошобо….

4-дэхи бүлгэм

«Славия-тех» магазин соо. Хүгшэн үбгэн хоёр мобильно телефон абаха һанаатай ябанад….

5-дахи бүлгэ

Хүгшэн үхэрөө амидыгаар худалдахаяа ошоһон үбгэн рынок дээрэ…

1. Жюри дүн гаргана.