Ниет тазалығы- ізгілік бастауы

Сабақтың мақсаты:

• оқушыларды жақсы ой ойлауға,айнала қоршаған ортаға ізгі ниет  тілей білуге үйрету.

Міндеттері:

       -жақсы ой,ізгі ниеттің адамға тигізетін әсерін ұғындыру;

       -оқушыларды жақсы ойлауға,ізгі ниетті болуға үйрету;

       -адамгершілікке тәрбиелеу.

Сабақ барысы:

1. Ұйымдастыру кезеңi. Тыныштық сәтi.

«Орманға ойша серуен»

  Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз,  қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз. Алаңқайға шығып, осында бірнеше минут демалыңыз. Түбіне барып отырғыңыз келетін ағашты таңдаңыз. Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңызды сүйеп отырыңыз. Көзіңізді жұмыңыз, терең тыныс алыңыз және қоршаған айналаның жым-жырт тыныштығына  көңіл бөліңіз. (Осы жерде мұғалім 1-2 минут үзіліс жасауына болады).

Бізге қалайша жеңіл әрі тыныш және бақытты сезіну қандай. Табиғат неткен ғажап, оны қалайша сүйетінімізді бен қадірлейтінімізді, бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта  оған келе алатыныңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз, таза ауаны терең жұтыңыз, есікті ашып, өз орныңызға қайтып келіңіз. Осы жым-жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Ресурстар:(құралдар, мәлiметтер)

1. Үй тапсырмасын тексеру.

М.Мақатаевтың «Болады деп арманда» өлеңін сұрау.

• Өлеңнен қандай ой түйдіңіздер?
• Адам қай уақытта арманына жетеді деп ойлайсыз?

Сабақ барысын талқылау:

1. Әңгiмелеу (сұхбат).

Оқулықтағы Шәкәрімнің әңгімесінен үзінді оқу.

1. Ниет тазалығы дегенді қалай түсінесіз?
2. Адамның ниеті неліктен бұзылады деп ойлайсыздар?

1. Дәйек сөз.

      Қай істің болсын өнуіне үш түрлі шарт бар.Ол үшін ниет, күш, тәртіп керек.

                                                                       М.Әуезов

1. Шығармашылық жұмыс, топтық жұмыс.

«Ақ ниет жақсылыққа бастайды» тақырыбына шығарма жазыңыздар.

1. Топпен ән айту.

Н.Исабековтың өлең жолдарын айту.

1. Үй тапсырмасы.

Джеймс Лейн Алленнің «Адам қалай ойлайды?» әңгімесін оқып келу.

1. Бағалау

Сабаққа белсенді қатысқан оқушыларды мадақтау.