Sapak ýazgy. Nurmuhammet Andalybyň “Yusup- Züleýha” dessany”

Daşoguz welaýatynyň

Boldumsaz etraby

„ Nurmuhammet Andalybyň

“Yusup- Züleýha” dessany”

diýen temadan sapagynyň

ÝAZGYSY

Taýýarlan: Bekniýazowa Nadežda

Sapagyň temasy: Nurmuhammet Andalybyň “Yusup- Züleýha” dessany.

Sapagyň maksady: dessanyň many-mazmunyny düşündirmek. Gahrymanlar ulgamyny ýüze çykarmak, mertligi, ynsanperwerligi, watansöýüjiljgi söýgä wepalylygy terbiýelemek.

Sapagyň görnüşi:kombinirlenen

Sapagyň geçiriliş usuly: işjeň usulda

Sapagyň esbaby: reňkli suratlar, ýazgyly kagyzlar, kesme sözler.

Sapagyň gidişi.

1. Guramaçylyk döwri.Okuçylaryň sapaga taýýarlygyny gözden geçirip gatnaşygy hasaba almak ,synp dergisini dolduryp ünsi sapaga çekmek ,synp tagtasyna aýy, güni ýazyp tagtada aşakdaky kagyzlary ýerleşdirmek.

Dessançy Oguznama Nesimi Kyssaýy

1660-1740 Fyrgun

Soňra bu ýazgylaryň nämäni aňladýandygyny okuwçylardan sorap her ýazgy boýunça gysgaça gürrüň etdirmek we öwrenilen temalar boýunça okuçylaryň düşünjelerini , beýan ediş endiklerini

barlamak .Okuçylaryň gürrüňleriniň netijesiniň poema bilenjemlenýändigini ,poemanyň manysyny düşündirmek Okuçylary bahalandyrmak

3 geçen temany jemlemek.

Täze temany düşündirmek.

Täze tema: Andalybyň “ Ýusup- Züleýha” dessany.

Tema degişli reňkli suraty synp tagtasynda ýerleşdirmek

Ýakup şanyň 6 aýaly bir gyzy bolýar ,şa öz aýallaryna , çagalaryna deň göz bilen garamaýar .

Şeýlelikde maşgalada tagt üstünde dawa, agzalalyk döreýär – diýip ýazgyly kesme kagyzlary aşakdaky tertipde synp tagtasynda ýerleşdirýärin .

ŞA ZÜLEÝHA

MÜSÜR

KEMPIR

AGALARY ÝUSUP

ULY AÝALY KIÇI AÝALY

ÝAKUP

Temany şu ýazgyly kagyzlardan peýdalanyp giňişleýin düşündirýärin. Wakalaryň gidişini, eseriň mazmunyny, gahrymanlaryň gylyk- häsiýetlerini ýüze çykarýaryn, parasatlylyk, adyllyk, öz watanyňy söýmek, geçirimlilik ýaly häsiýetleriň ýüze çykmagyny düşündirýärin. Eseriň üsti bilen “Ýakma bişersiň, gazma düşersiň” diýen nakylyň, atalar sözüniň manysy ýüze çykýaryn.

Hiç wagt erbetlik etmezligi, hakykatçy, adyl, geçirimli hüşgär bolmagy Ýusubyň obrazynyň üsti bilen düşündirýžrin.

Temany berkitmek üçin okuwçylary iki topara bölýärin we ýumuş tabşyrýaryn.

Birinji topara oňaýly gahrymanlary, ikinji topara- oňaýsyz gahrymanlary häsiýetlendirmegi tabşyrýaryn. Onuň üçin synp tagtasynda ýazyp taýrlan ýazgylarymy açýaryn.

Parhly bolmak Rehimi gelmek

Durnuksyzlyk Sada, kiçigöwünlilik

Ikiýüzlülik Edrmenlik

Ýaranjaňlyk Diňe özüni bilmek

Göriplik Duýgudaşlyk

Watansöýüjilik Wepalylyk

Rehimlilik Mekirlik

Çydamlylyk Wagşy, weýran edişi.

Her topar özüne degişli sözleri saýlap alýarlar. Hersi öz pikirlerini subut edip düşündirýärler. Özara çekişme guraýarlar. Dessanyň many-mazmuny boýunça belli netijä gellýärler. Her topara bir sözi fonetik, morfologik derňew etmegi tabşyrýaryn, onuň netijesini diňleýärin.

Okuwçylaryň ählisine SINKWEÝIN düzmegi tabşyrýaryn:

1. Bir at

2. Iki sypat

3. Üç işlik

4. Assosiasiýa (sinonim)

5. Dana söz.

Okuwçylar geçilen temadan peýdalanyp sözlem düzýärler.

Tema boýunça ýüze çykan pikirleri jemläp okuwçylary bahalandyrýaryn.

Nurmuhammet Andalybyň döredejiliginiň, “Yusup- Züleýha” dessanynyň ähmiýetini düşündirmek bilen temany jemleýärin.

Öý işi: Nurmuhammet Andalybyň “Yusup- Züleýha” dessany