Открытый урок на тему "Существительное" 10 класс

Мюрегинская СОШ

10 - ибил класслизиб

дарган мезла

гьаргси дарсла разработка

Тема

«Существительное»

Учитель:

Мях1яммадова

Сапият Гъазимях1яммадовна

18.01.2016 д

Дарсла мурад:

Существительноела мофологический лишанти тикрардарни

Существительноеби детарнила тях1урти гьандикахъни

Предложениелизиб существительноела х1янчи белгибарни

Ваях1:

компьютер, мультимедийный проектор, интерактивная доска, слайд-презентация, жура-журала х1янчурбачилти карточкаби

Дарсла жура :

белч1унси материал тикрарбарни ва кагахъни

Дарсла форма :

индивидуальная, фронтальная, групповая

Дарсличир дузахъути балбуцуни:

ихтилат, самостоятельный х1янчи, дек1арли ва лебтазилра хьарбаъни

Дарсла башри

(слайд №1)

- Салам, дурх1ни, ах1ерти,

Дец1-анц1кьи мадагьарти!

Салам, г1ях1ли х1урматла,

г1иниз сабурла, ях1ла!

Иш халал дунъяличир

Г1ямру шадли дерк1аба!

Кайц1уси гьар ганзлизир

Талих1ли г1ердурцаба!

- Кадиирая. Ну разилира ишбарх1и х1уша дарган мезла дарсличир чедаэс.

Слайд №2

- Секьяйда иргъулрая х1ушани, дурх1ни, ик1ди дугьбала мяг1на?

(дурх1нала жавабти)

- Дила пикрили ик1ди тугъачил иша кабиибти лебилра кьабулбиркур, сенах1енну разиси , дях1шаласи адамличил ихтилатик1ес ишдях1духъесли бирар. Дила пикри саби, нушала ишбарх1ила дарсра ик1гъуна г1ях1си гьавлизиб дураберк1ес.Дарсличи нуни дац1ти някъбачил ах1енра рак1ибси. Нуни ишгъуна папка хилра набчил. Илала бек1либиубси мурад саби, нушала ишбарх1ила дарсла мурад сархнилис кумекли биъни. Ишизир лер х1ушаб хъарбаркьуни. Илдачи нуша кьанниван чардулхъех1е.

Дарс наб дигулра бех1бихьес ишгъуна ца айтуличибад.

Гьачам ца адамли пикрибарили сай гьарахъси арх1яли дуравхъес. Гьуйчиб илис яргали цугбиркули саби х1ябал ялчи. Х1яблинра цагъуна х1янчи бирули буили саби : илдазивад гьарилли дек1си дехли биц1ибси уркура гьайбарилри. Гъамиубли гьункьяни гьариллизи бедили сай ца суал:

- Се саби х1уни бируси?

- Иш набчибад чебх1ебикибси ляг1натбак1ла уркура хъускабяхъилра, - жаваб бедиб цаибилли.

- Дила хъалибарг абикьес узулра, - вик1ули сай к1иибилгъуна.

Х1ябэсилли, алавчарли разити х1улбачил х1еризурли, пишяхъили, бедили сай ишгъуна жаваб:

- Нуни лебг1еб тамашала, кег1ебси к1ялг1я т1ашбалтулра!

- Гьари пикридухъеная, дурх1ни, илдазивад гьарилла сунела г1ямруличи х1ер сегъуна? Разилив илди? Илдазивад чиди талих1чевли, х1ушала пикрили? (х1ябэсилгъуна, сенах1енну илини сунени бируси х1янчилизиб разидеш бургули сай, х1янчи илини иштях1личил бирули сай).

- Бархьси саби х1ушани буруси. Гьарра барх1и, нушани бурк1уси, нушала г1ямрула ца бишт1аси бут1а саби, ва ил секьяйда берк1ах1елра, илкьяйда арра аркьян. Иличила жагали бурули саби Г1ямар Хайямлира сунела назмулизиб, нуни ишбарх1и дарслис эпиграфли касибси, сабира дарган мезличи нуни шурбатурси:

«Х1ули лип1ла манзилван сари аркьян.

Гьар барх1и бурген х1уни чузиб т1яг1ям.

Г1еладях1ли х1уни чарх1ейрид сари.

Чула кьисмат х1ела някъбазиб саби».

- Нуни бурибси айтула у агара. Х1ушала пикрили , сегъуна у бедес дирех1е нушани илис? (талих1)

-Гьарра адамли талих1 ибси девла мяг1на сунеласун иргъули вирар. Х1ушала ил девличил дархдасунти сегъунти урк1ила х1ялани алк1ули? Сегъунти дугьбачил аргъахъес дирудая илала мяг1на? Делк1ес тетрадунази, илди дарсла тема белгибарахъес нушаб кумекли дирар

- Белк1еная ишбарх1ила число. Классла х1янчи.

(разидеш, бег1ти, гьалмагъуни, цабалгундеш, х1урмат…)

- Кадатирая илдачи суалти. (чи? се?)

- Селичи сари илди суалти хасти? (существительноеличи)

- Х1ебиалли нушала ишбарх1ила дарсла тема сегъуна саби? (существительное)

Слайд №3

Сегъунти мурадуни сархес х1яжатли нушаб дарсличир?

(гьандикахъес, се сабил существительное ва илала морфологический лишанти)

Слайд №4

Се саби существительное?

Слайд №5

- Г1урра сегъунти гъайла бут1ни даладая х1ушани? (глагол, наречие, числительное, наречие, местоимение, союз, кесек, послелог. Междометие)

Слайд № 6

- Илди руркъуси грамматикала разделлис се дик1утира нуша? (морфология)

Слайд №7

- Гьандиркахъех1е нушани существительноела морфологический лишанти (гьала-гьала дурх1нани дуру, г1ур слайд чебиахъулра)

Слайд №8

- Хасти ва т1инт1ти существительноеби гьандикахъес.

(чули делч1унти произведениеби, илдала автортала уми, районна ва республикала дарган мезличил дурадулхъути газетабала ва журналтала уми…..)

- Дарган мезлара урус мезлара существительноебала ургаб се дек1ардеш леба, миц1ирти ва миц1ирти ах1енти существительноебачила гъайдик1ах1елли?

(дарган мезлизиб чи? ибси суал кабалтуси саби ч1янк1ли адамтачи, г1еларти существительноебани се? ибси суайс жаваб луга)

- Чули иргъахъуси мяг1на х1ясибли существительноебала жураби белгидирех1е. Х1ердарая сагали илди х1ушани тетрадунази делк1унти существительноеби. Илдазирад нушани лерилра чедаэс ва някъбази дуцес, хахамдарес дирулрав? (ах1енра)

Слайд №9

- Г1ячихъли ах1енти существительноебази се кадурхара?

(урк1ила х1ялани ва т1абиг1ятла анц1букьуни иргъахъути существительноеби : разидеш, лямц1, къукъу..)

- Х1ердизирая таблицаличи ва бурая, г1ячихъли ах1енти существительноеби сегъуна морфемала кумекличил детарули ?

(суффиксуни : -ри, -ни, -ди, -деш)

- Сегъуна кьадри леба г1ячихъти ах1енти существительноебала?

(илдани учидяхъ глаголти алк1ахъули сари)

Слайд №10

-Чум жинс лера существительноела ? Дурес илди.

Гьар жинсличи хасти существительноеби мисаллис кес.

- Урус мезла ва дарган мезла существительноебала жинслизиб сегъуна дек1ардеш леба?

- (дарган мезлизир адамтала уми ва адамтачи хасти существительноеби калайчи, лерилра г1урилти существительноеби урга жинсла сари)

- Ик1ди схемализирти дугьби х1ушаб лерилра тяништив? Лебталалра мяг1на иргъулрав?

(чирча ва дугелибуг ибти дугьбала мяг1на иргъули ах1енра)

Слайд 11

Делк1ес илди тетрадунази

Илди дугьбачил предложениеби пикридарес.

- Дарган мезла падежуначила се бурес дирудая?

(илди 11 лер)

- Чум кьукьяличи дурт1ули илди?

(общий падежуни - 7 ва мер падежуни - 4)

- Существительное падежунарбирнилис цараван се бик!ара?

(склонение)

- Существительноела склонение секьяйда белгибирусири?

(актив падежла ахир х1ясибли)

Слайд №12

Ишара (1-ибил склонениелизи ках1едурхар) : дурх1я-дурх1яли, рурси-рурсили, урши-уршили, уста-устали, мурда-мурдали, ялчи-ялчили

Ишара(2 склонениелизи ках1едурхар) : телефон – телефонни.

- Существительноела луг1иличила се бурес дирудая? (цалихъ-дахълихъ)

- Села кумекличил бетаруси существительноела дахълихъ? (суффиксунала кумекличил)

Слайд №13

Доскаличиб ца ученикли биру ил х1янчи, г1урилти тетрадуназиб бузар

Иличил барх 3 кьукьялис инд х1янчи лугулра, гьар кьукьялис хасси хъарбаркь бедлугулра. Гьар кьукьялизиб к1ел ученик бирар.

Ца учениклис бедлугулра карточка доскаличиб барахъес (Буралала мяг1на гьаргбарес ва дек1арбарибси существительноела морфологический разбор барес)

Адам баркьудиличивли вала.

- Гьари гьанбикахъая, лерилра существительноебала дахълихъла форма лебсив? (ах1ен)

Слайд №14

- Белгибарес илдазирад чиди существительноеби ч1янк1ли цалихълизир дузахъутил, чиди существительноебала цалихъла форма агарсил ва делк1ес тетрадунази.

(ученикунани ил х1янчи самостоятельно тетрадунази биру, илзамана доскаличивси ученикла х1янчи ахтардибирулра)

(Дополнит. х1янчи)

Иш х1янчи лугулра ца учениклис суненицун барахъес

Г1урилтани жузлизибси х1янчи биру

Х1янчи 71 (устно)

Физминутка+задание

слайд №15 слайд №16

Иш задание тетрадунази биру лебилра ученикунани.

(ил замана кьукьнас дедибти заданиеби дурчулра ва ахтардидирулра, кьиматладирулра)

( К1ел ученикли синквейн ирзу, г1урилтани существительноела паспорт бирц1ахъу доскаличиб ца-цали)

Слайд № 17-18

Синквейн : 1. Существительное

2. хасси, т1инт1си

3. чебиахъу, иргъахъу, пайдалабиру

4. Существительноеби агарли гъай диэс х1едирар.

5. сек1ал

_ Сегъунти сарри нушала ишбарх1ила дарсла мурадуни?

Диубрав илди сархес?

(дурх1нала х1янчурби кьиматладирулра, хат1абачи пикри бях1чииахъулра, кьиматуни баяндирулра)

Рефлексия

Слайд №19

Хъули х1янчи

Слайд №20