Ուրիշի ուղղակի և անուղղակի խոսք

Ուրիշի  ուղղակի  խոսքը վերածել անուղղակի  խոսքի 

Ուրիշի  ուղղակի  խոսքը  անուղղակի  խոսքի  վերածելիս  կատարվում  են   մի  շարք  փոփոխություններ,  այս  փոփոխություններն  են`

1)  Խոսքի  մեջ  եղած  հեղինակի  խոսքը,  որ  դիրքում  էլ  լինի,  գալիս  է  նախադասության  սկիզբ:

2) Հեղինակի  խոսքին  հաջորդում  են  որ  կամ  թե  շաղկապները:

3)Ուղղակի  խոսքի  մեջ եղած  կոչականը կարող  է  դառնալ  գլխավոր  նախադասության  լրացումը: 

Օրինակ`

-Մենք  այսօր  մասնակցելու  ենք  ծառատունկին,  Արամ,-ասաց  Մաիրամը:

Մայրամն  ասաց  Արամին,  որ  իրենք  այսօր  ծառատունկի  են  մասնակցելու:

4)Եթե  ուղղակի  խոսքի  մեջ  հեղինակի  խոսքում  գործողություն     կատարողները   երրորդ  դեմքով  դրված  անձեր  են,  ապա  ուղղակի  խոսքի  մեջ  եղած  ես,  իմ,  ինձ,  ինձնից,  ինձնով(մեր,  մեզնից,  մեզ նով)   դերանուներին  փոխարինում  են  երրորդ  դեմքի  ինքը,  իր,  ի րենից,  իրենով  դերանուները,  իսկ  դու,  դուք   դերանուններին  փո խարինում են  երրորդ  դեմքի  նա,  նրանք  դերաննուները:

Օրինակ`Մարինեն  ասաց  Արմինեին.

-Ես  վաղուց  ձեզանից  լուր  չունեի,  դուք  հիմա  ինչպե՞ս  եք:

Մարինեն  ասաց  Արմինեին,  որ  ինքը  վաղուց  նրանցից    լուր  չուներ,  նը-րանք հիմա   ինչպես  են:

5)Ուրիշի  ուղղակի խոսքի  մեջ  եղած  ձայնարկությունները,  վերա բերականները  անուղղակի  խոսքում  դուրս  են  ընկնում:

Օրինակ`

 -Վա՜յ , մայրի՛կ  ջան, ես  քեզ  կարոտել  եմ,- ասաց  աղջիկը:

Աղջիկն  ասաց  մայրիկին,  որ  ինքը  նրան  կարոտել  է: