"Өзі-өзі тану" пәні бойынша сабақ жоспары "Сен де бір кірпіш дүниеге..."

Өзін- өзі тану .8-сынып.1-тоқсан

І тарау. Таным жолында.

1-ші сабақ. 2-ші қыркүйек.2010- жыл.

Сабақтың тақырыбы: Сен де бір кірпіш дүниеге...

Оқыту мен тәрбиелеудің міндеттері:

• Өмір жолының ,өз алдына қойған өмірлік мақсат-мұраттары мен жалпы адамгершілік құндылықтардың адам өміріндегі маңызы туралы түсінік беру;

• Оқушылдарды өз өмірінің мәнін түсіне білуге, рухани өсуге және жақсы мен жаманның аражігін ажырата отырып, өмірлік айқындамасын белгілей білуге үйрету;

Оқушыларды өз өміріне, өз сөзі,ойы және әрекетіне мұқият болуға тәрбиелеу.

Мақсаты: Әр адамның өз өмірінің мәнін түсініп,белгілей білуінің маңыздылығы жөніндегі ұғымдарын дамыту.

Шаттық шеңбері Ә.Тәжібаевтың «Өмірді аяла»өлеңін шеңберде тұрып оқып шығу.

Әңгімелесу

• Адам өмірінің мәні неде?

• Қандай жағдайда адам өз өміріне риза болады?

• Өмірден адам өз орнын табу үшін адам бойында қандай қасиеттер болуы керек?

• Адамның өмірдегі орнын табуға өзін –өзі танудың ықпалы қандай?

Мәтінмен жұмыс Оқушыларға сабақ тақырыбын кеңірек меңгерту мақсатында О.Асқардың «Өмір өнегелері» өлеңін оқып талдау ұсынылады.

Оқу ақпараты «Адам өз өмірінің мәні туралы ойлана отырып,өзінің өмір жолын табуға ұмтылады Әр адам өз өмірін ақниет,адал істерге бағыттап, рухани-адамгершілік құндылықтарды өзіне мұрат еткенде ғана оның өмірі үлкен мәнге ие болады.»

Ойланып көрейік Көрнекті турколог,академик Ә.Қайдардың өмір туралы, өмірдегі жақсылық пен жамандық туралы ой толғауын оқу.

Тыныштық сәті Балалардың көңіл-күйінің көтеріңкі болып өздерін жақсы сезінуі үшін тыныштық сәті өткізіледі.

Дәптермен жұмыс. Мәтіндегі өздеріне ұнаған үзінділерді дәптерге жазып алуды тапсыру.

Жүректен жүрекке Сабақты қорытындылап,аяқтау мақсатында оқушылар шеңберге жиналып:

Өмірге келдім анамды көрдім, деді ол маған..... деген ойды жалғастырып,өз тұжырымдарын жасайды.