План конспект урока словосочетание

Тарсунин кьил: Алакъалу ибараяр Тарсунин мурад: алакъалу ибарайрин мана-метлеб ачухарун; кьилин ва аслу гаф жагъуриз алакьун ва кьилин гафунилай аслу гафунал дуьз суал эцигиз вердишарун

Ч1ал гегьеншарун.

Тадаракар: лезги ч1алан ктаб,шикилар

Тарсунин финиф 1.Тарс тешкилун 2.К1валин к1валах ахтармишун

1.1.Аялри кхьей сочиненияр к1елун.

2.Грамматикадин разбор

Аялри кхьей сочиненидай сад-кьве предложение доскадал кхьида ва гьар са гаф гьихьтин ч1алан паюникай хьанват1а,къалурда.

3. Ц1ийи тема ачухарун.Муаллимдин гаф.

Аялар,къенин чи тарсуна чна алакъалу ибараяр чирда.

Чеб-чпихъ галаз лап сих алакъада авай гафариз алакъалу ибараяр лугьуда.

Адет яз ,ибара кьве гафуникай ибарат жеда: кьилин ва аслу.

Месела: яру ич, гатфарин марф. И ибарайра ич, марф кьилин гафар я,муькуьбур-аслу

Ибараяр кьведалай артух гафарикайни арадал къведа. Амма гьар са ибарада кьилин гаф сад жеда . Кьилин гаф (х) лишандалди къалурда.

Нин? х гьихьтин? x гьик1? x

Месела : дидедин гъилер, кьакьан к1валер , секиндиз ацукьун

Идалай кьулухъ аялри 6 -параграф к1елда

1.Муаллимди аялрин фикирдиз сад хьтин кьве предмет гъида. Доскадилай шикил куьрсарда (айван галай к1арасдин к1валер ва балхун галай вад мертебадин к1валер).

---Шикилдай аквазвай предметар къалура?

---И предметрин умуми гаф гьим я?(к1вал)

---Гьар са предмет дуьз лишанралди къалура?

Аялри алакъалу ибараяр лугьуда, доскадал кхьида ва дафтарриз акъудда

к1арасдин к1валер, кирпичдин к1валер, са мертебадин к1валер, вад мертебадин к1валер, айван галай к1валер, балхунар галай к1валер.

--– Предмет гьик1 къалурун хъсан я--са гафуналди, я тахьайт1а ибарайралди?

Къейд: ибарадин мана кьилди гафунин манадилай гегьеншди я; эгер гафуни са предметдин т1вар кьазват1а, ибаради гаф ва адан лишан къалурда(кирпичдин к1валер -им к1валер, амма гьакъикъатда кирпичдикай эцигнавай к1валер).

4.Ктабдин винел к1валах

1- тапшуругъ .Ганвай ибарайрикай предложенияр туьк1уьрун

Чешне: Зи бубади совхоздин фермада к1валахзава

2- тапшуругъ.тапшуругъ.Предложенияр ибарайриз чара авун.

Чешне:Ада аялар бегьем кьежирна.

аялар кьежирна,бегьем кьежирна.

5.Четин гафарин винел к1валах

кьенер ,ятах, йигиндаказ ,къизгъин .

6.К1вализ к1валах: параграф 6 ,3-тапшуругъ