План-конспект урока "Дене шынықтыратын жаттығулар" по казахскому языку в школах с русским языком обучения для 8-го класса

Қазақ тілі 8-сынып күні:

Сабақтың тақырыбы:Дене шынықтыратын жаттығулар

Сабақтың мақсаты: оқушыларға жаңа сөздердің, суреттердің көмегімен мәтінді игерту. 

Міндеттері: 

 Жаңа сөздерді меңгерте отырып, мәтінге сұрақтар дайындауға, өз ойын еркін жеткізе білуге үйрету;

 Берілген материалдарды өмірдегі жағдайлармен салыстыра, байланыстыра отырып, тілдесім әрекетін жандандыру;

 Қазақ тілінде өз ойларын жеткізе алатын қабілеттерін жетілдіру;

 Сөздік қорларын байыта отырып, ойлау, ойтолғау қабілеттерін дамыту;

 Сын есімнің күшейтпелі шырайын меңгерту.

Сабақтың түрі: жаңа білімді меңгерту сабағы.

Сабақтың әдіс-тәсілдері: оқылым, жазылым, тыңдалым, сөйлесім, ойқозғау, сұрақ-жауап, әңгімелесу, деңгейлеп оқыту.

Сабақтың көрнекілігі: оқулық, кесте, , деңгейлік тапсырмалар.

Сабақтың барысы: 

І. Ұйымдастыру кезеңі:

-Сәлеметсіңдер ме, балалар!

-Бүгін сыныпта кім кезекші?

Психологиялық сәт: 

-Көңіл-күйлерің қалай?

-Сабаққа дайынсыңдар ма?

II. Үй тапсырмасын тексеру: 

-Үй тапсырмасын барлығымыз орындадық па? (үй тапсырмасын жалпылай сұрақтар арқылы және жекелеп тексеріп шығу)

«Менің күн тәртібім» тақырыбына әңгіме құрастыру

III. Жаңа сабаққа даярлау:

Оқушылармен дене жаттығуларын орындау арқылы сабақ тақырыбын анықтау

IY. Жаңа тақырып:

Сабақтың мақсатымен, барысымен таныстыру. 

1. Мәтінге дейінгі жұмыс:

Сөздікпен жұмыс:

-берілген сөздердің оқылуымен, аудармасымен, қолданылу аясымен таныстыру

-сөздерді оқушыларға хормен, жекелеп оқытып шығу

-сол сөздерді қатыстырып сөз тіркестерін, сөйлемдер құрату

-осы сөздердің арасынан сын есімдерді тауып, күшейтпелі шырайға айналдыру

Таңертең – утром Дене шынықтыратын жаттығулары-упражнения для зарядки тела

Әсері-влияние Жүйесі – система

Дене-тело Бөлігі-часть

Төзімділік-выносливость Батылдық –смелость

Шыңдайды -закаляет

2. Жаттығумен жұмыс: 

1-тапсырма. Сұрақтарға жауап беріңдер. Жұптық жұмыс.

Таңертең тұрғанда дене шынықтыратын жаттығулар жасайсың ба?

Қандай жаттығулар жиі жасайсың?

Жаттығулардың денсаулыққа қандай әсері бар деп ойлайсың?

2-тапсырма.Өлеңді оқып, көшіріп жазыңдар

Денсаулық – ол шыныққан,

Барлық дене мүшесі.

Денсаулық – ол тыныққан,

Жүйке-тамыр жүйесі.

Денсаулық – ол күлуің,

Көңіл-күйің жадырай.

Денсаулық – ол жүруің,

Ешбір жерің ауырмай.

Сергіту сәті:

Қолды белге қояйық

Басты оңға бұрайық,

Басты солға бұрайық.

Бір отырып, бір тұрып,

Бір отырып, бір тұрып

Біз демалып алайық!

Y. Бекіту:

3-тапсырма.Берілген сөздерді есімшеге айналдырып тәуелдеңдер.

Үлгі: киінген-киінгенім, киінгенің,киінгені.

Киіну,тұру, жаттығу, орындау, ұйықтау.

ҮІ.Сабақты қорытындылау:

-Сабақта не істедік? -Қандай жаңа сөздер үйрендік?

-Қандай өлең оқыдық? -Өлеңде не туралы айтылған

YII. Үйге тапсырма:

1. шынығу, жасау, ауырмау, күлу, даму етістіктерін есімшеге айналдырып тәуелдеңдер

2. Өлеңді жаттау

3. Сөздікті жаттау

YIII. Бағалау.

IX. Рефлексия:

Сабақ қатты ұнады.              Сабақ орташа өтті.               Сабақ ұнамады.