Презентация: Ахматова Р. "Нене"

Урокан ц1е : Ахматова Р. «Нене»

16.12.2021г.

Астамирова А. А.

«Лаьмнел лекха бу ден синхаам,

х1ордал к1орга бу ненан безам»

Цхьа сингаттам баьлчи, хилчи хазахетар,

Йог1ур йу хьо йолчу, ахь д1акхайкха со,

Со йоьлуш хьо йела, йелхахь сан дог эца,

Ларйе къаьхьчу балех, хьехар суна луш.

Дахаран цу ц1ергахь тоъалла со яьгна,

Х1етте а йу дуьне хазахеташ со,

Нислора т1ам бойна олхазар а санна,

Со йужуш а, амма г1оттура хьала.

Ахь до суна хьехарш, ларлуш хила бохуш,

Даима сагатдеш ларйо вонах со,

Йина мохк, хьо нана, шу йу-кх сан г1ортораш,

Шуьшиннах а йаьлла лелалур йуй со?

Лор йац хьо, делахь а дарба деш ахь хийла,

Когаш т1е х1оттий со дагна г1ора луш,

Ахь ницкъ а лой майра, йолий генна ара,

Буьрса дарц а эшош бора ас сайн некъ.

Б1аьрса хьан артделла, эшна дег1ан г1ора,

Къежйелла месаш го, лайна вонаш ахь,

Къинт1ера а ялий, доьху хьоьга нана,

Дарбане хьай куьйгех баккхийта цхьа барт.

«Шен ненан сий лардечо,

Даймехкан сий а лардийр ду»

«Нанас йина чов лаза ца лозу»

«Ненан оьг1азло ло санна ю:

дуккха а дог1а, амма сиха деша»

«Ненан сий динарг махко а лерина»

«Лаьмнел лекха бу ден синхаам,

х1ордал к1орга бу ненан безам»

(Кицанийн маь1на даста)

Урокан жам1 дар:

• «Муьлххачу а стеган дахарехь г1алаташ хуьлу, ткъа нана къинт1ера яккхар иза коьрта декхар ду х1ора а стеган»

• «Х1ора стага а ша мел деш долу х1ума а ненан пурбанца дан деза, вог1уш, воьдуш хаийтар массо а доьзалхочунна т1ехь ду»

• Г1ийлачунна накъост хуьлуш, аьшначун дог хьостуш, воьжнарг г1аттош, тилларг дахаре верзош, шелвеллачунна йовхо луш, лазар кхеттачунна шайн безамца, къинхетамца дарба деш - шаьш кхоа ца луш доггаха лела шу, тхан хьоме наной. Дала могуш-маьрша дахадойла шу!!!

Ц1ахь: Ахматтова Р. «Нене» стихотворени дагахь 1амае.

Баркалла, хьоме дешархой!