Научно-практическая конференция "Бэлигэй Туяа-2018". Публикация

Лиджиева Имин

Минии уг гарбал.

Буурал манаар бүрхөөгдэhэн

Буурай холын сагые

Удхалан байжа үзэхэдэм,

Угайм түүхэ элирнэл.

Каспиин далайн эрьедэ,

Агуу Волгын-Эжэл мүрэнэй талаар

Бамба сэсэгтэ орондо

Хальмаг арад hуудаг гээ.

Хоёр мянга зургаан оной

Юhэн улаан мэнгэтэй нохой жэлдэ

Хабарай hайхан сагта

Элhэтэ-Элиста хотодо түрэhэнби.

Унаhан түрэhэн дайдадаа,

Түрэл гарал зондоо

Алдарта Байгалай эрьеhээ

Амар мэндые хүргэнэб даа.

Битнай гэбэл, Үлэмжын Имин хүүхэн гээшэб.

Абамни Үлэмжэ Николаевич,

Эжымни Светлана Түмэн-Баировна.

Абганарни Хальмагтаа мэдээжэ

Дүүрэн хэшэгтэй,

Дүршэл ехэтэй,

Дорюун задарюун

Дорвуд угай үри hадаhад юм.

Минии аба Үлэмжэ

Эсэгын тээли хүбүүн-белкиг.

Николай-минии овк аав (дед)

Убуш-элнөг эөк (прадед)

Өеден-хулнөг эөк (прапрадед)

Лиж-салнөг эөк (прапрапрадед)

Эдэ ажалша,малша,

Аргаша,баряаша

Элинсэг буурал абанарни

Эди шэдиеэ,мэргэн бэлигээ

Уг залган дамжуулан,

Туг мэтээр мандуулан!

Нагасанарни сайр сагаан тэнгэриһээ

Сагаан удхата харгытай,

Морин төөлэй хүндэтэй

Сагаан тугтай Сагаангууд...

Сарай мяханда садаагүй,

Салбуу дорюун Сагаангууд

Хорин 11 эсэгын

Сагаанууд урай Очир

Очирой Хандаан,

Хандаанай Гомбо,

Гомбын Намсарай,

Намсарайн Базар,

Базарай Жамбал,

Жамбалай Түмэн-Баяр

Минии нагаса аба гээшэ.

Түмэн Баярай эрхэ тангилхан

Светлана илдам hайхан эжымни юм.

Эсэгынгээ hургаалтайб,

Эжынгээ заабаритайб,

Налгай зохидхон,

Уян хатарта дуратай,

Эмхи журам ехэтэй,

Эрдэм номдо бэлигтэй

Уран үгэдэ hэдэбтэй,

Хүл бүмбэгэдэ бэрхэ

Шуран хурса Имин гээшэб.

Элинсэг хулинсагайм дунда

Эсэгын дайнай баатарнууд,

Ажал хүдэлмэриин түрүүшүүл,

Багшанар, зоотехник,инженернүүд,

Барилгашад, эмшэд, тамиршад-

Мэдээжэ зон олон лэ.

Заяанай hайханиие шэлэжэ,

Залуудай дардамаар дабхиhан.

Зондоо үреэлээ дамжуулhан

Уг изагуураа үреэлнэб!

Угсаата зонойнгоо заншалые

Улам үргэхэ абъяастайб!