МУНИЦИПАЛЬНОЕ КАЗЕННОЕ
ОБЩЕОБРАЗОВАТЕЛЬНОЕ УЧРЕЖДЕНИЕ
«ГИМНАЗИЯ ТАБАСАРАНСКОГО РАЙОНА»
ТАБАСАРАНСКИЙ РАЙОН
РЕСПУБЛИКА ДАГЕСТАН
| «Рассмотрена» на заседании ВМО учителей ___________________________ Протокол № 1 от ___ августа 2020 г. | «Согласована» Зам. директора по УВР ___________ _________________ «___»___________2020 г |
«Утверждаю» Директор школы ___________ ____________________
«____»___________2020 г.
|
РАБОЧАЯ ПРОГРАММА
по учебному курсу «Табасаранская литература»
(авторы: М.А. Расулов, М. М. Курбанов»)
для 8-го класса
на 2020-2021 учебный год
Количество часов в год – 68, в неделю – 2
Разработчик: Магомедова Л. А. –
учитель табасаранского языка и литературы
Хучни, 2020 г.
8-пи класс
Предметдин натижа (предметные результаты):
- программайин объемдиъ улупнайи эсерарин аьгъювалар;
- гъурху эсерарин аьгъювалар;
- литературайин эсерин анализ ап1уз удукьуб (тарихи гьядисйир ишлетмиш ап1ури);
Предметарин арайиъ айи натижа (метапредметные результаты):
- устадвалиинди гьаржюрейин планар дюзмиш ап1бан бадали рякъяр яркьу ап1уб;
- гьаржюрейин кититбар ишлетмиш ап1уб;
- гъурху материал яркьу ап1бан рякъяр;
- интернетдихъди ва жара дакьатарихъди ляхин ап1уз удукьуб;
-эсерин анализ ап1руган, лазим вуйи далилар хуз удукьуб.
Хусуси натижа (личностные результаты):
- программайиъ тувнайи художествойин эсерар к1ваъланди аьгъяди хьуб;
-гъурху эсерихьна хусуси лигбар ади хьуб;
- тарихдихъди аьлакьа айи творческий ляхнар гъахуб;
- тарихи темйир ишлетмиш ап1уб ва думу темйирихьна хусуси лигбар ади хьуб.
Куч Ӏвбан дарс.
Табасаран литературайиъ халкьдин уьмрин жюрбежюр терефар улупуб. Дидин дагълу имбу миллетарин литературйирихъди вуйи багахьлувал.
Багъри литература артмиш хьупан деврар.
Табасаран литературайин сифте кӀулар. XVII—XIX аьсрарин
литература.
Дагъустандиъ илим ва культура улихьна гъягъбакан мялуматар. Дегьзаманайин литература аьраб, фарс, тюрк ва ерли чӀалариинди яратмиш апӀуб. Дидик инсанпервервалин фикрар кади хьуб.
Дагъустандин тарихи китабар: “Дербент-наме”, "Дагъустандин тарих" ва гь. ж.
XVI—XIX аьсрарин литературайиъ багъри чӀалниинди яратмиш дапӀнайи эсерарин кьадар артухъ хьуб. Дурариъ инсан ккунивалихьна, азадвалихьна ил апӀбан гьиссар яркьу хьуб. Ханариз, беглариз, истисмарчйириз аькси фикрар гужли хьуб. Му деврарин бажарагълу шаирар (Кьалухъ Мирза, Даттил Уруж, Гъвандикк Жигер, ЧвулатӀ Имам, Гурихъ Гьяжиюсуф ва гь. ж.). Дурарин насигьятнан ва лирикайин эсерариъ яшайишдик жюрбежюр терефар.
Табасаран милли литература арайиз гъюб.
Мялум дару шаирарин эсерар:
“Бахтсуз”, “Табасаран".
“Бахтсуз”. Шиъриъ табасаран халкьдин касиб гъатарин гъагъи ва аьжуз гьял улупуб.
“Табасаран”. Шиъриъ Табасарандин табиаьтдин ва инсанарин гюрчегвал улупуб ва дурарин тяриф апӀуб. Шиъриъ шаирин гьяйбатлувал.
Литературайин теория. Шиърарин чӀалнан гьякьнаан мялумат ккатӀабццуб.
Кьалухъ Мирза. “Хандиз жаваб”, “Ашукь бюлбюл”.
Шаирин уьмрикан ва яратмиш апӀбарикан мялуматар.
“Хандиз жаваб”. Шиъриъ революцияйиз улихьна вуйи Дагъустандиъ феодалари, ханари уьзден халкьдин жилар дисубсиб ляхниз хас вуйи дюшюш улупуб. Эсериъ халкьдин девлетлуйирихьна вуйи даккнишин. Xанарин тямягькарвал ва зулумкарвал пислемиш апӀуб.
Шиъриъ чӀалнан тясирлувал.
“Ашукь бюлбюл”. Шиъриъ уьмур шадхуррамди адапӀурайи бюлбюлин сурат яратмиш апӀуб.
Эсериъ табиаьтдин жюрбежюр лишнар. Шаирин бюлбюлихьна вуйи гьиссар.
Шиъриъ чӀалнан тясирлувал.
Рижвниккарин Саидмягьямад.
Вахтарикан ва дуланажагъдикан вуйи шиърар: «Дар дубхьназуз аку дюнья», «Гъябкъну узуз», «Гьякь наан а?», «Аьхир диван фила хьибди?», «Уьмрин кьисмат», «Дустариз», «Чара адар», «Тавлу дажи», «Фагьум апIин, лиг жвуву», «Фила хьибди?», «Ихтибарсуз», «Ягьсуз», «Дерд», «К1ару уьмур», «Гьанда садакьа?», «Кьюб шейъ», «Этег мягьял». Л и р и к а й и н э с е р а р: «Жил'ин дивну гвар йифрин», «Яв кьувват», «Гюльзаман», «Гюльзамандиз», «Гъуншийин риш».
Шаирин уьмрикан ва яратмиш ап1барикан мялуматар.
Вахтарикан ва дуланажагъдикан вуйи шиърариъ касиб халкьдин гъагъи уьмур ва читин гьял улупуб, кюгьне уьмур танкьид ап1уб. Шиърариъ шаирин маллйирихьна, кентхудйирихьна ва девлетлуйирихьна вуйи даккнишин.
Шиърарин ч1алнан тясирлувал.
Литературайин теория. Лирикайин эсерарин жюрйирин гьякьнаан мялумат.
Даттил Уруж. “Я касиб”.
Шаирин уьмрикан ва яратмиш апӀбарикан мялуматар.
Шиъриъ касиб халкьдин гъагъи уьмур ва читин гьял улупуб. Шаири кюгьне уьмур танкьид апӀуб. Шиъриъ гележегдиъ халкьдин яшайиш ужуб ва акуб, зулумкрар имдарди азадуб шлуваликан вуйи шаирин инанмиш’вал.
Гъвандикк Жигер. “Аьхир диван шул паччагьдин”
Шаирин уьмрикан ва яратмиш апӀбарикан мялуматар.
Шиъриъ улихьдин дагълу халкьдиин зурвалар апӀури гьахьи гьякимдрарин хлихънар танкьид апӀуб, дурарин тямягькарвал, инсафсузвал улупуб ва пислемиш апӀуб. Гьюкмин аьхюр вуйи паччагьдин кавха хабардар апӀуб.
Эсерин художествойин хусусивалар, рефрендин метлеблувал. Литературайин теория. Метафорайин гьякьнаан вуйи аьгъювалар ккатӀарццуб.
Халагъ Мурадяли. “Гьарай, дустар, учвуз гьарай”
Шаирин уьмрикан ва яратмиш апӀбарикан мялуматар.
Шиъриъ гъагъи уьмри гъаллаж дапӀнайи шаирин аьжуз гьял, дугъан субайвал ва думу чан читин йигъкан инжиг духьнайивал улупуб. Дидиъ шаирин гъагъи уьмрихьна вуйи наразивал.
Шиърин чӀалнан тясирлувал.
Литературайин теория. Лирикайин эсерарин жюрйирин гьякьнаан мялумат.
К1ул'инди урхбан бадали:
Халагъ Мурадяли. “Сабур апӀин, Мурадяли".
Предметарин аьлакьйир. Дагъустандин тарих. Дагъустандин халкьар 15—18 аьсрариъ (V класс). Музыка. Табасаран.
БикӀбан ляхин.
Дагъустан халкьарин литературайиан.
Етим Эмин. “Агь, уьмур”,“Васият”.
Шаирин уьмрикан ва яратмиш апӀбарикан мялуматар.
“Агь, уьмур” шиъриъ шаири чан вахтниин рази дарувал улупуб. Гьадму вахтнан къанунсузвал, ихтиярсузвал ва гъагъивал ачухъ апӀуб. Шаирин думу уьмрихьна вуйи разисузвал.
“Васият”. Шиъриъ, гъагъи уьмриан иццру духьнайиган, чаина к1ул зигуз дяргъюрайи багахьлуйирикан рази дарувал улупуб. Шаирин уьмрикан ва ярар-дустарикан, багахьлуйирикан юкӀв ктабтӀуб.
Шиърарин чӀалнан тясирлувал ва гюрчегвал.
К1ул’инди урхбан бадали: Кьючхюр Сяид. “Klapy йигъ”.
Мунги Аьгьмад. “Къубачийин жигьил устйирин мяъли”, “РитӀишин”, “ЮкӀв хътарди лихру касар”.
Шаирин уьмрикан ва яратмиш апӀбарикан мялуматар.
Шиъриъ Дагъустандиъ гьацӀар чпиз ккуниси, хъа тмундар аьжузди яшамиш шулайи улихьдин уьмур пислемиш апӀуб. Халкьдин гъагъи гьялнан сурат улупуб.
Инхо Аьлигьяжи. “Гашун жанаврарси”.
Шаирин уьмрикан ва яратмиш апӀбарикан мялуматар.
Шиъриъ XIX аьсрин кьюбпи пайнаъ дагълу касиб нежбрарин яшайишдин гъагъи гьял улупуб. Шаири гьадму вахтна чӀуру аьдатар ва къайдйир пислемиш апӀуб. Эсериъ кечмиш духьнайи касдин багахьлуйирин тямягькарвал, дурари йитим бицӀидар тӀараш апӀуб. Шиъриъ диндин гъуллугъчйир пислемиш апӀуб, дураригъ кьюб маш гъяйивал улупуб.
БикӀбан ляхин.
1917—1945-пи йисарихъанмина вуйи табасаран литературайиан.
ЦӀийи табасаран литература арайиз гъюб.
Табасаран литературайин бина диву шаирар ва писателар: Абумуслим Жяфаров, Багьаудин Митаров, Манаф Шамхалов ва ж. Дурарин эсерариъ багъри Ватан, халкь азад хьуп'ин шадвал ва дамагъ апӀуб.
Табасаран литература цӀийи жанрйириинди (поэма, повесть, роман, пьеса ва ж.) девлетлу хьуб.
Ватандин Аьхю дяви ва табасаран литература. А. Жяфаровдин, Б. Митаровдин, М. Шамхаловдин, М. Митаровдин ва жара эсерариъ дявдин тема.
А. Жяфаров. “Закурин рякъ”.
Писателин уьмрикан ва яратмиш апӀбарикан мялуматар.
Повестдиъ дагълу гъулан уьмриз Ватандин Аьхю дявдин кьяляхъ йисари гъюрайи аьхю дигиш'валар улупуб.
Гъулаъ цӀийи рякъ ва гъяд тикмиш апӀуб. Урус инженер Сашайинна дагълу ветврач Гюльперийин суратар. Дурарин арайиъ айи рафтар. Жигьиларин хасиятарин лишнар: гьюрматлувал, кӀван ачухъвал, чпин ляхнихъ юк!в убгувал. Гюлперийиканна Сашайикан гъулаъ футнийир рагъуб. Марцци мюгьюббат вари читинвалариин гъалиб хьуб. ЦӀигьарин цӀийи жинс аргъаж апӀбакан вуйи Гюлперийин умудар.
Повестдин асас мяна.
Литературайин теория. Художествойин образдин гьякьнаан мялумат.
К!ул’инди урхбан бадали: А. Жяфаров. “Бегьерлу йис”.
И. Шагьмарданов. “ГвачӀиндин рякъюъ”.
Б. Митаров. “Гъалибвалин завар рахри”, “Гъургъушум убзри завуъ, убгура дюн’я”, "Душман терг апӀурхьа”.
Шаирин уьмрикан ва яратмиш апӀбарикан мялуматар.
Шаири чан эсерариъ Ватандин Аьхю дявдиъ ихь халкьари улупу гьунарар адлу апӀуб. Шаири гъанлу душмандиз абйириси дирбаш'валиинди йивуз, дугълан кьисас алдабгъуз дих апӀуб.
Шаирин шиърариъ ватанпервервалин гьиссар.
Шиърарин чӀалнан тясирлувал.
К1ул’инди урхбан бадали: 3. Дашдемиров. “Бабан дидар”, “Инсанар”.
М. Шамхалов. “Дагълариъ тӀуркӀбар”.
Писателин уьмрикан ва яратмиш апӀбарикан мялуматар.
“Дагълариъ тӀуркӀбар” "Женгчйир” повестдин кьюбпи китаб вуди хьуб. Повестдиъ дагълу уьлкейиъ халкьдин яшайишдиъ, дуланажагъдиъ, экономика ва культура за апӀбаъ гъягъюрайи аьхю ляхнар улупуб.
Дадашдин регьберваликкди аьсрариинди дагълуйириз гъурхулувал туври гъабхьи магъу дерейиъ яркьу, машинар гъягъру рякъ тикмиш апӀуб. Магъу дерейин сурат. Халкь эсерин асас игит вуди хьуб. Халкьдин образ.
БикӀбан ляхин.
Литературайин теория. Повестдин гьякьнаан мялумат.
К1ул'инди урхбан бадали: М. Шамхалов. “Гъи уьмрин шил дариз назук". М. Митаров. “Мурслариинди гъибикӀу уьмур”.
М. Митаров. “Ифдин гъарзар”.
«Ифдин гъарзар». Поэмайин дибдиъ халкьдин кьиса ади хьуб. Эсериъ ихтилат гъябгъюрайи тарихи вахт. Дидиъ ч!ат терефнан чапхунчйирихъди азадвал ва асиллу дарувал бадали гъубху гьякьлу женг улупуб ва халкьдин гьунар адлу апӀуб. Поэмайиъ живан дагълу балин образ. Дугъан багъри ватандихьна вуйи вафалувал, душмнарихьна вуйи даккнишин. Балин фикирлувал, гафнан учӀрувал ва мюгькамвал. Душмнарин вягьшивал ва инсансузвал. Халкьдин игитвалин аьжалсузвал.
Поэмайин чӀалнан хусусивалар. Дидиъ ктибтбан къайда. Поэмайин ччвурнан мяна.
И. Шагьмарданов. “Дявдин гвачӀин”, “Мюрхюн гьар”,
“КӀваин илмийиз”, «Гьаз-вуш аьхиримжи вахтна»
Шаирин уьмрикан ва яратмиш апӀбарикан мялуматар.
Шаири эсерариъ халкьди Аьхю дявдин гъагъи йисари уьлкейин азадвал бадали фашистарихъди гъубху гьякьлу женгнан суратар яратмиш апӀуб. Шиърариъ дявдин шиклар. Дявди инсанариз ва табиаьтдиз туву аьзабар. Гъанлу душмандиин гъалиб хьувалиин авторин инанмиш’вал. Гизаф миллетарин сабвал ва гьякьлу женгназ вуйи вафалувал. Фашизм нянатламиш апӀуб.
Эсерариъ шаирин ватанпервервалин гьиссар. Шиърарин чӀалнан хусусивалар (метафорйир, ташбигьар, жанлу апӀбар).
КӀул'иди урхбан бадали: П. Асланов. “Аьхюр”, "Ватан”
Ш. Къазиев. “Руг ва рюкъ”.
Шаирин уьмрикан ва яратмиш апӀбарикан мялуматар.
Поэмайиъ дагълу гъулан Ватандин Аьхю дявдин улихьна вуйи ва дявдин кьяляхъ вахт улупуб. Нежбрин зегьметнан гюрчегвал. Уьмриъ инсандин заан буржи, вазифа. Гьяснан образдиъ дагълуйириз хас вуйи хасиятнан лишнар: рягьимлувал, чан ляхнихъ юкӀв убгувал, чан инсанвалин вазифйир намуслуди тамам апӀувал.
Эсериъ дявдин шиклар. Дявди табиаьтдинна ва инсанариина гъахи аьзабар. Ислягь зегьметнан хутӀлар ва дявдин майднар улупуб, дурарин шиклариинди эсериъ дяви пислемиш апӀуб.
Поэмайин художествойин хусусивалар (жанлуапӀбар, ташбигьар, метафорйир, лирикайин улдучӀвбар, обращенйир ва ж.)
Поэмайиъ антитеза яркьуди ишлетмиш апӀбан метлеблувал.
К1ул’инди урхбан бадали: Ш. Шагьмарданов. “НитӀрихъ гъарзар”.
Аь. Салаватов. “Уьру партизнар”.
Пьесайиъ ватандаш дявдин йисарин гьядисйир улупуб. Дидиъ уьру партизнарин образар: Булат, Демир, Гъизтаман. Партизнарин хасиятарин лишнар. Дурарин халкьдин азадвал бадали гъабхурайи гьякьлу женгназ вуйи вафалувал.
Литературайин теория. Эсерин сюжет ва композиция.
Аткъай. «Уьмриз» , «Гьар» , «Сес ву ширин».
Шаирин уьмрикан ва яратмиш апӀбарикан мялуматар.
“Уьмриз” шиъриъ шаирин уьмрихъди вуйи рафтар. Зегьметнахъ, гьяракатнахъ юкӀв хьуб.
“Гьар” шиъриъ айи гьарин сурат. Дидин баб-жилихъди айи аьлакьа.
“Сес ву ширин..." шиъриъ шаирин шиърарихьна вуйи тӀалаб, дурарин заан метлеб ачухъ апӀуб.
К1ул’инди урхбан бадали: Ш. Къазиев. “Мани гъарзар". Р. Рашидов. “ЧӀивиб ригъдихьна гьачӀабккуру”.
X. Авшалумов. "Йиз душман — йиз гъунши”.
Гьикаяйиъ инсанарик кайи чӀуру хасиятар зегьмет дизригди гъазанмиш апӀуб нигь апӀуб.
Гамбаринна Сари-Самадрин къаматар.
Гьикаяйин художествойин кьат1'ивалар: игитри чав пислемиш апӀуб, мисалар ишлетмиш апӀуб ва эсериъ дурарин роль.
Гьикаяйин кӀулин фикир ачухъ апӀбаъ сатирайинна юморин метлеб.
К1ул’инди урхбан бадали: Ю. Базутаев. “Хулар”. А. Аьгьмедов. ГвачӀин”.
БикӀбан ляхин.
КӀваълан апӀбан бадали: “Табасаран”.
Кьалухъ Мирза. “Хандиз жаваб”.
Даттил Уруж. “Я касиб”.
Е. Эмин. “Васият”.
М. Чаринов. “Багъри уьлке” (урхурайидари чпи гъядягъну, 5—6 бенд).
Б. Митаров. “Гъургъушум убзри завуъ, убгура дюн’я”.
И. Шагьмарданов. “Дявдин гвачӀин” (3—4 бенд).
Ш. Къазиев. “Руг ва рюкъ" поэмайиан 5—6 бенд (Мялимдин теклифниинди).
Классдин гъирагъдиъ урхру эсерарин сиягь.
VIII класс
Табасаран поэзияйин антология (Мягьячгъала, 1980).
Халкьдин ирс. (Мягьячгъала, 1974).
А. Жяфаров. Лизи мужри ккайи хюрчабан.
М. Шамхалов. Женгчйир (Мягьячгъала, 1969).
М. Митаров. Накьишариъ айи уьмур (Мягьячгъала, 1978).
И. Шагьмарданов. Имам Шамил (Жилиз икрам, Мягьячгъала, 1997).
Мягьмуд. Марцц апӀурхьа му дюн’я, гъачай женгназ.
Батирай. Мяълийир кӀури шуйза.
Аь. Салаватов. Уьру партизнар.
Р. Гьямзатов. Ахвахдиъ.
Р. Гьяжиев. Дада ва дагълар.
Р. Расулов. ЧӀуру жихрар (Мягьячгъала, 1987).
Б. Ражабов. Ахсрар (Мягьячгъала, 1974).
П. Асланов. Бабан дих. (Мягьячгъала, 1987).
3. Дашдемиров. Йиз байвахт.
Ш. Шагьмарданов. Жилгъа. Йишван нивкӀ. Йишв. Хирижв ухдитӀан дубхьна суст (Жвуван рангар. Мягьячгъала, 1980).
Ш. Къазиев. Йиз багьри жил. Гъябкъюндарзуз дявдин инсафсуз суфат. ХутӀлин мяъли (Руг ва рюкъ, Мягьячгъала, 1982).
Ю. Базутаев. Зурначи. Ялхъван. Дюн'я ккебгъу йигъхъанмина... ФукӀа айкӀан суфратӀана жумартуб? (Сикинсузвал, Мягьячгъала, 1981).
3. Ханмягьмадова. (Нурарин гьир. Мягьячгъала, 1991).
Бахтлу рякъ. Табасаран шаирарин шиърарин гъварч Мягьячгъала, 1986).
Аьбду-Рягьим. “Умуд кайиз...” (Мягьячгъала, 1995).
М. Сефербегов. “Табасаран сягьна”. (Мягьячгъала, 1997).
Г. Уьмарова. “Шиърар”. (Мягьячгъала, 1998).
И. Шагьмарданов. «Деврин мукьам». (Мягьячгъала, 2011)
VIII классдиъ литературайиан мелзналан ва бикӀбиинди
гъахру ляхнарин асас жюрйир.
Художествойин, публицистикайин ва жара жюрйирин текстар адабхъну чкиди ва тясирлуди урхуб.
Эпосдин аьхю дару эсерарин вая эсерарин чӀукӀарин мяна мелзналан ва дибикӀну (изложение) ачухъ апӀуб.
Мелзналан саб шикил яратмиш апӀуб. Художествойин эсерар уйнамиш апӀуб.
Аьгъю апӀурайи эсериан мелзналан ва дибикӀну жвуван фикрариинди сочинение яратмиш апӀуб: суалназ ккатӀабццу жаваб тувуб, эсерин игитариз (к1ул’инди, тевну, группайиинди) проблемайин характеристика тувуб.
Жвуван мелзналан ва дибикӀну гъапибдин план дюзмиш апӀуб.
К1ул’инди гъурху литературайин эсериз, искусствойин жара жюрйирин эсерариз (эсерин игитарихьна ва гьядисйирихьна вуйи жвуван рафтар ачухъ апӀури) мелзналан ва дибикӀну кьимат (вая рецензия) тувуб.
Предметарин аьлакьйир. Табасаран чӀал. Хал-йишвкан ва табиаьтдикан вуйи материал ишлетмиш апӀури, хабар тувбан саягънан жикъи ва ккатӀабццу изложение бикӀуб (VI класс). Тарихнан, архитектурайин вая искусствойин, йишван памятникдин гьякьнаан жикъиди вая ярхиди изложение бикӀуб. Архитектурайин, тарихнан, искусствойин памятникдин ва эдебдинна эстетикайин гьякьнаан сочинение бикӀуб. Тувнайи темайиан хабар тувбан саягънан характеристика кайи сочинение бикӀуб (VIII класс).
Календарно-тематическое планирование
по родной (табасаранской) литературе
для 8-го класса
Всего часов – 68, 2 часа в неделю
Эсерар аьгъю апIбан бадали – 50 сяаьт.
ЧIал ккатIабццбан бадали – 8 сяаьт.
Классдин гъирагъдиъ гъурху эсерарин зиин сюгьбатар гъахбан бадали – 10 сяаьт.
| № п/п | Тема | Домашнее задание | Кол. часов | Число и месяц |
| 1 | КучIвбан дарс | Ктибтуб, 3-4-пи маш | 1 |
|
| 2 | XVII-XIX аьсрарин литература | 5-пи маш | 1 |
|
| 3 | «Бахтсуз» | КIваъланди 5-6-пи машар | 1 |
|
| 4 | «Табасаран» | КIваъланди 6-9-пи машар | 1 |
|
| 5 | Шиърарин чIал | 9-12-пи машар | 1 |
|
| 6 | Кь. Мирза. «Хандиз жаваб» | КIваъланди 13-14-пи машар | 1 |
|
| 7 | Кь. Мирза. «Ашукь бюлбюл» | КIваъланди 10-11-пи машар | 1 |
|
| 8 | Метафора | 11-12-пи машар | 1 |
|
| 9 | Д. Уруж. «Я касиб» | КIваъланди 12-13-пи машар | 1 |
|
| 10 | Гъв. Жигер. «Аьхир диван шул паччагьдин» | КIваъланди 14-15-пи машар | 1 |
|
| 11 | Х. Мурадяли. «Гьарай, дустар, учвуз гьарай!» | 5-6 бендкIваъланди, 16-17-пи машар | 1 |
|
| 12 | Х. Мурадяли. «Сабур апIин, Мурадяли» | 18-19-пи машар | 1 |
|
| 13 | Изложение. КучIал |
| 1 |
|
| 14 | Е. Эмин. «Агь, ихь уьмур» | 20-21-пи машар | 1 |
|
| 15 | Е. Эмин. «Васият» | КIваъланди 22-пи маш | 1 |
|
| 16 | М. Аьгъмад. «Кубачийин жигьил устйирин мяъли» | 23-24-пи машар | 1 |
|
| 17 | М. Аьгьмад. «РитIишин», «ЮкIв хътарди лихру касар» | 24-25-пи машар | 1 |
|
| 18 | И. Аьлигьяжи. «Гаш дубхьнайи жанаварси» | 26-27-пи машар | 1 |
|
| 19 | 1917-1945-пи йисарин табасаран литературайиан | Ихт. апIуб, 28-31-пи машар | 1 |
|
| 20 | Абумуслим Жяфаров | Ихт. апIуб, 32-34-пи машар | 1 |
|
| 21 | А. Жяфаров. «Закурин рякъ» | 34-54-пи машар | 1 |
|
| 22 | А. Жяфаров. «Закурин рякъ» | 54-68-пи машар | 1 |
|
| 23 | А. Жяфаров. «Закурин рякъ» | 68-80-пи машар | 1 |
|
| 24 | А. Жяфаров. «Закурин рякъ» | 80-93-пи машар | 1 |
|
| 25 | Художествойин образдин гьякьнаан мялумат | 94-95-пи машар | 1 |
|
| 26 | Б. Митаров. «Гъалибвалин завар рахри» | 4-5 бенд кIваъланди 96-99-пи машар | 1 |
|
| 27 | Б. Митаров. «Гъургъушум убзри завуъ, убгура дюн’я» | 99-100-пи машар | 1 |
|
| 28 | Б. Митаров. «Душман терг апIурхьа» | 100-105-пи машар | 1 |
|
| 29 | Манаф Шамхалов | 106-107-пи машар | 1 |
|
| 30 | М. Шамхалов. «Дагълариъ тIуркIбар» | 108-126-пи машар | 1 |
|
| 31 | М. Шамхалов. «Дагълариъ тIуркIбар» | 126-145-пи машар | 1 |
|
| 32 | Повестдин гьякьнаан | 145-146-пи машар | 1 |
|
| 33 | МутIалиб Митаров | 147-146-пи машар | 1 |
|
| 34 | М. Митаров. «Ифдин гъарзар» | 149-152-пи машар | 1 |
|
| 35 | М. Митаров. «Ифдин гъарзар» | 152-158-пи машар | 1 |
|
| 36 | М. Митаров. «Ифдин гъарзар» | 159-166-пи машар | 1 |
|
| 37 | И. Шагьмарданов. «Дявдин гвачIин»
| Шиир кIваъланди 167-169-пи машар | 1 |
|
| 38 | И. Шагьмарданов. «Мюрхюн гьар» | 169-170-пи машар | 1 |
|
| 39 | И. Шагьмарданов. «КIваин илмийиз» | 170-172-пи машар | 1 |
|
| 40 | И. Шагьмарданов. «Гьаз-вуш аьхиримжи вахтна» | 172-173-пи машар | 1 |
|
| 41 | П. Асланов. «Аьхюр» | 4-5 бенд кIваъланди 174-175-пи машар | 1 |
|
| 42 | П. Асланов. «Ватан» | КIваъланди 175-пи маш | 1 |
|
| 43 | П. Асланов. «Уву – дада, узу – яв бай» | 175-180-пи машар | 1 |
|
| 44 | Изложение. Сафар чешне |
| 1 |
|
| 45 | Ш. Къазиев. «Руг ва рюкъ» | 181-185-пи машар | 1 |
|
| 46 | Ш. Къазиев. «Руг ва рюкъ» | 5-6 бенд кIваъланди 185-189-пи машар | 1 |
|
| 47 | Ш. Къазиев. «Руг ва рюкъ» | 189-197-пи машар | 1 |
|
| 48 | Ш. Къазиев. «Руг ва рюкъ» | 197-211-пи машар | 1 |
|
| 49 | Ш. Къазиев. «Руг ва рюкъ» | 211-220-пи машар | 1 |
|
| 50 | Классдин сочинение. «Руг ва рюкъ» поэмайиан Гьяснан образ | Сочинение ккудубкIуб | 1 |
|
| 51 | Классдин гъирагъдиъ гъурху эсерарин зиин сюгьбат | Ш. Къазиевдин эсерар | 1 |
|
| 52 | Ккудушдар текрар апIуб |
| 1 |
|
| 53 | М. Чаринов. «Абйирин уьлке» | Шиир кIваъланди 221-223-пи машар | 1 |
|
| 54 | Ш. Шагьмарданов. «НитIрихъ гъарзар» | 4-5 бенд кIваъланди, 224-225-пи машар | 1 |
|
| 55 | Аьлим-Паша Салаватов. | 226-227-пи машар | 1 |
|
| 56 | Аь.-П. Салаватов. «Уьру партизнар» | 227-242-пи машар | 1 |
|
| 57 | Аь.-П. Салаватов. «Уьру партизнар» | 242-254-пи машар | 1 |
|
| 58 | Эсерин сюжет ва композиция | 255-258-пи машар | 1 |
|
| 59 | Аткъай. «Уьмриз» | 4-5 бенд кIваъланди 259-261-пи машар | 1 |
|
| 60 | Аткъай. «Гьар» | 261-пи маш | 1 |
|
| 61 | Аткъай. «Сесву ширин – юруш уткан» | 262-пи маш | 1 |
|
| 62 | Хизгил Авшалумов | 263-264-пи машар | 1 |
|
| 63 | Х. Авшалумов. «Йиз душман – йиз гъунши» | 264-269-пи машар | 1 |
|
| 64 | Ю. Базутаев. «Хулар» | 270-275-пи машар | 1 |
|
| 65 | Ю. Базутаев. «Хулар» | Суалариз жавабар тувуб | 1 |
|
| 66 | А. Аьгьмедов. «ГвачIин» | Шиир кIваъланди, 276-пи маш | 1 |
|
| 67 | Классдин гъирагъдиъ гъурху эсерарин зиин сюгьбат | А. Аьгьмедовдин шиърар | 1 |
|
| 68 | Ккудушдар текрар апIуб |
| 1 |
|
8-пи классдиъ классдин сочиненйир – 1.
Хулан сочиненйир – 1.
Сочинениейин тахминан кьадар – 2,5 –3 маш
271
141 021 
