Сагаалганай уреэлнууд

Сагаалганай уреэлнууд

1. Сагаан hараар, Сагаалганаар!
   Сарюун дорюун үбгэд, хүгшэд!
   Сасуу олон үеын нүхэд!
   Сагаалганай амар мэндэ!
   Жэл бүхэндэ жэгдэ амгалан,
   Он бүри омог дорюун,
   Олон жэлдэ олошорон байхадаа,
   Одоо жаргал эдлэхэбди бултадаа!

1. Сагаан hараар амаршалан
   Зол жаргалтай, буян хэшэгтэй
   байхыетнай хусэнэбди!
   Гай гашуудалда дайрагдангуй
   сэдьхэл ба бэетнай элуур энхэ байг!

1. Сагаан hараар амаршалан,
   Гэрээр дүүрэн аза жаргалтай,
   Аягаар дүүрэн эдеэ сайтай,
   Табагаар халима сагаан эдеэтэй,
   Жаргалтай, баян бардам
   hуухатнай болтогой!

1. Бадарһан зулын гэрэл мэтээр,
   Баглаа сэсэгэй үнгэ мэтээр,
   Бурхан багшын боди
   сэдьхэлээр,
   Буянтай, хэшэгтэй бултадаа
   һуухамнай болтогой!

1. Эхэ газартам, эсэгэ дэлхэйдэм,
   Буряад орондом, бууса тоонтодом
   Буужа ерэбэш даа Сагаан hарамнай,
   Нэгэ наhа нэмээжэ ерэбэл даа,
   Угай заншалаар угтахабди даа.
   Арад зоноо амаршалнаб даа
   Сагаан hараар, Сагаалганаар.

1. Саган hара сэлмэжэ
   Сагай байдал хубилба.
   Сагаан эдеэн дэлгэржэ
   Сагаалгамнай эхилбэ!
   
   Yнгын сэсэгүүд hалбаржа,
   Ургэн талые гоёог лэ.
   Таряан ногоон эбхэржэ
   Тарган жэл орог лэ!

1. Хэжэ ябаhан хэрэг, ажал хүдэлмэритнай,

Һанажа ябаhан

Һайхан зориг бодолнуудтнай

Алтан дэлхэйдэ

Амжалтатай байг лэ хододоо!

1. Хүдэлhэн газартаа хүндэтэй,

Ябаhан газартаа ямбатай,

Һураhан газартаа hурагтай,

Һайн hайхан жаргажа,

Барандаа ябаял даа!

***

10. Буян хэшэгтэй ханилжа,

Уян сэдьхэлтэй ябагты.

Хатуу зориг барижа,

Хамаг бэрхэшээл дабагты.

***

11. Мүнгэн шэнги мүнхэ наhатай,

Утаhан шэнги ута наhатай ябагты.

Хурса нюдэтэй,һонор ухаатай, хурдан хүлтэй,

Сарюун, задарюун зангаараа хүгшэрөөрэйгты

Yрхөөртнай наран орог,

Yүдээртнай үбгэд орог. 

Булта: Шэнэ жэлээр!

Шэнын нэгээр!

Сагаан հараар!

Сагаалганаар!