| Тәрбие сағатының тақырыбы | “Саналы ұрпақ-жарқын болашақ”
|
| Уақыты | 02.09.19 |
| Сыныбы | 10в |
| Тәрбие сағатының мақсаты: | Өскелең ұрпақты білім беру ұйымдарындағы сыбайлас – жемқорлыққа қарсы бағыттау, білімге құштарлығын қалыптастыру және жаңа оқу жылының алдында мереке атмосферасын құру, жаңа оқу жылында жақсы оқуға мотивация беру |
| Күтілетін нәтиже: | Оқушыларды адал жолмен жүруге, адалдыққа баулу сыбайлас – жемқорлық туралы ойлары толық қалыптастыру оқушылар топта бірлесіп жұмыс жасауға үйрете отырып, идеяларымен жұмыс жасауға дағдыландыру барлық оқушылардың пікірін тыңдау, бір-біріне қолдау көрсетуді үйрету |
| Тәрбие сағатын өткізу әдістері: | Видеоролик «Комплимент сыйлау» тренингі “Сұрақтар үндейді” ой-толғау 1001 мақал Топтық жұмыс |
| Ресурстар: | Филипчарт қағаздары, суреттер, интербелсенді тақта |
| Барысы: Ұйымдастыру «Комплимент сыйлау» тренингі | Оқушылармен амандасып, жаңа оқу жылымен құттықтау. Жаңа оқу жылына сәттілік тілеу. Оқушылар шеңберде тұрып, бір-біріне комплимент айтады. | 3 мин |
| Топқа бөлу «Топтасайық» | Тақырыптық суреттер бойынша 3 топқа бөлу
Топтың атаулары: «Тәрбие», «Адал» және «Білім» “Сана” ұғымына ассоцация жасату | 2 мин |
| Бейнеролик көрсету «Саналы ұрпақ-жарқын болашақ» | Оқушыларға интербелсенді тақтадан бейнеролик көрсетіледі. https://www.youtube.com/watch?v=Nk-gbB0uWJQ Видео ролик бойынша ой-талқы | 5 мин |
| Ой қозғау «Сұрақтар үндейді» | - Бейнероликтен не байқадық? - Не үшін бұл бейнероликті алдық деп ойлайсыздар? - Сыбайлас –жемқорлықтың зардабы қандай? - Мұғалімге мерекелерде гүл шоқтарын сыйлау жемқорлыққа жатады ма? - Жоғарғы оқу орындарында білім алушылар, емтихан уақытында оқытушыларына үстел жасаса, бағалы сыйлық әперсе, жемқорлыққа жатады ма? - Пара мен сыйлықтың айырмашылығы қандай? - “Саналы ұрпақ – жарқын болашақ” неліктен білім беру ұйымдарына арналған? | 5 мин |
| Тақырыпты ашу «Есіңде болсын» | Үкілі үміт таймасын халқым басыңнан,
Мол бақыт күтем жас ұрпақ сеннен жасырман.
Басқаны қайдан ұлылық күтем өз басым,
Басталған мынау бәйтерек жаңа ғасырдан.
Кез келген ел өзінің келешегін өскелең ұрпағымен байланыстырады.Әр ұрпақтың пешенесіне жазылған заман ағымы, кезең тынысы болады. ХХІ ғасыр бүгінгі ұрпаққа, яғни біздерге бұйырған бақыт.
«Қазір бой жарыстыратын заман емес,ой жарыстыратын заман” Н.Ә.Назарбаев Ел боламын десен, бесігіңді түзе,-дегендей,еңсесін енді ғана көтеріп келе жатқан біздің еліміз үшін дарынды, білімді, жігерлі ұрпақтардың орны бөлек қой. Ал барлық жігер, қайрат, еліміздің болашағы тек жастардың қолында.
Елбасымыздың Халыққа Жолдауында: Біздің ұрпақ алдында бабалар қол жеткізген игілікті сақтау, қайта қалпына келтірілген мемлекетімізді нығайту және дүниежүзілік қауымдастық талаптарына сай жаңа сапалық деңгейге көтерілу
міндеті тұр,-деп , жастарға зор сенім мен үміт артып отыр.
Жастар-болашаққа апаратын алтын көпір»,- дейді дана халқымыз. Әрбір өскелең ұрпақ жеке қабілетіне және кәсіби біліміне сай қоғамымызда өз орнын табуы қажет.Біздің әлеуметтік- экономикалық даму жолындағы қарқынымыз, жастардың қоғамдық – саяси өмірдегі ұстанымына олардың ертеңгі күнге деген сенімі менбелсенділігіне тікелей байланысты. | 3 мин |
| “1001 мақал” | Ұрпағымыз саналы болуы үшін тәрбие де, білім де, адалдықта маңызды дүниелер. Ендеше, осы бағытта әр топқа қойылған мақалдың жалғасын тауып көріңіз. «Тәрбие» тобына қойылатын мақал-мәтел. Үлкенді сен сыйласаң, кіші сені сыйлайды,
(Кіші сені сыйласа, кісі сені сыйлайды.) Әдепті бала – арлы бала,( әдепсіз бала – сорлы бала. ) Балапан ұяда не көрсе,
(Ұшқанда соны алады. ) Ағаштан ағаш сәнін алады,
(Адамнан адам тәлім алады.) Тәрбиелі адам (тағаланған атпен тең.)
«Адал» тобына қойылатын мақалдар. Адалдық — ардың ісі.(Ауырды көтеру-нардың ісі) Адалдық жүрген жерде, (адамдық жүреді.) Ағын су жолын табады, (ақ адам оңын табады) Арамдықты адалдық жеңеді, (жамандықты адамдық жеңеді) Ақыл — жас ұланнан, (Жүйрік — тай құнаннан.)
«Білім» тобына қойылатын мақалдар Өз білмегеніңді кісіден сұра,(Үлкен жоқ болса кішіден сұра.) Білім гауһар, бағасы жоқ. (Надандық кесел, дауасы жоқ.) Ақыл - тозбайтын тон,(Білім – таусылмайтын кен.) Оқу - білім бұлағы, (Білім - өмір шырағы.) Білімдіге дүние жарық, (Білімсіздің күні қаріп.) | 5 мин |
| Топтық жұмыс
| “Саналы ұрпақ – жарқын болашақ” жобасы аясында қандай шара ұйымдастырар едіңіз? Әр топ өз жұмыстарын презентациялайды. | 10 мин |
| Рефлексия «Екі жұлдыз, бір тілек» | Топтар бір-бірін бағалайды. | 4 мин |
| Қорытынды | Тәуелсіз еліміздің туын, мәртебесін жоғары көтеріп, дамыған 50 елдің қатарына енуі үшін ең алдымен білімді де саналы ұрпақ өсуі қажет.
Сол ұрпақ біздің болашағымыз сендерсіңдер.Әрқашанда «Ұлт болашағы білімдініңқолында» екенін ұмытпағандарыңыз жөн. «Бүгінгі білім – ертеңгі байлығымыз» ХХІ ғасыр – білім ғасыры. Өткенімізді білетін, бүгінімізді түсінетін, ертеңімізге сеніммен қарайтын азамат болыңдар! Құрметті оқушылар әрқашанда адамдық жақсы қасиеттерді сақтап,мақсаты нәтижелерге жету үшін,өз мүмкіншіліктеріңмен жетуге тырысыңдар . | 3 мин |
213
158 100 
