Санариптештирүүгө менин салымым

Санариптештирүүгө менин саламым

Бүгүн информация доору укмуштуудай тездик менен өсүп жаткан кез. Ал эми учурдун талабына жооп берүү информациялык технологиянын жардамысыз ишке ашышы эч бир мүмкүн эмес.

Билим берүү тармагында, мектепте окуучуларга сабак өтүүдө биз мугалимдер ар түрдүү интерактивдүү ыкмаларды колдонуп келебиз. Интерактивдүү окутууга тиешелүү болгон багыттардын бири болуп, мугалим менен окуучунун өз ара аракттенүүсүнүн өрчүшү эсептелет. Мында окуучулардын активдүүлүгү өсөт, ал эми мугалим ошол активдүүлүк үчүн шарт түзүп берет. Мугалимдин ушундай шарт түзүп берүү ыкмаларынын бири катары мен окуучулардын билимин баалоону онлайн тест аркылуу жүргүзүүнү эсептейм.

Бүгүн бешиктеги баладан тартып, жашы өйдөлөп калган аксакалдарга чейин колубуздан смартфон түшпөй калгандыгы эч кимди таң калтырбайт. Ошондуктан бул куралды биз окуучу үчүн пайдалуу багытка бурушубуз керек. Бул максатта онлайн тест түзүп, балдардын билимин ошону менен бааласак, мугалимдер убакытты алда канча эффективдүү пайдаланган болоор элек, ал эми окуучу өз кезегинде колундагы телефонду максаттуу нерсеге керектеген болот деп эсептейм. Мен азыр баалоонун ушундай ыкмасын жактырып, интернеттин, атайын программалардын мүмкүнчүлүктөрүнөн пайдаланууну үйрөнүп, бош убактымды ушул маселени чечүүгө жумшап келем.