Сказка. Тигр. Р.Турумтаева.

Юлбары ҫтың юрғаны

Рәмилә Торомтаева

Юлбарыҫҡа ни булған ? Ни ңә иларға булған ?

― Ю ғалды, ― ти, ― ҙур юрған, Ябынып йоҡлай торған.

Юлбарыҫтың юрғанын

Эҙләп-эҙләп тапманыҡ.

Табалмағас юрғанды

Йоҡларға ла ятманыҡ.

Юлбарыҫтың юрғаны

Әллә ҡайҙа юғалған.

Әйтерһең дә юрғаны

Бер ҡасан да булмаған.

Елгә осҡанмы әллә ?

Һыуға аҡҡанмы әллә?

Бер януары яңылыш

Утҡа яҡҡанмы әллә?

Әйттек айыуға барып,

Әйттек бүрегә барып,

― Юлбарыҫтың юрғанын

Тиҙ(е)рәк бирегеҙ табып !

Килде айыу үкереп,

Килде бүре екереп,

Килде ҡуян һикереп,

Сәсәй-сәсәй төкөрөп.

Һоранылар алмашлап,

Көйгә һалып һалмаҡлап :

― Япраҡтанмы юрғаның ?

― Тупраҡтанмы юрғаның ?

Юлбарыҫ аптыраны,

Кәрәк нәмә таптырамы ?

Юрғанһыҙ булмай мәгәр,

Өшөнө, ҡалтыраны.

Үҙе килде һығымта,

Табылмағас, эҙләп тә,

― Юлбарыҫта юрғандар,

Булдымы һуң, туғандар ?

Йыйылдылар хайуандар,

Һыртҡа ҡойроҡ һалғандар.

Юлбарыҫтан көлдөләр:

«Ниндәй юрған ?» ―тинеләр.

Ҡапыл тымды Юлбарыҫ,

Һораны ул ялбарып:

«Ҡойроғоммо юрғаным,

Йылы һаҡлай торғаным ?»

Баш ҡаҡтылар хайуандар,

« Иҫәр икән,һин, януар.

Яҫтыҡ― беҙҙең ҡолаҡтар,

Юрған ―беҙҙең ҡойроҡтар.»