Сочинение ученицы на тему"Профессия учителя"

Сочинение

Муаллим касбу – сыйлы касбу

Дюньяда тюрлю-тюрлю касбулар бар. Шоланы арасындан муаллимлени касбусу – лап да къыйын касбу.

Муаллимлер яш наслуну яшавгъа гьазирлей, олагъа терен билим бере, гьар яшны тюз ёлгъа салма къарай.

Ол оьзюню ишинде нече тюрлю къыйынлыкълагъа, сююнчлеге ва уллу тюрленивлеге( алышынывлагъа) къаршылаша.

Тюзю, шолардан оьтмек учун кеп сабурлукъ, чыдамлыкъ, усталыкъ тарыкъдан къайры, табиат берген пагьмулукъну да къошса, арив болур.

Муаллимлер яшланы экинчи анасы яда атасы десе де ярай.Олар гьар охувчугъа оьзюню яхшылыгъын, билимин, гьакъылын бермеге къарай. Гьар охувчуну гьалын, хасиятын билип, оланы кемчиликлерини уьстюнде ишлей.

Яш наслу тарбиялансын, охусун-оьрленсин учун , халкъына пайдалы болсун учун муаллимлер гьаракат эте.

Кёбюсю муаллимлер тарбия ва билим беривню янгы къайдаларын ахтара, оьзбашына ишлей.

Муаллимлеге ата-аналар да кемек этме тарыкъ.Билим, тарбия биринчи ерде болма тарыкъ экенни оларяшларына даим англата турма герек.

Билимли адамны иши тюзелир.

Тарбиялы адам халкъ арада сыйлы болур.

Артдагъы йылларда муаллим касбугъа гьукумат кеп тергев бере.Олар учун тюрлю-тюрлю конкурслар, байрамлар, конференциялар оьтгериле.

Муаллим касбу - къыйын буса да, лап сыйлы касбу деп ойлашаман.Мени биринчи муаллимим – Умужат Абдурагьмановна.Ол бизин охума-язма, тарбиялы болма, рагьмулу болмагъа,бир-биревге кёмек этмеге уьйретген.

Сонг 5-нчи класдан тутуп бизге ана тилден дарс береген муаллимим – Эльмира Халилибрагьимовна.

Ол бизин адабият тилде сёйлеме уьйрете, яратывчулукъ ишлерибизни район ва республика газетлени бетлеринде чыгъарма кёмек эте.

Школабызны директору, оьзю де ана тилден дарс береген сынавлу муаллим Магьаммат Аминович школабызны оьрлюклеге етишдирди.

Рус тилден ва адабиятдан дарслар береген Умуханум Исматуллаевна, гьисап дарсдан къыйынлы мисалланы чечмеге уьйретеген Разият Арсланалиевна,биология дарсланы сырларын билдиртеген Кумсият Садрутдиновна, рус адабият дарсланы къужурлу юрютеген Марианна Абдуллаевна ва Зумруд Османовна, физика илмуну гьакъында билим алдыртагъан Наргиз Шамсутдиновна, къумукъ адабиятдан къужурлу ёлугъквлар оьтгереген Зайнарбек Курбаналиевич, химия дарсланы уьлглерин герсетип бажарагъан Абдусалам Рукъманович ва башгъалары.

Мен бары да муаллимлеге къатты савлукъ ва сабурлукъ, узакъ оьмюр, гьакъыллы ва рагьмулу охувчулар, иш ёлунда уллу уьстюнлюклеге етишмеге насип ёрайман.

Боватова Шевлеханум / муаллим Исаева Э.Х -ны охувчусу/