"Сөйлейтін текше" дидактикалық ойын.

Іс-әрекет кезеңдері

Тәрбиешінің іс- әрекеті

Балалардың іс-әрекеті

Мотивациялық- қозғаушылық

Шаттық шеңбері:

Қане, қане тұрайық,

Үлкен шеңбер құрайық

Тұрсақ, егер шеңберге

Алақанды ұрайық.

Сол жақтағы балаға.

Шапалақта, шапалақ,

Шапалақта шапалақ.

Шаттық шеңберін құрады. Қимыл қозғалыспен көрсетеді.

Ұйымдастыру-іздестіру

Топқа суреттер жапсырылған екі текшені әкелу. Балаларға текшелердің сиқырлы екендігін айту. Бірінші текшені айналдырып айту:

Айналдырып текшені

Біз атаймыз бейнені, -

Балаларға бірінші текшенің қырларына жапсырылған суреттерді көрсету.

(алма, қуыршақ Әйгерім, әже, аю).

− Мынау кім?

− Әйгерім қандай ?

− Әйгерім ән айтқанды жақсы көреді. Кәне, Әйгерімнің әнін естеріңе түсіріңдер.

− Мынау кім?

− Бұл Әйгерімнің әжесі ме?

− Мынау не?

− Сендер алманы жақсы көресіңдер ме?

− Мынау не?

− Балалар, аю- Әйгерімнің сүйікті ойыншығы. Кәне, аюдың әнін есімізге түсірейік.

− Кәне, барлығымыз Әйгеріммен аюдың әндерін қайталайықшы.

Екінші сиқырлы текшені балаларға көрсетіп оны айналдырып:

Айналдырып текшені

Біз атаймыз бейнені,- деп айтады. Балаларға екінші текшенің қырларына жапсырылған суреттерді көрсете отырып, не бейнеленгендігін сұрау.

(өрік, Өркен, ою, орындық).

− Мынау кім?

− Өркен қандай бала?

Жақсы бала ма?

− Мынау не?

− Өріктің дәмі қандай?

− Өркен өрік жегенді жақсы көреді. Мынау не?

− Өркен әжесінен көрген оюларының суреттерін салады.

− Мынау не?

Өркенге орындықты көкесі жасап берді. Әйгерім Өркеннің оюларын көргенде «о-о-о-о»,- деп таңқалады. Ал Өркен өрікті жегенде «ө-ө-ө-ө»,- деп тамсанады. Кәне, бәріміз Әйгерім сияқты таңқалып, Өркен сияқты тамсанайық.

Сергіту жаттығуы:

Өркен өсіп келеді,

Өрікті жақсы көреді.

Өрік жеген балалар,

Көрікті боп өседі.

Тақпақтағы «ө» дыбысының айтылуын нақтылау және бекіту.

Жаттығудан кейін «Бұл қай дыбыс?» дидактикалық ойынын ұйымдастыру.

-Айналдырып текшені

Біз атаймыз бейнені, - деп қайталайды.

− Бұл - Әйгерім.

− Әйгерім әдемі.

− «Ә-ә-ә-ә».

− Мынау әже.

− Иә, бұл Әйгерімнің әжесі.

− Бұл алма.

• Ия

− Бұл аю.

− «А-а-а-а-а»,- деп ән айтады.

− Балалар «а» және «ә» дыбыстарын қайталайды.

Балалар да қайталайды.

− Бұл - Өркен.

− Өркен жақсы бала.

− Бұл - өрік.

− Өрік тәтті.

− Бұл - ою.

− Бұл орындық.

Балалар «о» және «ө» дыбыстарын қайталайды.

Сергіту сәтін орындайды.

Қимылмен көрсетеді.

Ойын ойнайды.

Рефлексивті - түзетушілік

Ұйымдастырылған оқу қызметін қорытындылау. Балаларға ұйымдастырылған оқу қызметі бойынша сұрақтар қою. Балаларды мадақтау.

Қойылған сұрақтарға жауап береді