Сценарий торжественной общешкольной линейки "Последний звонок" на крымскотатарском языке

«СОНЪКИ ЧАНЪ» байрамынынъ сценариясы

2019 сенеси

Алыпбарыджы: Мераба, эй, юрткъа кельген янъы несиль, мераба!

Мераба, эй, баарь киби янъы несиль, мераба!

Ана юрта бильги алгъан бахтлы несиль, мераба,

Ант этмеге меиль берген антлы несиль, мераба!

Алыпбарыджы: Мерабанъыз, мухтерем мусафирлер, урьметли оджалар, азиз талебелер! Анъаневий гузель мектеп «Сонъки чанъ» байрамына хош кельдинъиз!

Алыпбарыджы: Дюльбер гогерджиндай, кокке авеле,

Семалы бойдан-бой толмай кезип чыкъ.

Бизден селям сёйле дост ве эшлерге.

Бизим мезунларгъа ёл ачыкъ!

Алыпбарыджы: 9 сыныф талебелерини давет этемиз! Оларнынъ арасында да чокъусы талебелер мезун сайыла, чюнки олар мектепни битирип, башкъа окъув юртларгъа окъумагъа кетеджеклер. Келинъиз, къаршылайыкъ.

Алыпбарыджы: 9-А сыныфы – Аблякимова Эсанна Сейрановна

9-Б сыныфы - сыныф-рехбери Сеит-Джелиль Леняра Абдураимовна

9-В сыныфы – Булыжникова Нина Валерьевна

11-А сыныф. Багъчасарай шеэри 5 умумтасиль мектебининъ 11 сыныф талебелер, гузель мезунларымызны мейдангъа давет этемиз! Къаршыланъ!

11-Б сыныф. «Сонъки чанъ» тедбиримиз ачыкъ деп илян этиле!

«Сонъки чанъ» - окъув йылы сонъунъынъ темсилидир!

Алыпбарыджы: Дикъкъат, гимнлер янгъырай .

1. Гимн РФ

2. Гимн РК

3. Гимн Къырым

Алыпбарыджы: Бугуньки байрамны бизлернен берабер къайд этелер

(мусафирлернинъ адлары бирер-бирер айтыла)

Алыпбарыджы: Сагъ олсун миллий мектеп –

Илим чокърагъыдыр.

Мында бильгилер алып

Аякъта чыкътынъыз.

Алыпбарыджы: Сайгъылы мезунлар, башлангъъыч сыныф балачыкълары сизге даа бир бахшыш азырладылар. Къабул этинъиз! «Яш несиль» ансамбльнинъ оюнджыларыны къаршыланъыз.

«Къырым-дженнет ери» оюны

Алыпбарыджы: Сёз………………………………………………………бериле

Алыпбарыджы: Бу мектепнинъ буюги кимдир?

Ким эр шейге джевап бере?

Мудир – бу сёзни эпимиз билемиз

Сёз бермеге теклиф этемиз!

Алыпбарыджы: Сёз мектеп мудири Куртаметова Диляра Фахриевнагъа бериле.

Алыпбарыджы: Мейдангъа бу мерасимнинъ энъ дюльбер, энъ сайгъылы, энъ азиз, энъ севгили себепчилери давет этиле! 11 сыныфлар! Буюрынъыз!

(Мезунларнынъ чыкъышы)

Сулейман:

Айтса, мектеп, нелер олды,

Не ичюн козьлерим яшлана?

Билемки мен- балалыкъ битти,

Янъы омюр башлана.

_______________________________________________________

Мерьем: Сагълыкънен къал, бизим мектеп

Къушлар уча ювадан

Омюр ёлгъа чыкъамыз биз,

Озгъар бизни къапудан.

Алыпбарыджы: Мейдангъа 11 сыныф реберлери Алексей Николаевич ве Надиде Дарвиновна талебелеринен берабер дюльбер шарларны кокке учараджакълар.

Алыпбарыджы: Бу шарлар балалыкъ темсилидир! Бу шарларнен берабер бутюн мезунларнынъ арзулары ве ниетлери да учып, ерине кельсин! Мектпни битирип, тюрлю ерлерге кетсенъиз де эр даим берабер олунъыз!

Включается музыка

Алыпбарыджы: Мезунларымыз да бу шарлар киби мкъсадларына енгиль иришсинлер!

Алыпбарыджы: Бугунь мектепте аджайып байрам,

Эписи шенъленелер.

Мусафирлер, оджалар

Мезунларнен севинелер.

(флеш-моб)

Алыпбарыджы: Бугунь бизде буюк байрам,

Юзьлерде корюне гъам.

Бугунь мезунлар ичюн,

Къакъыладжакъ сонъки чанъ.

Алыпбарыджы: Бизим 11 сыныф талебелери ичюн сонъки чанъ янъгъырайджакъ! Сонъки чанъ къакъмакъны 11 сыныф талебелерини давет этемиз! Буюрынъыз мезунлар!

Алыпбарыджы: Эр бир мезун ичюн бу чанъ – сонъки оладжакъ!

(чанъ къакъыла)

Алыпбарыджы: Хоран оюны булунсын! Хоран тепильсин!

Адет узьре мезунларымыз хорангъа чыкъсын!

(хоран оюны)

Алыпбарыджы: Бу къуванчлы байрам куню,

Шенъ-шерамет кечмекте

Он алты яшлы балаларны

Озгъарамыз мектептен!

Алыпбарыджы: Мезунларымызны бу «Сонъки чанъ» байрамындан озгъарайыкъ! Хайырлы ёллар олсун!

Алыпбарыджы: Сагълыкънен къал, гузель мектеп!

Санки тувгъан эвимиз.

Джандан севген мураббие,

Ана киби эдинъиз.

Алыпбарыджы: Мезунлар! Алла сизге къавий сагълыкъ, узакъ омюр, къуванч куньлер, аилевий бахт берсин! Бутюн ёлларынъыз ачыкъ олсун!Сагълыкънен барынъыз! Огъурлы ёллар олсун!

Алыпбарыджы: «Сонъки чанъ» тедбиримиз сонъуна кельди! Сагълыкънен барынъыз, сайгъылы талебелер, мусафирлер!

Алыпбарыджы: Оджаларны исе мектеп залына озь хайырлавларны багъышлангъан мерасимге давет этелер. Буюрынъыз!

3