Сызықтық программалау

11 – сабақ   

сыныбы____ күні  _______ Пән мұғалімі  ________________

Сабақтың тақырыбы:        Сызықтық программалау

Сабақтың мақсаты:              

 Білімділік   - Visual Basic программалау тілінің код терезесімен таныстыру, негізгі элементтерімен  таныстыру, оны іске қосуды, сызықтық программаларды жазу үшін арнайы командаларды жазуды үйрету.

Дамытушылық – Оқушылардың Visual Basic программалау тілімен жұмыс істеуін, ізденімпаздық дағдыларын қлыптастыру, зейінін, ынтасын дамыту  .

Тәрбиелік –  Жауапкершілікті сезінетін өнегелі жеке тұлғаны тәрбиелеу, өз алған білімдерін қолдана алу дғдысын қалыптастыру.

Сабақтың түрі:   Аралас сабақ

Сабақтың әдісі:    Демонстрациялап отырып баяндау

 Сабақтың көрнекілігі:  графопроектор, плакаттар, компьютер

 Сабақтың барысы

Ұйымдастырылу кезеңі

• оқушылармен сәлемдесу

• келмеген оқушыларды белгілеу

• сабаққа дайындығын, құралдарын тексеру

Үйге берілген тапсырманы сұрау

1. 1. Visual Basic тілі қандай программалау тіліне жатады,
   2. Visual Basic тілінің қазіргі кездегі кең қолданыстағы нұсқасы?
   3. Visual Basic тілін іске қосудың қанга нұсқасы бар, оларды айтып бер.
   4. Басты панель терезесінің құрылымы?
   5. Жаңа жобаны қалай құрамыз?

Жаңа сабақ түсіндіру

Сызықтық программалауды орындау үшін ең алдымен Код терезесіне тоқталып кетейік. Visual Basic 6 ортасында программаны жазу арнайы Программалық код терезесі немесе жай ғана код терезесі деп аталатын терезеде жазылады. Жасалып жатқан қосымшада , яғни жобада  қолданылатын әр пішіннің өзінің программалық код терезесі болады.

             Код терезесі дегеніміз программаның бастапқы кодын ендіретін ыңғайлы құралдары бар, орналастырылған қуатты редактор.

Код терезесін былайша жазуға болады: 

• Жобаның басты панеліндегі Түрі (Вид) мәзірінің код командасының көмегімен;
• Жоба сілтеуіші (Проводник проекта – View Code) батырмасын шешу арқылы,
• Пішім терезесіндегі кез келген обьектіні екі рет шерту арқылы;

Код терезесінің жоғарғы жағында, яғни тақырып қатарының астынан бірден сіз тізімі бар екі терезені көресіз. Олардың әрқайсысы бір қатармен көрсетіледі. Терезенің оң жағындағы стрелка батырмасын басу арқылы тызымды ашуға болады. Программалық код терезесі алғаш рет ашылғанда бірінші тізімді General сөзі, ал екінші тізімді Declarations сөзі шығады. Обьект және оқиға таңдалғаннан кейін әлгі сөздердің орнына таңдалынған обьектінің және оқиғаның аттары жазылады.

Бірінші тізім – бұл жобадағы обьектілер тізімі. Бұған General элементі жатпайды, өйткені ол обьект емес, барлық обьектілерге қатысы бар программаның жалпы бөлімінің аты.

Екінші тізім – бұл бірінші тізімде ерекшеденген обьектілер үшін процедуралар тізімі. Бұған Declarations сөзі жатпайды өйткені ол процедура емес, барлық процедураларға қатысты жалпы сипаттамалар бөлімінің аты.

Программалаушы обьектіні және оқиғаның атын таңдағаннан кейін  Visual Basic 6 ортасы процедураның тақырыбын және оның аяқталуын білдіретін қызметші сөздерді автоматты түрде жазып, программалаушы адамның жұмысын көп жеңілдетеді, яғни программалаушы адам тек процедураның денесін ғана жазады.

Процедураны тек бір пішімнің ішінде жариялау оның тақырыбында Private (жабық) қызметші сөзін жазу керек, ал процедураны бір ғана емес бірнеше пішімде жарияланатын ету үшін   Public (көпшілік) қызметші сөзін жазу керек, одан соң программаны процедура түрінде жариялау үшін  Sub (бағыныңқы) сөзі жазылады.

Command1_Click() – бұл процедураның аты. Мұндағы:

• Command1 – обьектінің аты;
• Click – оқиғаның аты;
• () – айнымалылар сипатталатын орын,

End Sub  - процедураның аяқталатының білдіретін қызметші сөз.

Visual Basic 6 ортасы кейбір оқиғаларды  таңдағанда сол оқиғаларға байланысты қолданылатын айнымалыларды жақшалар ішіне өзі сипаттап жазады.

Программалық код терезесіндегі барлық процедураларды көру үшін Процедураны көру (Procedure View) батырмасын басамыз, экранның жоғарғы сол жағындағы процедуралар тізімінен процедура атын таңдау керек.бұл жағдайда процедуралар терезе ігінде бір-бірінен сызықша арқылы бөлініп тұрады.

Код редакторында көмекші функцияларды пайдалану үшін оларды басты мәзірдің Саймандар пунктігіндегі Параметрлер командасын орындағанды пайда болатын Параметрлер терезесінің Редактор астарлы бетінен алуға, қажет болмаған жағдайда алып тастауға болады.

Сабақты қорытындылау:

1. 1. Код терезесі дегеніміз не?
   2. Көмекші функцияларды қалай қосамыз?
   3. Программалық код терезесінде барлық процедураларды қалай көреміз?

Үйге тапсырма:  Visual Basic  программалау тілі. Сызықтық программалау.