Технологическая карта урока по окружающему миру "Краская книга"

Соруга:- Кыһыл кинигэни кытта билсиһиннэрии;

-Сүтэн эрэр харамайдарга , үүнээйилэргэ харыстабыллаах сыһыаны олохсутуу.

Үөрэтии түмүктэрэ

Тустаах үөрэх биридимиэтин үөрэтии түмүгэ:

-Кыһыл кинигэ диэн тугун билии;

- Кыһыл кинигэђэ киирбит кыыллары уонна үүнээйилэри холобурдаан этии;

-үөрэтиллибит харамайдары, үүнээйилэри ойууттан, хаартыскаттан булуу;

-бу көрүң тођо ађыйаабыт биричиинэтин быһаарыы, хайдах харыстыыры быһаарыы;

Үөрэх сатабылларын сайыннарыы:

-Үөрэх дьарыгын сыалын уонна соругун өйдүүр, сөптөөх ньымалары булан туттар, туһанар;

-Сэһэргэһэр киһитин болђойон истэр, кэпсэтэргэ бэлэм, кэпсэтиигэ араас санаа үөскүүрүн өйдүүр , бэйэ санаатын тиэрдэргэ кыһаллар, дакаастыы сатыыр;

-Учебниктан, атын литератураттан ылбыт информацияны бэйэ кэпсээнигэр туһаныы, түмүк оңоруу;

-Бэйэ ситиһиилэрин сыаналаныы.

Ытык өйдөбүллэри үөрэнээччигэ иңэрии түмүгэ:

- Кыһыл кинигэђэ киирбит кыылларга уонна үүнээйилэргэ харыстабыллаах сыһыан өйдөбүлүн олохсутуу.

Атын предметтэри кытта сибээһэ: литературнай аађыы, технология, уруһуй

Уруок хаамыыта

Учуутал үлэтин көрүңнэрэ

Үөрэнээччи үлэтин көрүңнэрэ

1.Тэрээһин түһүмэх

Үлэлиир турукка киллэрии

Ођолор үлэлииргэ бэлэм буолаллар

2. Уруок тематыгар интэриэһи уонна проблеманы үөскэтии түһүмэђэ

Толкуйдатыы, проблеманы үөскэтии, ырытыы

- Бүгүн биһиэхэ уруокпутугар билиэн-көрүөн бађалаах Кымырдађас кэллэ. Кини бу кинигэлэри ађалбыт. (1 слайд)

-Болђойон көрүң эрэ - хайдах кинигэлэри ађалбытый?

-Кинигэлэр тугунан майгыннаһалларый?

-Оччођо эһиги санаађытыгар ханнык кинигэ бу уруокпутугар ордук наадалаах буолуой?

- Бүгүңңү уруокпутугар тугу үөрэтэр эбиппитий? (слайд 2)

Санааларын этэллэр. Бэйэ-бэйэђэ болђомтолоохтук сыһыаннаһыы уонна бэйэ-бэйэни истиһии.

Ођолор эппиэттэрэ

Ођолор бэйэлэрин санааларын этэллэр.

3. Баар билиигэ тирэђирии түһүмэђэ

Баар билиигэ тирэђирэн уруок тематын таһаарыы.

-Кинигэ таһыгар туох ойууламмытый?

-Бу кинигэни ким эмит урут көрбүтэ дуо?

-Тођо кыһыл өңңө уруһуйдаммытый?

-Бу кинигэђэ ханнык харамайдар, үүнээйилэр киирбиттэрэ буолуой?

-Эһиги санаађытыгар Кыһыл кинигэ диэн туох эбитий?

Билэр харамайдарын, үүнээйилэрин ааттыыллар. Тэңнээн, ырытан көрүү.

Билэр ођолортон сиэттэрэн, билэллэрин ааттыыллар, көрдөрөллөр , мөккүһэллэр, дакаастыыллар.

4. Билбэти быһаарыыны көрдөөһүн түһүмэђэ

Мөккүһүүнү таһаарыы; саңа өйдөбүллэри бэйэ быһаарыытын ситиһии;

- Аны кинигэни 88 стр арыйан кымырдађас эппиэтин аађыађың.

-Уруокка тугу билиэхтээх эбиппитий?

(Учуутал дуоскађа ођолор эппиэттэрин суруйан иһэр.)

Эйэ дэмнээхтик бэйэ икки ардыгар кэпсэтии, быһаарсыы, мөккүһүү.

-Бэйэ быһаарыытын эталоны кытта тэңнээн көрүү.

-Аађаллар

5. Саңа билиини ылыы түһүмэђэ

Ођо үлэтин тэрийии. Саңа быһаарыыларыгар көх-нэм буолуу. (Слад 3)

- Кымырдађаспыт 3 үүнээйи туһунан аађың диэн сорудах биэрбит. Ханныктарый?

Аађың уонна кэпсииргэ бэлэмнэниң.

-Биһиги Болугурбутугар ойуурга Венера түүппүлэтин булбуттара. Уонна кини туһунан Тимофеев Коля доклад аађан, республикађа бастаабыта. Билигин Коля Якутскай куоракка олорор, учёнай.

-Анал тэтэрээккэ 60 стр-ђа 2-с сорудађы толоруң.

-Учебниктан Кыһыл кинигэђэ киирбит 3 харамай туһунан аађың уонна кэпсииргэ бэлэмнэниң.

- Анал тэтэрээккэ 3-с сорудађы толоруң.

Эбии литератураттан информацияны ылыыны тэрийии.

-Билигин бөлөђүнэн үлэлиэхпит.

-Бастакынан, «Саха Сирин дьиктилэрэ» диэн кинигэттэн Кыһыл кинигэђэ киирбит харамайдары, үүнээйилэри булан аађың уонна кэпсииргэ бэлэмнэниң. Бөлөхтөн 1 ођо тахсан кэпсиэђэ.

1 бөлөх – Чубуку

2 бөлөх – Сардаана

3 бөлөх – Хара туруйа

-Иккиһинэн, ол харамай эбэтэр үүнээйи тођо сүтэн эрэрин, хайдах гынан харыстыыр туһунан кэпсэтэђит уонна бөлөхтөн 1 ођо тахсан көмүскүөђэ.

Дуоскађа үлэ былаана суруллар:

• Учуутал түмүгэ

-Үгүс дьон харамайдары, үүнээйилэри сиртэн хаһан да бараммат курдук саныыллар. Ол иһин кэрээнэ суох өлөрөллөр, үүнээйилэри үргүүллэр. Улахан суол тутаары, ойууру кэрдэллэр. Ол тыаһыттан-ууһуттан кыылларбыт көтөрдөрбүт күрэнэллэр. Сэдэх үүнээйилэр сүтэллэр.

-Хас дойду тус туһунан Кыһыл кинигэлээх. Биһиги Сахабыт Сирэ туспа бэйэтэ Кыһыл кинигэлээх. (Учуутал Саха Сирин Кыһыл кинигэтин көрдөрөр.)

Бөлөђүнэн эйэ дэмнээхтик үлэлээн быһаарыытын көмөлөөн этэллэр, иһитиннэрэллэр.

Ођолор аађаллар.Кэпсииллэр.(слайд 4,5,6 туһанан кэпсииллэр)

Ойууну кырааскалыыллар, аатын суруйаллар.

Ођолор аађаллар.Кэпсииллэр.(слайд 7,8,9,10)

Ойууну кырыйан сөптөөх сиргэ сыһыараллар.

«Саха Сирин дьиктилэрэ» диэн кинигэттэн тиэкиһи булан аађаллар.

12 слайд – 1 бөлөх

13 слайд – 2 бөлөх

14 слайд – 3 бөлөх

(слайды туһанан кэпсииллэр)

6.Түмүк оңоруу түһүмэђэ

Дуоскађа уруок сађаланыытыгар суруллубукка төннүү.

Ођолор санааларын билии.

Ыйытыы көмөтүнэн уруок сыала ситиһиллибитин ырытыы.

Ођолор бэйэлэрин санааларын этэллэр.

7. Рефлексия.

-Кыһыл кинигэ туһунан элбэђи биллибит , уруокка үчүгэйдик кытынныбыт диир ођолор сардаана сибэккини хонуу үөһэ өттүгэр ууруң.

- Кыһыл кинигэ туһунан син биллим диир ођолор хонуу ортотугар ууруң.

- Кыһыл кинигэ туһунан ађыйађы биллим диир ођолор хонуу аллараа өттүгэр ууруң.

Бэйэ ситиһиитин сыаналааһын.

(Ођолор сардаана сибэккини күөх хонууга уураллар.)