Тексты диктантов по башкирскому языку для 3 класса

Контроль диктант текстары

Инеш диктант

Көҙ еткәс

Иген баҫыуҙары бушап ҡалған. Ундағы бөтә ашлыҡтар урып алынған. Ағастар япраҡтарын ҡоя. Ҡояш ҡыҙҙырмай. Күктә ҡара болоттар йөҙә.

Китап.

Китап – белем шишмәһе. Китап уҡыған кеше белемле була. Китапты ярат, һаҡлап тот. Унын биттәрен уяма, бысратма, йыртма. Китапты тышлап тот. Китапҡа яҙма, һыҙма. Ул оҙаҡ йылдар һаҡланһын.

Урал ҡышы.

Беҙҙен Уралда ҡыш һыуыҡ була. Иртән шыйыҡ томан күтәрелә. Томан тынды ҡура. Күҙҙән йәш аға. Кешеләр һыуыҡтан ҡурҡмай.

Баҫыуҙа трактор гөрләй. Тракторсылар ҡар тоталар. Аҡ бураҙналар дингеҙ тулҡыны кеүек.

Бесәйем.

Минен бесәйем һоро төҫтә. Унын ҡолаҡтары һаҡ, мыйыҡтары оҙон. Бесәйемден туны ебәк кеүек. Унын тырнаҡтары үткер, күҙҙәре ут кеүек янып тора. Көндөҙ ул йоҡлай, ә төндә сысҡан тота.

Йәйге каникулда.

Йәйге каникул етте. Беҙ ҡустым менән ауылға өләсәйгә ҡайттыҡ.

Бер көндө беҙ Сейәлетау итәгенә еләккә барҙыҡ. Кин баҫыуҙар, туғайҙар аша үттек. Яланда Комбайндар иген ура, тракторҙар ер һөрә. Бөтә ерҙә эш ҡайнай.