Кафксоце классонь покодемань программась кочкаф, нежедемок мокшень кялень программать лангс, конань аноклазь 5-11 классненди М.А. Келин и Т.И. Ломакинась. Сон кемокстаф Мордовия Республикань Образованиянь министерстваса и нолдаф Саранскяйса, мордовскяй книжнай издательстваса 2001 кизоня. Учебнай пособиясь: «Мокшень кяль»: Келин М.А. Саранск: Мордовскяй книжнай издательствась, 2002. Тяфта жа программась кочкаф основной базиснай школань учебнай планть коряс.
Тя программась ладяф 8 классонь тонафнихненди.
Цельсь и задачатне
Цельсь: анокламс культурнай, сембе ширде содай ломатть, максомс тейст мокшень литературнай кяльса морафтомань, корхтамань и сёрмадомань содамошит.
Дисциплинать задачанза:
-тонафнихненди эряви максомс сатомшка содамоши родной кялень морфологияста, орфографияста, синтаксисста и стилистикаста;
-пачфтемс марнек эряфса кяльть асувонц колга, сяда тов касоманц и виияманц и масторлангонь лия кяльхнень ёткса сонь вастонц колга;
-шачема кяльть лезксонц вельде, сонь лангозонза нежедезь, эряви касфтомс иттнень логическяй мяльснон – арьсемаснон, ёжемарязь морафтомань и корхтамань маштомошиснон;
-максомс сёрмадомань, пунктуациянь и интонациянь кеме маштомошит, кеподемс синь мяльснон цебярьста содамс, кельгомс и ванфтомс тядянь – алянь кяльть.
Шабатненди эряви сатомс тяфтама результатт:
Личностнайхть:
-шарьхкодемс мокшень кяльть вастонц эряфса, фкя-фкянь ёткса корхтамста;
-маштомс кочкаф содамошитнень и сатфкснень нолямс школань и эрь шинь эряфса;
-касфтомс маштомашитнень ялга и оцю мархта прянь вятема; шабрань ломаттнень мархта сотксонь кирдема;
Метапредметнайхть:
- шарьхкодевиста марямс кайги мокшень кяльть;
- маштомс покодема валкснень мархта;
- маштомс кочкама информация разнай источникста;
- маштомс корхтама мокшень кяльса.
Предметнайхть:- содамс валзюлмоса главнай и зависимай валхнень, корхтамать целенц коряс валрисьмотнень видснон, валрисьмоть главнай и зависимай пяльксонзон, кафта главнай пялькс мархта аф распространённай и распространённай валрисьмотнень, фкя составонь валрисьмотнень шарьхкодемаснон, однороднай пялькс мархта валрисьмотнень, пъшкядемать, виде корхтамать, корхтамань вайгялькснень тиевомаснон, гласнай и согласнай вайгялькснень, валть смузенц, валонь тиевомать.
Мокшень кяльть дисциплинать потмоширец.
Сисемце класса тонафнефть лятфтамац
Глаголсь. Глаголть наклонениянза. Глаголть аф объектнай и объектнай спряжениянза.
Причастиятне и деепричастиятне, синь тиевомасна и валрисьмоса синтаксисонь рольсна.
Наречиятне, смузень коряс синь разрядсна, валрисьмоса синтаксисонь функциясна.
Синтаксиссь. Пунктуациясь. Валзюлмось. Цебярьста корхтамась.
Валзюлмоть шарьхекодемац. Валзюлмоть и валрисьмоть ёткса аф фкаксшись. Ваклзюлмось кода валрисьмонь пялькс.
Валзюлмоса смузень коряс отношениятне: определительнайхть, объектнайхть, обстоятельственнайхть.
Валзюлмоса валхнень ёткса сотксонь витне: согласования, управления, примыкания. Мокшень кяльса примыкания сотксть пяк сидеста васьфневомац.
Валзюлмоса и валрисьмоса валхнень порядкасна.
Валзюлмоса определениянь функцияса валть кеме вастоц. Инверсиять шарьхкодемац.
Смузень ударениясь. Валзюлмоть песа валти ударениять таргавомац.
Валрисьмось. Простой валрисьмось. Валрисьмоть главнай и зависимай пяльксонза.
Валрисьмось. Валрисьмоть грамматикань основац и грамматикань смузец.
Подлежащайсь, сонь азовомац. Сказуемайсь. Простой и составной глаголонь сказуемайсь, сонь азовомац. Сотксонь валсь.Простой и составной аф глаголонь сказуемайсь, сонь азовомац. Сказуемайкс молемста аф глаголхнень тяниень и ётай пингонь няфти скауемостень суффикссна. Подлежащайть и сказуемайть ёткса тиресь.Сказуемайть синонимичнай форманза.Дополнениясь. Виде и аф виде дополнениясь, синь азовомасна. Определениясь. Опреднлениять азовомац. Именительнай падежса существительнайть определениякс молемац.Определяемай валть мархта определениять сотовомац. Определяемай валть коряс определениять вастоц. Приложениясь кода эсь лацонь определения. Приложениять видеса лотксема тяштенятне. Обстоятельствась. Смузень коряс обстоятельстватнень видсна: действиянь образонь, мерань и степень, пингонь, вастонь, целень и туфталонь. Обстоятельстватнень азовомасна.
Сравнительнай сюлмокссь. Сравнительнай сюлмоксть видеса лотксема тяштенятне.
Фкя главнай пялькс мархта валрисьмотне
Фкя главнай пялькс мархта вылрисьмотне: определенно-личнай, аф апределенно-личнай, лицафтома, номинативнай. Ня валрисьмотнень эса главнай пялькснень азовомасна.
Фкя составонь валрисьмотнень синонимиясна.
.
Аф пяшксе валрисьмотне.
Аф пяшксе валрисьмотнень шарьхкодемасна. Фкя главнай валрисьмотнень видеса лотксема тяштенятне.
Однороднай пялькс мархта валрисьмотне
Валрисьмотнень однороднай пяльксне. Однороднай и аф однороднай определениятне.
Соединительнай, противительнай, явомань союзса сотф однороднай пяльксне. Аньцек интонация вельде сотф однороднай пялькснень ёткс запятойть путнемац.
Однороднай пялькснень видеса обобщающай валхне. Обобщающай вал мархта однороднай пялькснень видеса кафта точкатне и тиресь.
Пъшкядема и сувафтф вал мархта валрисьмотне
Пъшкядемась, валрисьмоса сонь ролец, пъшкядемать азовомац. Пъшкядемась кода корхтамать эмоциональностенц касфтомаса средства. Пъшкядемать видеса лотксема тяштенятне.Сувафтф вал мархта валрисьмотне, сувафтф валрисьмотне. Сувафтф валхне и сувафтф валрисьмотне кода корхтамать эмоциональностенц касфтомаса средства. Сувафтф валхнень и сувафтф валрисьмотнень видеса лотксема тяштенятне. Полатф валрисьмотне.
Да, аш, аф валста валрисьмотне. Синь видесост лотксема тяштенятне.
Явфтови башка пялькс мархта валрисьмотне
Валрисьмотнень явфтови башка пялькснень шарьхкодемасна.
Явфтови башка определениятне и приложениятне. Явфтови башка и аф явфтови башка определениятнень синонимикасна. Явфтови башка обстоятельстватне. Точнайгофты обстоятельстватнень башка аердомасна. Явфтови башка обстоятельстватнень синонимикасна. Явфтови башка дополнениятне. Валрисьмонь явфтови башка пялькснень видеса лотксема тяштенятне.
Кизоть песта тонафнефть лятфтамац
Валзюлмось и валрисьмось. Валрисьмонь главнай и зависимай пяльксне.
Фкя главнай пялькс мархта валрисьмотне. Однороднай пялькс мархта валрисьмотне.
1 655
37 968 
