Тест Физика 10-класс

10 класс 1-вариант

ФИО___________________________________класс____________________________дата_______

1)Ысытуу учурунда зат катуу абалынан көбүнчө алгач суюк абалга, андан соң газ абалына өтөт. Графикте заттын температурасынын убакыттан болгон көз карандылыгы берилген. Графиктин кайсы участогу суюктуктун кайноо процессине туура келет(1-сүрөт)?

1-сүрөт 2-сүрөт

а) 1-2 б) 2-3 в) 3-4 г) 4-5 д) 5-6

2) Массасы 100 г жана температурасы 50⁰ С болгон сууну буулантыш үчүн канча жылуулук саны талап кылынат? Суунун салыштырма жылуулук сыйымдуулугу 4200 кДж/кг ⁰С, ал эми салыштырма буулануу жылуулугу 2300 кДж/кг. Жообун кДж менен бергиле.

а) 230 б) 251 в) 326 г) 420 д) 650

3)Капилярдык түтүк боюнча суу 12 см көтөрүлгөн. Суунун беттик таптылуу коэффициенти 7* 10^-2 Н/м ге барабар. Бул капилярдык тутүкчөнүн радиусу канчага барабар?

а) 10*10^-4 м б) 4*10^-4 м в) 10^-4 м г) 14*10^-4 м д) 1,4*10^-4 м

4) Нафталиндин эрүү жана кристаллдашуу графигинен, кайсы чекит кристаллдашуу процессинин башталышына туура келет(2-сүрөт)?

а) 1 б) 2 в) 3 г) 4 д) 5

5) Температурасы 100⁰ С болгон 0,5 кг суу буусу толук конденсацияланып жана бул учурда пайда болгон суу 0⁰С га чейин муздаганда бөлүнүп чыккан жылуулук саны 0⁰ С дагы канча музду эрите алат? Буу пайда болуунун салыштырма жылуулугу 2300 кДж/кг,суунун салыштырма жылуулук сыйымдуулугу 4200Дж/кг⁰С, муздун эрүүсүнүн салыштырма жылуулугу 330 кДж/кг.

а) 2,05 б) 4,1 в) 6,2 г) 7,5 д) 8,25

6) Төмөнкү каралып жаткан нерселердин кайсынысы материалдык чекит болот?

а) Күндүн айланасында орбита боюнча айланып жаткан Жер б) Өз огунун айланасында айланган Жер

в) Өз огунун айланасында айланган молекула г) Ядронун бөлүнүшү учурундагы атом

д ) Бууга айлануу учурундагы суюктук

7)Берилген температура кезинде абадагы суу буусунун парциалдык басымы 1860 Па, ушул эле температурада каныккан суу буусунун басымы 2400 Па. Абанын салыштырма нымдуулугун тапкыла.

а) 78,5% б)77% в)70,7% г) 80% д) 77,5%

8)Температура 12⁰С болгондо, абанын салыштырмалуу нымдуулугу 60%. 12⁰Сде каныккан суу буусунун басымы 1,4 кПа. Абадагы суу буусунун парциалдык басымын тапкыла.

а) 800 Па б)840 Па в)780 Па г)480 Па д) 804 Па

9) Оң элементардык заряд ... таандык.

а) электронго б)α –бөлүкчөсүнө в) протонго г) позитронго

10) Эбонит таякчасын жүнгө (кийизге) сүргөндө электрлешүү кубулушу

байкалат. Эбонит таякчасында кандай белгидеги жана кийизде кандай белгидеги заряд пайда болот?

а) Эбонит таякчасында оң, кийизде терс б) Эбонит таякчасында терс, кийизде терс

в) Эбонит таякчасында терс, кийизде оң г) Эбонит таякчасында оң, кийизде оң

д) Эбонит таякчасында терс, кийизде заряд жок

11) Система тең салмакта болушу үчүн, чокуларында оң 4 нКл чекиттик заряддары бар квадраттын ортосуна кандай чоңдуктагы терс зарядды жайгаштырыш керек?

а) 3,8 нКл б) 4,6 нКл в) 3,2 нКл г) 1 нКл д) 0,5 нКл

12) Электр талаасынын чыңалышы Е=F/q формуласы менен аныкталат. Ушул формулага байланыштуу туура аныктамаларды тапкыла.

1. F- электр талаасы тарабынан ушул талааны пайда кылган q зарядына таасир эткен күч.

2. F- электр талаасы тарабынан ушул талаанын чыңалышы аныкталуучу чекитке жайгаштырылган q зарядына таасир эткен күч.

3. q - электр талаасын пайда кылган заряд, ушул заряддын электр талаасынын чыңалышын аныктайт.

4. E - q зарядынын электр талаасынын чыңалышы

5. q - электр талаасынын чыңалышы Е аныкталуучу чекитке жайгаштырылган заряд

а) 1,2 б) 2,3 в) 3,4 г) 2,5 д) 3,5

10 класс 2-вариант

ФИО___________________________________класс____________________________дата_______

1) Ысытуу учурунда зат катуу абалынан суюк абалга, андан соң газ абалына өтөт. Заттын температурасынын убакыттан болгон көз карандылык графигинен суюктуктун кайноосунун башталышына кайсы чекит туура келээрин аныктагыла(1-сүрөт)?

а) 1 б) 2 в) 3 г) 4 д) 5

1- сүрөт 2-сүрөт

2) Эгерде каныккан буунун температурасын жогорулатсак, анда анын басымы өзгөрөбү?

а) басым жогорулайт б) басым төмөндөйт

в) каныккан буунун басымы температурадан көз каранды эмес

г) буу кеңейгенде басым өзгөрөт д) басым нөлгө барабар болуп калат

3) Ысытуу учурунда зат катуу абалынан суюк абалга, андан соң газ абалына өтөт. Заттын температурасынын убакыттан болгон көз карандылык графигинен суюктук толук бойдон кайнап бүткөн чекитти аныктагыла(2-сүрөт)?

а) 1 б) 2 в) 3 г) 4 д) 5

4) Беттик тартылуу коэффициентинин чен бирдиги ....

а) Дж/с б) Дж/м в) Н/м² г) Н/м д) Дж/ч

5) Кайсы прибор салыштырма нымдуулукту аныктоого мүмкүндүк берет?

а) барометр б) манометр в) термометр г) психрометр д) спидометр

6) Көлөмү 83,1 м³ болгон бөлмөдөгү абанын 27⁰С кезиндеги салыштырма нымдуулугу 50%. Бөлмөдөгү суу буусунун массасын тапкыла. 27⁰С де каныккан суу буусунун басымы 3600 Па, суунун молдук массасы 0,018 кг/моль.

а) 1,08 б) 1,62 в) 2,16 г) 2,7 д) 3,24

7) Аморфтук заттардан монокристалл кайсы касиети менен айырмаланат?

а) тунуктугу б) бекемдиги в) катуулугу г) жалпак кырларынын болушу д) анизотроптуулугу

8)Муздаткычтын ПАКи 80%ке барабар. Баштапкы температурасы 289⁰ К болгон 150 г сууну музга айландыруу үчүн канча сандагы фреон-12(муздаттучу зат) бууланууга тийиш?

а) 40г б) 44г в) 4г г)40,1г д) 44,4г

9) Эгерде эки чекиттик заряддардын ортосундагы аралыкты 2 эсеге чоңойтсок, анда алардын бири- бирине аракет этүү күчү кандай өзгөрөт?

а) өзгөрбөйт б) 2 эсе чоңойот в) 4 эсе чоңоет г) 2 эсе азаят д) 4 эсе азаят

10) Заряддары 3 мКл жана 1 мКл болгон эки бирдей шарчаларды бири бирине тийгизишип, андан кийин аларды 10 см аралыкка алыстатып коюшту. Шарчалар бири бирине кандай күч менен аракет этишет? Жообун МН менен бергиле

а) 0,8 б) 1,4 в) 2,5 г) 3 д) 3,6

11) Электр талаасынын бир тектүүлүк шартын аныкта.

а) Е= const б)Е= 0 в) Е = const г)Е≠ const д) Е = 0

12) Чоңдугу 1 нКл болгон чекиттик заряды өзүнөн 10 см аралыкта электр талаасынын кандай чыңалышын түзөт?

а) 900 б) 910 в) 90 г) 90,5 д) 920