Тақырыбы: « Тіл тұтастығы- ел тұтастығы »
Мақсаты: Тіл тазалығын сақтау, мәдениетті сөйлеу, шешендік өнерді балалардын бойына сіңіре отыра, ана тіліне сүйіспеншілігін қалыптастыру, мемлекеттік тіл мәртебесін көтеруге атсалысуға шақыру.
Көрнекіліктері: Тақырып жазылған плакат, шарлар, әр түрлі суреттер.
« Тілден артық қазына жоқ, тілден артық қасиет жоқ» деп елбасымыз Н.Ә Назарбаев айтқандай қазынамызды қадірлеп, қасиетімізді арттырып тілге арналған мерекемізді бастайық.
Туған жері- түп қазығы, айбыны,
Туған тілі- сатылмайтын байлығы.
Туған дәстүр-салт- санасы, тірегі.
Қадамына шуақ шашар үнемі. – демекші « Ана тілі» жайлы өлеңімізді айтайық.
Азиза: Кең далада жүремін,
Бауырында ойнап күлемін.
Мен жерімді сүйемін,
Ол үшін отқа түсемін.
Қарлығаш: Сүйесің өз тіліңді
Боласың білімді
Өз тілің үйретер
Өнерді ғылымды
Ардақта тіліңді
Ернияз: Тілім барда мақтанам
Тілім менің аппақ ән.
Бірлігімді бүгінгі
Ана тілім сақтаған.
Нұрхан: Ақыл-ойын дананың
Ана тілден аламын.
Ана тілі ардақты,
Ақ сүтіндей ананың.
Нурислам: Қазақ тілім туын биік ұстаған
Қазақ тілім кең далама ұқсаған
Қазақ тілім мәртебелі еңселі
Құрметтеп отыр , бүгін ел сені.
Арлан: Ана тілім – анам,
Аппақ қардай арым
Мұра еткен бабам
Жарқыраған жаным.
Ерасыл: Жанымнан қымбат
Ана тілім маған
Ана сөзден тыңдап
Үлгі өнеге алам.
Амир: Ана тілім - тірегім
Ана тілім – жүрегім.
Қасиетті елімнің
Тек өзің деп білемін.
Аслан: Ана тілім –елдігім
Ана тілім - ерлігім.
Тілді биік құрметтеп
Тойлап жатыр ел бүгін.
Дильназ: Туған тілім айбыным,
Тіл көрмесін қайғы- мұң.
Тілім жерге қараса,
Керегі жоқ айбыны.
Карина: Ана тілім елдігім,
Ана тілім- ерлігім
Ана тілім болмаса
Бүтінделмес кемдігім.
Балалар Ең тәтті не?
Ең ащы не?
Ең жұмсақ не?
Ең қатты не?
Балалар: Ең тәтті де- тіл
Ең ащы да- тіл
Ең жұмсақ та- тіл
Ең қатты да- тіл.
- Ой, бәрекелді. Тағы алдауыш сұрақтарым бар.
Тауық жерде жүреді,
Балық (суда жүзеді).
Күн күндіз шығады,
Ай ( түнде шығады)
Жазда су ағады,
Қыста ( мұз қатады).
Жылқы төлі құлыншақ,
Ешкі төлі( лақ).
- Ал балалар кім сұрақтарға дұрыс жауап береді:
1.Біздің Отанымыз қалай аталады? (Қазақстан)
2. Президентіміз кім? (Нұрсұлтан Әбішұлы Назарбаев)
3. Неше жыл мезгілі бар? (Жыл мезгілі бар)
4. Төрт түлікті ата (Түйе, жылқы, сиыр, қой)
5.Біздің Елордамыз қалай аталады? (Астана)
6. Біз Қазақстанның қай жерінде тұрамыз? (Бидайық ауылында)
7.Қандай жыл мезгілдері бар? (Көктем, жаз, күз, қыс)
8.Отбасыға кімдер жатады? (Әке-шеше, аға, апа, іні, қарындас, сіңілі)
Қазақ тілі өмірінде, өленде,
Қазақ тілі тамыр жайған тереңге.
Қазақ тілін болашаққа жетелеп,
Ұрпақтарды танытады әлемге.- деп бүгінгі ашық сабағымызды тренингпен аяқтаймыз.
233
151 426 
