Төрөппүттэргэ тест

Төрөппүттэргэ аналлаах тест.

Бу этиилэртэн оҕоҕун кытта кэпсэтэргэр туттар этиигин бэлиэтээ.

1. Хаста эйиэхэ хатылатыахха сөбүй? (2)

2. Баһаалыста, миэхэ сүбэлээ (1)

3. Эйигинэ суох хайдах оҥоробун билиэм суох эбит дии... (1)

4. Кими батан манныгыҥ эбитэ буолуой? (2)

5. Мин оҕом наһаа да үчүгэй доҕоттордоох! (1)

6. Дьэ, кимиэхэ майгынныыгын бу?! (2)

7. Мин баар суох көмөлөһөөччүм...(1)

8. Мин эн сааскар...! (2)

9. Хайдах эрэ доҕоттордооххун ээ? (2)

10. Тугу толкуйдуу сылдьарыҥ буолуой? (2)

11. Мин оҕом наһаа маладьыас! (1)

12. Тоойуом, оттон эн туох дии саныыгын? (1)

13. Атын дьон оҕото наһаа да үчүгэй, оттон эн?! (2)

14. Өйдөөх даҕаны ээ, мин оҕом! (1)

Бэлиэтээбит эппиэттэриҥ уҥа өттүгэр баар бааллары бэйэ – бэйэлэригэр эбэн кэбис.

Эппиэтэ:

5-6 баалы хомуйбут буоллаххына, оҕоҕун кытта санааҕытынан тапсан олорор эбиккит. Кини эйиигин ытыктыыр уонна таптыыр. Бу кини улаатарыгар олус туһалаах буолуо.

8-10 баалы ылбыт буоллаххына, инники өттүгэр оҕоҕун кытта сыһыаҥҥытыгар ыарахаттары көрсүөххун сөп эбит. Оҕоҥ кыһалҕаларын өйдүөххүн наада.

11 баалтан элбэҕи хомуйбут буоллаххына, оҕоҕор биир сүнньэ суох сыһыаннаах эбиккин. Үчүгэйдик толкуйданыаххын наада.